وين أبلات الانجليزي الحلوات

شلونكم ابلات شخباركم؟؟
الحمدلله مابقى شي وتخلص السنه

امممممم بغيت أسأل منو اهني تدرس انجليزي ابتدائي لني ملاحظه كله مدرسات روضة.
ياليت يكون في مواضيع حق مدرسات الانجليزي خاصة الابتدائي الي معذبنا كل يوم قرار من التوجيه وكل يوم طريقة ولا هالملف الانجازي الي طلع عيونا يعني ياليت تكون لنا مواضيع نناقش فيها مشاكلنا ونتشارك الافكار عشان نستفيد ونفيد انشالله

هلا حبيبتي انجل انا ادرس انجليزي ابتدائي

واتوقع اكو شكثر مثلي

فكرتج حلوة

و انا بعد وياكم

هلا والله ابلاتي
ناطرين الباجي انشالله

انا مشروع مدرسة انجليزي لووووووووووووووووووووووول بعد 4 سنين راح ادرس ههههههه توني اول سنه بالجامعه

هلا اختي ورود وحياج الله معانا بس ما اقول الا الله يعينج

بنات قولولي انتو تدرسون اي صف؟؟ انا ادرس الصف الثاني والخامس

شرايكم بالملف الانجازي بعد التعديل؟؟

هلا حبايبي ، وانا بعد بعد وياكم
حبيت اوضح شغله اني طريقة توزيع الدرجات للصف الاول والثاني والثالث بعد التعديل الحالي حيل ظلم الطالبات يعني طالبه امتياز تصير جيد اوجيد جدا . يعني اغلب الطالبات ينزل مستواهم

وياكم وياكم ..

انجلش … ابتدائي … بنين ..

ادرس الصف الثاني و الرابع ..

الملف الانجازي بعد التعديل اشوفه احسن … للطالب و للمعلم …
و حتى النسب عندنا ارتفعت …

و مشكوره عالموضوع

دام ان هني القى ابلات الانجليزي ..

بغيت اطلب منكم طلب خواتي ..

انا اجمع اختبارات الانجليزي بحطها بمويقعي (تصغير موقع هههههههه)
بليز اللي عندها اي اختبار او ورقة عمل لاي صف مهما تكون بسيطه … تحطها هني … عشان الكل يستفيد و عشان اقدر اجمعهم ..

ومشكورين

هلا والله
انا اشوف ان الملف الانجازي بكبره مو شي صراحه تعب عالفاضي وبس تصوير بهالاوراق واحس ماله طعم بس الاهل يشوفون النتيجة النهائية وبس والاوراق عزكم الله بالزباله
يا حلاة شهاداتنا قبل تحسين صج شهادة

انا عن نفسي تجاوزت مرحلة "كراهية الانجازي"
خلاص تعودنا عليه واهو قدرنا ..

و الحمدلله … ترا احنا الانجليزي ارحم وايد من العربي

ابلات .. شلون عيالكم مع حفظ الاحرف ؟؟ كابيتال و سمول ؟؟

طلبتي بثانيه ماشاء الله حفظوهم .. بس اللي برابعه مو ذاك الزود يعرفونهم للاسف …
تصدقون ؟؟؟

اختي تدرسين بأي محافظة؟
انا بالفروانية توجيهنا ذبحنا كل يوم شي يديد وكل يوم طريقة وكل يوم مادري شنو حاسين بضغط قوي هالأيام بس الله كريم ما بقى كثر الي مضى
بالنسبة للأحرف انا بناتي الي بثانية ماشالله قامو يقرون الدروس الي بالكتاب لني من اول الكورس وانا اعودهم عالقراءة اول شي كلمات بعدين جمل صغيرة والحين قمت اخربط الكلمات واهمه يسوون الجملة والحمدلله الحين البنات الي مستواهم عالي قامو يقرون عدل وبحاول اخذ نفس الصف بثالثة لنهم بناتي من يوم كانو بأولى انا أسستهم على ايدي والحمدلله الكل يمدح هالصف الله لا يغير علينا انشالله.

حبوبه انا بالاحمدي ..
وتوجيهنا حلو الحمدلله … خاصة مع مدارس البنين ..
ماكو الا الطلبات العادية … تقارير و خاربيط جذي

شي حلو لو تستمرين مع بناتج اللي اسستيهم … يطلع مجهودج ..
انا متوهقه بعيال رابعه … احس يبيلهم سنه يديده بس تاسيس و تعليم قراءه

تصدقين حتى انا اعاني مع بنات خامسه بالقراءة مادري شلون وصلوهم خامسه واهما ما يفرقون بين الاحرف. شنو كانو يسوون 4 سنين؟ هذا الي معقدني

انا بعد وياكم