|
|
بسم الله الرحمن الرحيم
السلام عليكم ورحمة الله وبركاته
حبيباتي عندي طلب
انا من الامارات
وخاطري ازور الكويت
فوين تنصحوني اسير اذا الله كتبلي وييتكم؟؟؟
وسلامتكم
انتي شنو تبين يعني مجمعاات ؟؟فنادق ؟؟ ملاهي؟؟
الغالية ابغي اعرف عن الفنادق والاسواقاشكرج بنت حوا ع اللنك
اهم شي الافنيووز لايطوفج
بس بيفتر راسج من كبره
حيااااااااااج الله
الخوات ماقصروا
مجمع زهرة
مجمع الصالحية
الفنار البستان ليلى قالري
بتحصلين هدوم حلوين
بس افنيوز والمرينا تقريبا نفس محلات الامارات مول وستي سنتر مراح تلقين اختلافات
بس روحيلهم كتغير جو يعني تشوفين الديرة
واذا تبين جناط ماركة ترا لكويت ارخص لاني توني ياية من دبي فرق سعر لقيت
وبغيت عرف عن الفنادق اللي عندكم وين تنصحوني اسير؟؟
بالنسبة للأماكن . اول شي قوليلنا انتي شنو تبين تروحين ؟ اسواق .. البنات كفو ووفو ماشالله
المطاعم .. الديرة متروسة مطاعم …
في اماكن وايد حلوة و محد قالج عنها …. و ما شفت ولا وحده من الخوات ذكرتها لج
حبيبتي عندنا مكتبة البابطين للشعر اذا كنتي من هواة الشعر و القراءة …
أبراج الكويت .. و هذي فيها مطعم هم بعد حلو حق الريوق الصبح … و تشوفين الكويت من فوق … و هالمكان حلو خصوصا هالايام الجو عندنا بالكويت الصبح يكون روووعه ..
و عندنا بعد المركز العلمي … فيه 3 قاعات : الاكواريوم وايد حلو و فيه اسماك و حيوانات صحراوية و شغلات جذي ، و قاعه الاستكشاف : حلوة وايد اذا رح اتيين وياج يهال يلعبون و يستكشفون و يسوون تجارب علميه ، و قاعه سينما الاي ماكس ، و تعرضلج أفلام بطريقة ال3d و افلامهم حلوة وايد و تشوق .
و مجرد التمشي على بحر الكويت يسوى الدنيا باللي فيها والله …
بالنسبة للمطاعم أنصحج بصراحة تروحين جوكليت بار .. وايد حلو و رح يعجبج و اطباقهم كلها بالجوكليت و عندهم أطباق فناتك عجيبه غريبه رح تستانسين عليه وايد
بالنسبة للفنادق اختي الحبيبة .. حسب ميزانيتج .. و جم يوم تب تقعدين ؟؟؟؟ الفنادق هني على قفا من يشيل على قولتهم و نظاف و حلوين ….
و عندج فنادق 5 نجوم .. و 4 نجوم … و شقق فندقية
و عندنا فندق يديد اسمه ايبيس … هذا حلو اذا بتقعدين جم يوم عالسريع … و رخيص و كويس و اهما مسوينه حق رجال الاعمال الي ييون يدوب 3 ايام ولا 4 ايام و يمشون …
و خدمته حلوة و زينة و راقية و سعره رخيص جدا …
وحيااج الله بتنوووور الديرة
حياج الله بديرتج الثانيه
وسوق شرق حبيب قلبي
وعلى فكره وايد اشوف اماراتيين هالايام بالكويت
ولأي استفسار لا يردج الا لسانج
اشكركم ..كفيتوا ووفيتوا…..
جزاكن الله خيرا