يااااا كويتيتات العالم اجتمعوا .

السلام

شلوكم يا كويتيتات

شخباركم

و شمسوين

و شتبون داخلين

لووو

وووووووووووووو:ddd ds:ووول

المهم

الموضوع خاص للبطاليات

و

الطالبات (ثنويه او جامعه)

و لكل ام عندها بنت او ولد بهذي المرحله

من خلال تجربتي البسيطه اكتشفت ان :

القطاع الخاص ما يوظف الا اللي عندهم خبره (لا تقل عن 3 سنين)

_أو فيتامين واو_

لذا انصح كل شخص يحب نفسه

ان يشتغل خلال فتره العصر (بارت تايم)

أو يشتغل خلال فتره الصيف

لان هذا يساعده بان يتوظف اسرع

من غيره (أقصد اللي نايمين بالعسل)

واذا كان الشخص مجتهد اجتهاد ملحوظ

الجهه تطلبه بعد مايتخرج .. وتعينه على طول

***الخلاصه : التعرف على ناس يديد .. خبره تفيده بعدين .. راتب بسيط ***

بدون لويه و لا بطيخ ..

اما بالنسبه للحكومه و لويه ديوان الخدمه

ان الطالب ايب كتاب لمن يهمه الامر من الجهه اللي يدرس فيها

ان اهو تخرج من عندهم .. يعني هني يضرب عصفورين بحجر
1- قدم على الوزاره اللي يبيها
2- قدم عالديوان

وانتوا عارفين الديوان باب يفتح ويسكر
ماينطر منه احد يروح يقضي شغله بنفسه

***الخلاصه : وداعا للمخللات لوول الديوان تنقع الناس سنتين تخللهم , اذا كل واحد يسوي جذي محد قعد في بيته الكل متوظف وفاك نفسه .. وحزتها خل لديوان يسكر ويبطل على كيفه ***

طولت عليكم

لكن هالتجربه خلتني ابطل اعيوني
وقلت خل انصحكم لاحد يمشي بنفس
الغلط

طبعا يشرفني اني ارد على موضوعج وصح كلامج مثل بعض الناس الي انتي تعرفينهم نايمين بالعسل لووووووووووول

لووووووووووووول

سبنش معاج خير اذا انتي نايمه بالعسل

انا نايمه بدبس
لووووووووووووووووول

طريقه التقديم :

بنك الاهلى

طريقتين اما

عن طريق الموقع الخاص فيهم
https://www.eahli.com/abk/

أو

تروحين البنك الرئيسي _ بشرق

قسم HR

او عادي قولي بقدم على وظيفه والسيكروتي يدليج

بنك الخليج

له طريقه وحد فقط لا غير

تقدمين من خلال الموقعهم

https://www.e-gulfbank.com/arb/career…reerSearch.jsp

ولاحد يروح المبنى الرئيسي : راح يردونكم
يقولون قدمي من النت

قدمي زيتا شناطره

والله صاجه
وبيني وبينج فيتامين وااااااااااااااااااااااااااااااااو واجد ينفع
منو ماعنده هالفيتامين مستحييييييل الا ما ندر

بنك التجاري

طريقيتن اما

من خلال موقعهم
https://www.cbk.com/ar/about-cbk/care…opportunities/

او

المبنى الرئيسي – حولي

ودي مسويه حمله ضد البطاله

طبعت السي في مليون نسخه

وكل ماطره بالي مكان

رحت رزيت ويهي

لووووووووووووووووووووووول انشاءالله تتوظفين ونفتك منج

بنك بو بيان

طريقه وحده

تروحين المبني الرئيسي قبال البورصه

الله يسمع منج ان شالله

و تتوظفين انتي بعد

ابيج باول معاش تشترين لي سياره

فئه : ديبا دوبابويه … لووول

بنك التمويل

طريقه وحده

من موقعهم الخاص

https://www.kfh.com/AboutUs/Careers/index.asp

طبعا قبل ياخذون الاوراق لكن الحين تطوروا
بس بالنت

بنك برقان

هذا موقعهم
https://www.burgan.com/burgan/career.asp

… مادري اذا ياخذون اوراقكم وله لا

جزاج الله خير

وانا بضيف عليج

الاتصالات الثاله ومقرهم مجمع دانه سنتر

وشركات البترول كله بالنت

هذول اللي قدمت عليهم واعرفهم

وياريت الكل يقول وين قدم واشلون الطريقه عشان الكل يستفيد