|
|
ماساتي تكمن في ولدي والمدارس الخاصه
ابيكم بالله عليكم تحكمون
البدايه ولدي عمره 9 سنين في سنه رابعه ابتدائي
في مدرسه الخليج الدوليه بخيطان حاليا
قبل 4 سنوات كان في اجيال وقعد فيها من قريد ون اليى قريد 3
زين المهم مستوى ولدي في الانجليزي وع
ومستواه في العربي والتربيه الاسلاميه ممتاز
في قريد ون كان مدرسه حسبي الله ونعم تاوكيل مستر دي اللي عيالهم مع ولدي راح يعرفون المدرس المعفن
وكل يوم بالهده لما اسال عن ولدي يقول قود
والنتايج عكس كلامه لانهم يمدحون عشانه هادي ويسمع الكلام
قلت المدرسه جديده وقعدته للقف الثاني وانا لما كان ولدي في الصف الثاني سافرت للعلاج بالخارج بس ماخليت ولدي حطيت له مدرسه هم نصابه وكانت مدرسته مس سوزان تنت مسميتها الجنديه والله كانها ماتدرس يهال مساكين بعد قلبي المهم جيت الكويت شهر 2 ولما شفت النتايج حرام انصدمت زفت بزفت
عدت السنه وراح ولدي قريد 3 وكان باجيال طبعا وتخبلو بالشهر الاول ثلاث مدرسات كل شوي يغيرون المس
ليمت الله اكرمهم بمس دنيس تهبل ولدي شوي سلك معاها بس ولدي كان مينني ادرسه فاهم كل شي واوكي بس بالاختبار ييت درجات فاشله والله تعبت مادري اللعله في المدرسه او في ولدي
قلت بوديه مدرسه ثانيه عشان اشوف العله وين؟؟؟؟؟
وديته الخليج الدوليه بخيطان وطبعا موخبط لزق جم مره زرت المدرسه وسالت عنها كانت رائعه المدرسه وهم دخلت عليهم بالصف وكانت مدرستهم حيل محترمه وسالت اولياء الامور وامدحولي المدرسه ونظامها
ماشييي!!!!!
انتو معاي والا مليتو تو ماخلص الفلم
المهم توكلت على الله وسجلته بالمدرسه وبدت الماساه من اول ويديد
غيرووا الستارف باكمله من الناظر الى المدرسين وبصراحه تحسفت لان اجبال اكثر منها نظام وهذول صاروا عليميه
والطتمه الكبرى المدرسه اسمه مستر قوردي
يعاملهم انهم كبار وحرام عليه مايعرف مستوى الطلاب وتخبط في الدروس والله المستعان
الصبيات ما يحبونه كل مره القاهم عند الناظر يشتكون منه وانا منهم جم مره اشتكي عليه والله يستر على ولدي باجي السنه
ذاك اليوم كتن عندهم اختبار علومودرست ولدي وبعد يبتله مدرسه قلت ولدي انميه بالاميه علامته زينه….. مابي درجه كامله ابي درجه تبين التعب اللي تعبته مع ولدي
الطامه يوم ياب ولدي ورقة الاختبار 
انصدمت من النتيجه وطبعا الاختبار ماخلا المستر اي سؤال في الورقه الا حاطه
ياب 6 من 32
الحين يابنات من كل هالكلام تشوفوون السبب من منو؟؟؟؟؟.gif "Eh S(14)")
منى من ولدي او من المدارس الخاصه والمدرسين
لاني بصراحه تعبت وحاسه بتييلي الجلطه ابي وحده حكيمه تحلل وتعلمني شنو اسوووي.gif "Eh S(1)")
طبعا هذي القصه وباختصار بس نقلت لكم المهم في الموضوع
لان حرام تقطين هالفلووس ويطلع مستوى المدرسه او المدرسين مو لي ذاك الزوود
اكيد العلة فى المدرسة لان المفروض يستدعونج ويعلمونج ولدج ضعيف بشنو بالضبط
حوليه حكومة وتابعيه وراح يتحسن
هل ولدي بعاني من صعوبات التعلم ؟؟؟؟
والا يتروالي لان المدرسه الاولى كانت تقول لاولياء الامور اذا حسووا ان عيالهم فيهم شي !
انا ماقالولي والمدرسه المساعده تقولي زين ولدج بس بالاختبارات مادري ليش جذيه يصير فيه؟
اما المدرسه الثانيه لا تعليق
وان شاء الله لي موعد مع المستر ولازم نشوف حل ومشكووووووووووورين حبايبي
تر التعب موجود بكل انواع المدارس…
بس الي يقهر لما تقطين فلوس ومجهود وماكو نتيجه
طلعيه تر اغلب الدكاتره والمهندسين من مدارس حكوميه
وتقدرين اتزيدين من معرفة الولد وتوسعين افقه بمجهودج..
