وييييييييييه تعبت و أنا أكتب, أصابعي تعورني

طبعا الكل يعرف من اللي يتابعون المنتدى بأستمرار أن كل يوم ياية بنوتة يديدة على المنتدى تشتكي من رييلها, أو وحدة تقول موضوع يالله لك الحمد خارج عن الأدب و كله قلة حيا و مصخرة, أو تلقين و خصوصا بالفير مجموعة شباب يدخلو المنتدى و يخربونه لكن السؤال اللي يطرح نفسه ليــــه

طبعا الحياة الزوجية حياة شاقة سواء للزواجات أو للمشرفات بالمنتدى هع و كل شيء صار فيها أو انه صاير هالحزة أو بي يصير فهو قضاء و قدر…

لكن السؤال هل فعلا المشكلة اللي صايرة هي مشكلة أو لا

أو أنك أنت و اللي بالمنتدى تحاولو تكبرون هالمشكلة و تسوونها مشكلة
طيب إذا فعلا أن هالمشكلة مشكلة لكن هالمشكلة ما توصل لحد طرح المشكلة فهل تعتبرينها مشكلة

<<< تحس شوي و تنطق

المهم موضوعي هو لو أن كل وحد منكم عانت بعيد الشر عننكن من مشكلة و طرحتها بالمنتدى لسبب ما و بعد هالطرح طبعا و كما هي العادة خمس ردود مفيدة و الباقية تلقينها من ردود هالهيلق مثل اللي تقول لها تطلقي واللي تقول لها أخلعيه و اللي تقول لها طقيه و خذي بوكه و أسطعي بيت أهلك و اللي تقول لها أنتحري أزين لك وه بس.

لكن قبل لا تطرحين السؤال أو الفكرة هل فكرتي قبل طرحه أو طرحها أن هذا المنتددى ليس بالصرح المناسب لهذه الفكرة أو السؤال.

عيل ليه مسوينه ؟؟

أنزلو شوي بعد بااقي

|
|
|
|
|
|
هذي حتى تركزون شوي باااقي و تريحون نظركن

|
|
|
|
|

|
|
|

سؤالي اليوم لماذا …؟؟؟ هع
هل أنت السبب أو هم؟ أو أنك تربيتي على هالشيء؟ لو بيدج تغيريه غيرتيه؟
غريبة طيب ليه ما تبدين من الحين؟

الحين أيه لكن ما هو الحين اللي هو تعريفه وحدة من نظم القياس لسلسلة مكوث الأحداث لمقارنة الفترات المعدودة ذات الطابع الحركي و النفسي الداخلي على أساس عقائدي و فيلسوفي و علمي لكن تفسيرها على أنها ليست مختلفة في كافة المجالات السابق ذكرها يجعلها أكثر تملصا و ثباتا

يمه شنو هذا اللي قبل أكيد ما بتطلعون بشيء لكن لا جاء طاري البنوتات المسكينات الي يلاحقون ريايلكم بالأسواق طنقرتو و حمممرررت وييهكم و بديتو نفاخ و صراخ يسمعه الين اللي بنبتون.

الخلااصة <<< أكيد البنات يقولون الحمد لله
ليه المرأة محور وقتها هو سريرها و سوقها و المارينا مول وشي شوي عند أهلها و ريلها ديوانيات و خرابيط ريايل؟
لو زوجك طلب منك تغير أسلوب حياتك هل توافقين؟ و ليه أنت تطرحين فكرتك أو مشكلتك بالمنتدى و أنت ما عندك أهداف بالحياة؟
لو عندك أهداف بالحياة وشهي؟؟؟ طبعا غير أني خلي ريلي يحبني هع ؟
و لو عطوك أدارة المنتدى وش تسوين ؟؟
أنا عني أصكره هههههههه لكن أبشغله ثاني يوم لأني بشتاق لكم

مشكورة يا قلبي

كلامج عسل و درر

و أتمنى البنات يستفيدون

صح أنا معاج في قصص تظيق الخلق و في ناس صج تبي مساعدة و في بنات الله يصلحهم أحس قاصدة تحط قصتها عشان ترفع ظغطنا

الله يصلحهم

مشكورة و جزاج الله كل خير

إيه معاج حق لكن صج هم ما همهم شيء غير أنفسهم

تدرين مااااااافهمت شي لووووول

عادي هذا دليل على مكانتك العلمية العظيمة
و على كلام هتلر بعضكم ما رح يفهم حتى يبقون هؤلاء دليل على كلامي ( اللي بتوقيعك هع )

شتبين الحين : لووووول ولله حسيت اني اقره كوووفي مافهمت شي حجيه

أنت مع اللي قبلج
يا رب زيد و بارك صارو ثنتين

مافهمت شي من كلاااااااااااااااااامج !!!!!! شنوووو الللي بتوصلين له !!!

احس افكااااااااار الموضوع متشتت ..

اهدافك كثيره فماعرفنا الخلاااصه.. هو الموضوع حلو بس ماعرفتي ترتبينه …

بنات اللي ما فهمت الموضوع يا ليت تقرااه مرة ثانية يمكن تفهمون

واللللله ما فهمت ولاااااا كلمه احس كل شي خواره ولا انا صرت خوااااره ماااادري؟؟؟؟؟؟؟!!!!!!!!!!!!!!!!!

انا رقم 3
هههههههه
بس هم اقولج سلامة اصابعج من التعب ،،

شكرا للحبيبات اللي رود و المووضع خلااصته بالجزء الأول و الأخير

لاااه ميووومة أنت رقم 100 مية دخلو ولا فهمو هع يا حسرتي بس

مو شرط كل وحده تكتب مشكلتها بالمنتدى يعني ماعندها اهداف بالحياه ! كتبت مشكلتها يعني خلاص المره حياتها كله سرير واسواق ؟؟؟ شكو ! مشكله صادفتها بحياتها وحبت تاخذ راي زميلاتها وتستفدين من نصايحهم مافيها شي

دامج تقولين اذا كنتي مديره المنتدى راح تسكرينه ، انزين انتي ليش تدشين المنتدى عيل ؟ مو عشان تقرين وتستفيدين ؟ يعني مو شرط عشان تكتبين مشكله صارت لج والا موقف تعرضتي له ، لا مو شرط ، كافي انج تدشين تعرفين على هالنكات الطيبه وتستفيدين من بعض الشغلات ومشكوره