|
|
بنات ام زوجي ملوعه جبدي مكرهتني حياتي مع زوجي
صرت ساعات اكره زوجي والسبب اهيه يوم حملت حملت معاي وتعالج بنفس الدكتورة الي تعالج عندها وولدت بنفس المستشفى الي ولدت فيه
وكانت دايما تقول حق زوجي اهم من زوجتك امك لان زوجتك اتعوض مهما كان لازم تحس بشعوري وكنت حامل دايما تقول هالحجي جدامي
وولدت انا شهر 10 وعقب ماخلصت الاربعين سافرت انا وزوجي ويوم سافرنه بسبوع اولدت ست الحسن والدلال المهم
عقب ولادتها بسبوعين رجعنا على طول يوم ثاني رحنه لها البيت وتحمدنا لها بالسلامة
مومهم ذي كله
وتوقعت عقب ماتولد تبخليني في حالي لكن والله زادت المشاكل
صارت تدخل في اكل ولدي تحن وايد على زوجي تقوله زوجتك لاتعطي ولدك حليب هلون ترا بصيده مرض ومادري شنو تحن على اكل الياهل
وايي زوجي اصارخ علي وازفني
وانا اصبر وانا عارفه ان اهيه الي مشوشته لان اكون عندها قبل
كانت كله تقولي لاتحملين تحملي وعقب ماحملت احملت عقبي مباشرة وولما سألتها ليش مااحمل قالت لي لان احتمال تنفصلون تخيلوا
وقبل سبوعين قالت حق زوجي تعال نام في البيت على طول تخيلوا زوجي تركني انا وولدي في البيت ويوميا كان ينام عند بيتهم وقالي غصبا عليج بتين وانا بعيده عنهم المشاكل لاحقتني يابنات كل ذي صابرة عليه
تخيلوا امس ياي لي اقولي اذا ماحبيتي بيتنه انا افلتج برع بنات انا بموت من القهر
زوجي قام لما اروح الدوام مايتصل لي كلش ولا يسأل عني
ولما يرجع يتهاوش معاي ازفني واقط علي نغزات ولما اجوف السجل مال التلفون اجوف طول الوقت اكلم امه
وسمعوا السالفة اليديدة انا قبل لا اولد قالت لي امه تحملي تيبين ولدج عندي انا مااحب اليهال قلت لها اوك
الحين امي وابوي ميتين من الوناسة على ولدي ولما جافتهم هلون قامت تقول حق زوجي ليش ماتيب ولدك عندي ايوده تقول ويوم ولديته لها تقعد تقول هلون متين فيل حشه وتخلي عيال الناس اللعبون فيه وولدها ياويلكم تيودونه بس
وبعد باصبر بس بموت من القهر تقول حق زوجي جدامي هاذي ام ماتهتم في ولدها
انا على طول اخلي امي تيود ولدي ولما اروح بيت زوجي تقعد تقولي جدام الاهل انتي ماتهتمين في ولدج وله حتى تعبتي فيه
انا اسكت والله وله كلمه انطق
من القهر موعارفه شنو اكتب
يابنات حتى لما نسافر تقعد تقول حق زوجي ليش تخسر فلوسك محد يستاهل ونغزات مالها اول وله تالي والله يابنات من ولدت وانا ولدت قيصرية ماعمرها اتصلت اسالت عني وعن ولدي
وولدي صار مريض وله اتصلت
ودايم انا الي اتصل لها
وحتى لما اتصل لها ماتشتهي تكلمني ةالحين تقولي تحملي تحملين مرة ثانية
يابنات هاذي بس القليل موعارفه شاقول لكم
على طول صار زوجي اسبني الي ماعمره سبني من غير سبب واشكرة يتشوش وايي لي شاسوي شنو الحل كرهت حياتي ينيت صرت مااكلم زوجي واقوله الي بقلبي اخاف لان تسحب منه حجي
بس تعبت اكتب وانا اصيح
ساااااااااعدووووني
الله يهديها ويصدها عنج
هاي ام زوجج يعني جامليها واستحمليها عشان خلاطر ريلج
جدام ريلج مثلي انج تحبينها مع الوقت اهو بعرف انج مب غلطانه
واي شي تقولج عطيها اكبر طااااااااااااااااااااااااااااااف
لا تفكرين بكلامها
هاي مخترة وتبي ترد شبابها على حسابج
وانتي اذا تبين تحملين اهي مالها حق عليج
بس انتي عشان ما تخربين بيتج بيدج لا تكبرين السوالف معاها
هاي من النوعية اذا حقرتيها بتموت من القهر
بس المشكله زوجي صار يتكلم عني عندها وقالها ان انا ماابيها تخيلوا
زوجي صار مايحبني مثل قبل
انا اموت فيه احبه تعبني شاسوي
ماحد بيوقف معاج غير ربج
وطنشيها واعتبريها غير موجوده واحتًر ميها وقدام ولدها امدحي امه وهي ع العين والراس
وخلي ولدج اذا راح لجدتج يجيب لها هديه او زووجج ان راح لامه قول اشتر لها ووو
تهادوا تحباوا وطنش تنتعش
وهذي الحياه وكل انسان معرض للمشاكل وماااحد ياخذ غير نصيبه
وترا ربي يبلي الانسان ع قد ايمانه
يعني اذا ايمانج قوووووي بتكون البلا اقوى فاحمدي ربج ايمانج بالله قوي
وتقربي لله بيسهل امورج
واكيد الزواج والحياه الاجتماعيه مشاكل بمشاكل وع الانسان ان يتحمل هذي الحياه
اكبر مصيبه هي الموت والدين فقط يارب لا تفجعنا باغالي ولا تصيبنا بدينااا
استغفري لاتنسين الاستغفار
ياماما شيلها من راسج ولاتحطينها سبب تعاستج!!!!!
