|
|
سلام عليكم
شلونكم بنات شخباركم
انا حامل في بجري وداشه شهري طاف ثلاث ترباعه
(( ياسعود فات من الشهر 25 ماشفت ولدي اويلاه )) لوووول على الطريج 
سؤالي الاول اهو شنو علامات الطلق ؟ انا اييني عوار بس خفيف وبسرعه يمر وبفترات متباعده
احيانا ينزل علي افرازات كثيفه مره وحده
الماي شلون اعرف اذا نزل علي ؟
العوار يكون بفخوذي قوي حيل بس ابطني ماحس بشي يذكر يكون خفيف
وسؤالي الثاني شنو حركة القرفصاء الي نسويها ؟ انا قريتها بكتاب بس ماعرف اسويها لازم ريولي تكون مسطحه على الارض ولمن اسويها ريولي ما تثبت صعبه
وسؤالي الثالث شنو طريقة التنفس اثناء الولاده يعني لمن اييني الطلق اتنفس بسرعه بسرعه ولا اخذ نفس عميق واكتمه ؟
وسؤالي الرابع (ماعليه طولوا بالكم) اول ما اييني العوار (العوار اللي اصلا بعرف شلون صاير) متى اروح المستشفى؟
مشكورين والله يعينكم على الاسئله الذكيه شسوي عليميه بجر 
انا اقولج شي اذا يالج عوار شكيتي انه طلق بخري نفسج اذا زاد يعني طلق واذا راح يعني هوا
وامشي على تراب البحر وااايد وامشي بعد وايد
والماي اذا انفجر جنه حنفيييه امبطله حيييل
اي تصدقين فوز عاد صج ملاحظه البيبي حركاته قلت وصارت خفيفه يمكن لاني صايمه مافيه حيل يرفس لوووول
خلج ليش مستعيله صومي لج جم يوم زياده
شوفي الله يسلمج انا ببجري قالي الدكتور اذا يالج عوار بوقت منظم يعني كل عشر دقايق هذا طلق تعالي المستشفى
او اذا نزل دم
او اذا نزل ماي
انا ياني الطلق عوار خفيف وقعد يزيد وبعد الساعتين صار كل 10 دقايق والله سبحان الله الساعه يمي اذا صارت مثلا 12
اييني عوار يعفسني ثواني ويروح واذا صارت 12 وعشر بالضبط يرد علي والله الساعه جبالي وانطر
ووقتها كنت اقول لامي قومي خنروح الدكتور قال اذا صار جذي تعالي قالتلي ماعليج منهم راح ياذونج ويفحصونج خلج شوي
طلقي زياده عشان تروحيلهم مستويه ورحمج متبطل بس انا بجر وخوافه مارضيت قمت قلت بتسبح بسرعه واروح المستشفى
يوم دشيت الحمام والا لقيت نازل علي دم بس مو وايد نفس دم الدوره ثالث ورابع يوم
وبس عقبها رحت
وبالنسبه للتنفس ماعليج من سوالف الافلام انا ماذكر شنو سويت وقتها انتي بعالم ثاني بس ادعي وربي يولدج والدكتور حزتها مع السسترات بيقولولج شتسوين
عن شلون تتعاملين مع تقلصات الولاده وشلون تتنفسين
الطلق عواره مثل المغص بس على اكثر ماتقدرين تناميين او تسووين شي مغص حيييل اييو ويروح و لاتخافيين منه بتحملييينه عادي