والله يوفقه
ترى أعرف ناس عيالهم كبروا فى مدارس من هالنوع والحين أكتشفوا أن عيالهم ولاشئ
لحقى عليه الحين أحسن لك[/b]
انا بنتى كانت فيها بكى جى تو …دخلت كلشى اتعرفه نسوها اياه اعفسوا معلوماتها فووووق حدر وخلوها تكرهه الدراسه والمدرسه ماكملت نقلتها مدرسه ثانيه والحمدلله الحين وايد مرتاحه ومستانسه
الخليج الدوليه سألت عنها مامدحوها وايد بس يقولون ماشى حالها مو شينه
يعنى ترا المدارس الثنتين لج عليهم مو ذاك المستوى .. مو شرط العيب من ولدج
مره ثانيه اشكركم على الردود
جمانه الله يكون بالعون سووي لولدج موعد عند مركز تقويم الطفل وشوفي شنو العله اللي في ولدج يعطونج تقرير وان شاء الله الله يوفقه اهو وولدي يارب
malekatsabaa كلامج 100%بس الخاص معاملتهم احسن من الحكومه بوايد وعيالنا ابدا مايسلكون مع الحكومه ولدي قلت له بوديك حكومه تعالي شوفي المناحه اللي سواها صياح وبجي مادري على شنو
غير انه يبي ربعه
هنوف أم سالم الله يعافيج على هالنصيحه ان شاء الله بطبقها بس لما اعرف شنو علة ولدي اول
ام ضاري انا ماضيع ولدي غير اجيال الله لايبارك فيهم وعشان لاابخس حقهم اهم بالعربي والقران لا يعلى عليهم ولدي ماشي معاهم اما الانجليزي ماييبون الا الفشله من امريكا ويحطونهم عند عيالنا الله يسامحهم . بس ام ضاري بنتج اي مدرسه الحين
روقاء مشكوره عالدعوه حبيبتي
يوم رحت للسكرتيره وطلبته قالها موعنا الساعه 1 الاربع
وانا حاضره الساعه 11 الا ريع حتى السكرتيره استغربت شلووون؟
حسبي الله عليه اللله لايوفقه ويجعل كيده بنحره امين
واااااااااااااحد من خمسه يعنى ميييييييييييح والدين نفس الدرجه حسبى الله عليهم وطبعا معطينا الشهادات بالويك اند ظليت الويك اند كله آكل بعمرى ومتنكده لالالا والقهر انى كنت حاجزه بهلتون المنقف ماتهنيت الله لايهنيهم
واكتشفت بعدها لما قعدت قعده حق الابله بلالالالالاوى تدرين شمسويه ؟ طبعا اهمه نظامهم اللى كانوا مثلا بكى جى ون جى يروحون نفسهم كى جى تو جى .. فا الاخت عارفه الشطار حاطتهم بطاوله يمها والباجى طزززززز فيهم حاطتهم بالطاولات اللى ورا وماتدرى عن هوا دارهم وكل شويه حاطتهم وزافتهم لدرجة ان بنتى صار عندها حالة خوف من المدرسه كله خايفه احد يزفها صارت من تروح يوم الاحد تستمرض وترتفع درجة حرارتها واوديها الطبيب يقولى لاداوم هالاسبوع وهاذى حالتنا من كثر ماكرهت المدرسه هذا غير بلاوى وايد لو قعدت اكتبها يبيلى عشرين صفحه من القهر …. حتى الدين اشدعوه كل اسبوع ثلاث واربع سور يبا هذوله روضه !!! بنتى كانت حافظه سبع سور نستهم كلهم وقامت تخربط ولما كلمت ابلتها الدين والا نزززره ونفسها خايسه انا كرهتنى بالحفظ فا ما بالج بنتى الصغيره
طبعا انا لما قررت انقلها كل المدارس كانت مكتفيه مالقيت الا اربع مدارس اخترت افضلهم اللى اهيه الكويت الوطنيه الانجليزيه لحد الحين الوضع اوكى وبنتى وايد مستانسه وقامت تتعلم وصارت تحن على لى ردت البيت درسينى
انا اصلا لو مو لاقيه مدرسه ثانيه جان قعدها بالبيت ولا يدمرولى البنت حسبى الله عليهم