|
|
قوه حبوبات حبيت استفسر من اللي مركبات لولب ، أنا سالفتي سالفه مع حبوب المانع ولا ناسبوني كلش وقررت اركب لولب الشهر الجاي ان شالله بس ابي اسأل عن طريقة تركيبه يعني :
تحسين بالم وقت تركيبه ،،
شنو افضل نوع ،،
شنو الأعراض اللي تحسين فيهم بعد تركيبه ( مغص ، نزيف ) .. الخ ،،
واي يوم من الدوره افضل لتركيبه ،،
تكفون لا تخلوني ابي مساعدتكم لان تعبت من لحبوب وأبي اركبه وارتاح ،،
سوري بس نسيت اسأل سؤال محرج شوي وقت الجماع يصير في الم ناتج عن اللولب ، وطالبتكم تجاوبوني بأمانه وبكل مصداقيه تكفون بالنشميات الهم ذبحني ،،
انا نفسج اغلب انواع الحبوب ماناسبتني ولقيت نوع طاح علي بس للاسف انقطع والشركة ماقامت تييب منه
وتميت على العزل وماضبط معاي وحملت في بنتي الثانية
وبعدها الولاده قررت اللولب لان وايد من اهلي ركبوه ومافي مشاكل عندهم
وركبته وحيل تضايقت منه اول شي بالعلاقه زوجي ماكان يتقبله والمغص والدوره نزلت علي مثل النزيف وبعدها مانزلت وحسيت بالم حيل كبير وسويت تحاليل وسونار وكانت في بويضه وقالولي اما حمل طبيعي او خارجي بحسب نسبه الهرمون وسويت التحاليل وطلعت حامل وعلى اللولب
والحمدلله على كل حال
واسفه على الطواله بس حبيت اشرحلج عن تجربتي
اول شي الهرموني : ما والمني و تعبت من تكرمين الافرازات و الالتهابات و غير الدوره تييلج بس3 أيام و بالقطاره ف قررت اني اشيله .
ثاني شي اللولب النحاسي : مشى معاي بس 8 شهور و عقبها حسيت بعوار في بطني و انقطعت عني الدوره و يوم حللت طلعت حامل .
بس شوفي جسم عن جسم يختلف يعني اختي مع عماتي يحطونه ما شاء الله بالسنين و عايشين حياتهم طبيعيه بس سبحان الله انا ما والمني .
موفقه
انا وخواتي كلنا نستعمل حبوب جنيراا خفيفه ومالهاا آثار
اب لعيونج
لا يحوشج عوار ودم وافرازات وتعبت حيييل حييل منه
وحبوب الحمل زادت وزني حييل
واللحين قاعده اشوف لي صرفه ياربي
حتى وقت الجماع ريلج يحس فيه اللولب
والدورة كانت تجيني 5 ايام اللحين صارت 8 و9 و10 يعني معاناة خصوصا اول ما تنزل الدورة
خفيفه حييل تقريبا 3 ايام يالله تنزل عدددل
يعني باختصار معاناة وهذا اللولب الهرموني
وبس
حبيت افيدج
اب اب
انااتوقع انه اللي حملوا على اللولب و لا اللي يذمونه لان الدكتور اللي ركبه مو زين
أنصحج بصراحه حييييل في و بعدين انتي جربيه و شوفي ان شاء الله يناسبج
على فكره صج نسيت أقولج انه اول ثلاث اشهر ركبته كان مو شي الدوره كل أسبوعين تييلي و افرازات و نزيف كنت بشيله بس دكتورتي قالتلي عادي هذا شي طبيعي لان جسم غريب و الجسم يحاربه بس عقبها تعدلت الدوره الحمدالله*
ان شاء الله اكون فدتج بشي