وين اقدر اطبع صورة على القماش لتصميم زي لمسرحية ولدي ؟

السلام عليكم اخواتي العزيزات
ولدي عنده مسرحية في المدرسة واهو راح يمثل دور كتاب فابي اصمم له زي بحيث اقدر اطبع صورة على القماش وبعدين اخيطها
تعرفون مكان ممكن يطبع لي صورة على الخام
ومشكووووووووورين

هلا والله والله انا اعرف الي بالمدينة الترفهية
اهناك يطبعون صور على البلايز والاقلاصات والابجورات و الجناط
وكل شي

بالمدينة الترفهية وفي اكثر من محل

زانشاء الله اكون افدتج

بعد عمري والله .. الي اعرفه يطبعون على قماش بمركز الطالب .. وفي هم مثل ما قالت اختي بالترفيهيه وفي بحديقة الشعب بس طبعا ً أغلى بيكون عليج …

حبيبي ما حبيت اطلع بدون رد والله فديتج انا

اذا عندك طابعه في البيت ,, اشتري الورق الخاص من المكتبه

واطبعي الصوره عليها ,,, وبعدين اكويها على القماش

هذي الطريقه نفس طريقة المحلات واسهل وارخص وتقدرين تتحكمين فيها بالمقاس ودرجت الالوان

اكثر من مكان يطبعون على البلايز …….ستى سنتر اللى بالسالميه…….ومثل ماقالت الاخت اخذى الورق من مكتبة جرير وكبعى صورة الكتاب وتالى اكويها بنفسج……..ليش ماتسوين له مجسم من الكرتون يلبسه مثل القميص بدون اكمام على شكل كتاب يطلع حلو

ستي سنتر السالميه يطبعوون

اكثر من مكان لاتحتارين مثل مركز الطالب ومثل ماقالت الاخت تقدرين تطبعين بالبيت عن طريق ورق خاص

اذكر مره سويتها حلوة والورق تلاقينه بمركز الغانم او محلات الكمبيوتر ساليهم عنه

جمعي الشامية فوق في محل يطبع كل شي

مشكوورين خواتي جميعا على الرد
وجزاكم الله خير

انا اقولج بجمعيه الفيحاء فوق بعد يم النصر بالضبط