|
|
مرحبا خواتي
شلونكم
انشاءلله بخير
يابنات انا عيد زواجي يوم السبت << طبعا انا لي 8 سنوات متزوجة
ومحتاره شلون احتفل بهاليوم لاتقولون احجزي فندق انتي وياه !! مااقدر
عندي عيالي عسى الله يخليهم مااحد يتحملهم شياطين اسم الله عليهم يعني مااقدر اخليهم عند احد
ابي اللي عندها فكره جديده وغريبه بنفس الوقت تقولي عنها
لاني ابي اغيّر
انا كل سنة اشتري له ساعه او قلم ماركه او عطر وهالسنه ابي شي جديد 
اللي عندها فكره جديده وحلوه ياليت تقولي قبل يوم السبت 
تحياتي لكم
ديما
والهدية مو شرط اتكون غالية رياييلنا ملو من الاقلام والساعات والابواك والعطور …
انا مفكرة اخذ حق ريلي جهاز الجاكوزي مال الريول ….
او ممكن تاخذين وحدة من دشاديشه وتعطينها لواحد من اخوانج او للوالد وتفصلينله دشداشة مع غتره جيفنشي او دنهيل مع عقال وقحفية خخخ ومكسر وفنيلة وتكرمين نعال يعني لبس كامل اتوقع حلو …
او تاخذين له تي شيرتات حلوة ..
او لبس رياضة …
او تكرمين انعال نيدية احسها كيوت وايد حلوة ورزة …
او اي جهاز كهربائي يحبه مثلا كاميرا او آي ميت او موبايل …
او اكسسوارات حق سيارته ….
او بخور ودهن عود …
او بجامة وروب …
انشالله تكون عجبتج الافكار
عجبتني فكرة الهدايا الصغار بسويها
اشكرج مره ثانيه حبيبتي
وينكم بنات بس رفرف 
راح اقولج شنو خذيت له بالترتيب
بوك
ولاعه
بزمه
ميداليه
غتره
بدله
وان شالله هالمرة باخذ له قلم جيفينشي
او
علبه زقاير من نفس الماركه
عشان يكمل الطقم
بس فكره جاكوزي الريول حلوة ..
وعندج بجاشنمال بيجامات سي كي يهبلون واسعارهم زينه مو غالييين
أو قعدي انتي بكرتون وغلفيه هههههههههههههههههههههه ومن يدش راح يفتح الهديه ويشوفج اشيبي بعد احسن من هالهديه بالله .. 
بس انه من رايييي اخذيله خامات دشاديش كشخه على ذوقج عشان يفصلهم حق العيد
أو غتره ماركه حق العيد ( جيفنشي ) روعه تهبل
اتعرفين الليتات الصغار الى تشب وتطفي ؟! تييبن من هالنوعيه كذا متر وتشكلين فيهم كل عام واحنا بخير على الطوووووووووفة اتمنى وصلت الفكره؟! وتعرفين الشمووع الصغاار على شكل دوااائر ؟!! تشكلين فيهم اشكال نجوم دوائر مثلثات على كبر صاااالتج وتغيرين الديكور مال الصاله اتمنى تقدرين تفضين الصاله من كل قطعه فيه اذا تقدرين تخلينها فاضيه من كل شيء بس شمووووووع وكرسيين وطاولة بالنص ودااير مدارها الشموووووع وتنزلين من مفرش الطاولة وروووود يصير المنظر روعه وطبعا تكونين كاااشخه واذا تبين اليهال يشاركونكم فكره حلوه كلهم تكشخينهم وتلعبووون لعبه مشتركة عقب يقدمووون الهداية حق ابووهم وانتي بعد تقدمين حق ريلج الهدية مو شرط تكوون غاليه اهي معنوية اكثر من ما تكون ماديه عقب تروحين غرفه ثانية تكونين مجهزه شريط الفيديو مال عرسج او ملجتج تشغلينه وكلكم تشوووفوونه مع اعيالج انا افضل انج مااتسوين عشى بس كيكة وعصاير انتي وفناتقج عاد عقب تنومين اليهال وتنتقلين انتي وريلج غرفتج تكونين حاطة المايكرويف عندج بالغرفه طبعا مستغربه من وجود المايكرويف تكونين حاطه داخله زيت حق المساج يصير دافي واتسوين المساج حق ريلج عقب ……………………………. تقضون ليله سعيده يالعسل وكل عام وانتو بخير عقبال 100 سنه يالغاليه