يعني أهي الحين فاضيه تدخل بصغيره وكبيره واذا كانت جذي سايسيها وحببيها فيج
يعني لاتحطين راسج براسها
حب الام وطاعتها غير عن حب الزوجه
واذا أهي تنصحج عن اكل ولدج او عن حمالج ماعليه حبيبيتي عادتج صغيره وماعندج خبره يعني احسني الظن فيها
ولاتحطين على كل كلمه تقولها زووووم انتي بتتعبين طنشي وقولي انشااااالله خالتي تامرين وبس
الله يوفقج
وحاولى توديها بهدايا فطبيعة الانسان الهدية تألف قلبه
عليج بدعاء يرد القضاء
وخالتج الله حسيبها
تحسبي عليها بكل لحظه
وقولي يارب اييها شي يشغلها عنج
عليج بالدعاء و الاستغفار
و سايسيها و تحملي
وباقي البنات بعد ماقصروا
انت بس شوفيها وش تحب بالضضبطط واهديها اياه
وواضح تغار منك وبترجع شبابها على حسابك
انا اقول اشتريلها قميص نوم مع عطر واهديها بتطيييييييييييييييييييييير من الفرحه هههههههههه
او اشتري بدلتين نفس بعض وحده لولدك ووحده لولد خالتك
وغير كذا امدحيييييييييييييييييييييييييها
يابنات مليت من كثر مااعيد وربي المدح مفعولللللللله سحري
زوجك لاهي عنك ولا ام زوجك حاطه دوبها من دوبك ولا ولدك او بنتك مايسمعون كلامك
امدحححححححححححححححححححي مجدي فيهم وقدريهم وطيريهم لسابع سما
وبتشوفين كيف بيتغير الوضع
الله يسخرلك ويسعدك
يحملون وياهم ويحاولون يلبسون مثلهم واشيا وايد
بس انتي شيليها من راسج وكلما قالت لج شي قوليلها هي صح وانتي اخبر مني بهالامور
ودايما جدام زوجج قولي هاي الطريقه اتعلمتها من امك وهي اللي نصحتني بهالشي ماشالله عليها ومن هالكلام
حاولي كثر ما تقدرين انج تتحاشين الكلام عنها وياه واذا يت عنها سالفه لاتتكلمين عنها الا بالطيب والزين
المثل يقول
لاجل عين تكرم مدينه
تحبين زوجج
مفتاحه امه
تغاضي عن كل شي تقوله حبوبه وطنشي
واذا كنتي تشكين لزوجج من معاملة امه بطلي وغيري الشكوى الى مدح
قولي انا كنت فاهمه خالتي غلط واكتشفت انها من كثر ما تحبنا تخاف على وعلى ولدك
وخالتي ماشالله سنعه وحبوبة وطيبة
ومن هالكلام
ياقلبي اشتري راحتج وغيري اسلوبج بترتاحين
والله دمعت عيني حيل حاسه فيج وبالظلم اللى تتعرضين له
مهما بقول الألم والجرح كبير وانا ادري
بس الله يهدي زوجج
والله يهدي امه
مايجوز لها تقول لاتحملين يمكن تنفصلين
شنو ناويه عليج اهي
الله يعطيها على قدر نيتها ان شاء الله
شوفى التزمى بصلاتج وصلي كل فرض بوقته لاتهملين صلاتج اختى مهما كان
واكثري من الإستغفار
وانتى قاعده وانتى تبجين وانتى بتنامين
استغفري
والله الإستغفار كنز اغلب الناس غافلين عنه
ابجي وانتى ساجده بصلاتج وادعى بسجودج لله عز وجل
لاتدعين عليها ولا على اى احد بالشر
لاكن ادعى ان رب العالمين
يسخر زوجج لج بالخير
وان يهدي امه ويحنن قلبها عليج وعلى ولدج
لاتيئسين من رحمة الله سبحانه
ولاتنسين
ترى
إن الله مع الصابرين