افكارج حلوه تسلمين يالغاليه ومشكوره على الرد
دلع ولع حلوه الفكره تسلمين يالغاليه ومشكوره على الرد
ريان اعجبتني فكرتج وانشاءالله بسويها مشكوره يالغاليه على الرد
اشكر خواتي الغاليات اللي ردو على الموضوع
بس وين الباقي
يالله بنات السبت مابقى عليه شي
شوفي سالفة انج تشركين اليهال انا صج اشركهم بس بعيد ميلاده مو بعيد زواجنا
عيد زواجنا مناسبة خاصة فيني انا معاه بس واليهال يخمدون مبجر احسن
بس عيد ميلاده هيصة عادي
فانتي حاولي تخلينها شي سبيشل احلى وحاولي تضبطين ركن بالبيت وتخلينه مثل كباين المطاعه حطي بارتيشين ومفرش حلو وفازة ورود وركن حق السويت والفاكهة وعشى حلو وغريب اما انتي تسوينه ولا جاهز بس اذا انتي احلى بيكون
وطبعا تكشخين انا رايي تلبسين بدلة سهرة ناعمة مو شك وميك اب وتسوين شعرج مو قميص نوم لان القميص كل يوم تلبسينه بس ملاب سالحفلة نادر مايشوفج فيها بس تكون شي ناعم وما يشمخ
وحطي له بالصالة الشاي والنعناع حق عقب العشى وعلبة ككاو فاخر والهدية غلفيها ورزيها ولا خشيها بمكان وقولي له يطلعها منه مثلا بالغرفة ولا اي مكان
ممكن تشبين شموع بعد وتزينين البيت بس مو بزينة وخرابيط لا بالشموع والورد الزينة حق عيد ميلاده ممكن مع البلونات خل اليهال يستانسون
انا مفكره والله البس بدلة سهره ناعمه ويكون لونها ابيض او اوف وايت
<<< يعني عروس 
واسوي تسريحه بالصالون وتكون ناعمه واحط مكياج ناعم
واصور انا وياه نعيد الذكرى اشرايكم ؟؟
بس الهديه محتاره فيها
ومحتاره بعد شلون احتفل ؟؟؟ ابي افكار بنات لاتخلون اختكم
وشغله حلووه اذا جهزتي له حمام دافي بزيووت معطره
ومره توهقت بالهديه فشريت له بوك وحطيته بوسط بوكيه ورد راقي وخليته يوصولوونه لنا ليما الشقه فانصدم لما وصلت هديتي ليما البيت وشكلها كان حلوو
واتمنى اني اكوون فدتج
من وين شريتي زيت المساج ؟ وشنو اسمه ؟ <<< غشيمه بهالسوالف
عجبتني فكرتج مشكوووره
وين البنات
وفي زيوت مساج بكل مكان حتا بالجمعيه وفي بالبودي شوب
واماكن عديده
وترا فكره الدشاديش وايد حلوه داخل علينا رمضان
اشتريله قطعه سنعه ماتطلع اكثر من 15
حلو؟
واجدع خامه
واشتري وياها قلم او مصباح سنع
وفلت راحت الهديه
وعنيد افكار جميله انا مجربتها
صوري عمرج بمصور سنع ببدله حفله ولقطات جميله ارعه
وحطيها له ويا الهدايا
والهديه مكو شرط تتقدم
خشيهم وخليه يدور وتقلب ضحك
مشكوره على الرد بس شنو اسم احسن زيت مساج لاني بعد شوي بروح السوق
رفرف<< حلوه مايقول شي هههههههه
مشكوره ياعمري
بسرعه بنات وينكم قربت ساعه الصفر قصدي السبت
تحياتي