وليدي وتأخر النطق ؟؟أفيدوني يا أحلى كويتيات؟؟؟؟؟

السلام عليكم
حبيباتي الكويتيات أنا حبيت هذا المنتدي بكل أقسامه أفدتوني جدا جدا
فطمعت فيكم أكثر إنكم تفدوني في أكبر مشكله عندي

ومايقول إلا

ماما .. بابا .. أبي .. لوولووه يعني بنام

بس وباجي الكلام مو مفهومه بس إذا قلت له نروح سياره يفهم

او اقوله تبي حليب يفهم بس مايعرف يتكلم

المهم الحين اهوه فع شوي متأخر الصراحة ماعرف دكتور متخصص بهالسوالف بس انتي حاولي تكلمينه وايد واتخلينه اهوه يتكلم حطي جدامه قصة وخليه يقولج شنو هذا وشنو هذا لا تخلينه يستحي لأنه مايتكلم عدل وعوديه على القصص ترا وايد وايد وايد يتعلمون منها اليهال …

اقتباس:

المشاركة الأصلية كتبت بواسطة النبع المتدفق السلام عليكم حبيباتي الكويتيات أنا حبيت هذا المنتدي بكل أقسامه أفدتوني جدا جدا فطمعت فيكم أكثر إنكم تفدوني في أكبر مشكله عندي وهي وليدي حبيب قلبي عمره ألحين 4 سنوات وكلماته مو واضحه أبدا إلا أنا أفهم شنو يقصد بكلامه وأحيانا يمثل إذا شاف شئ مستغرب منه وأنا أموووووووت من الحسره عليه وديناه لمركز سالم العلي وقالوا لنا عنده تخلف بعقله بنسبة 64 من ميه وأنا قلت للأخصائيه ولدي وأعرفه مل فيه إلا العافيه بس ولدي ما تجاوب معها علشان هو كان زعلان مني لإني مقعدته من النوم بدري هذي ما في القصة وطلبت منها تحولني على دكتور متخصص وبعد طلعت الروح والواسطة خذيت منها إسم الدكتور ورحت له وسوا إختبار ذكاء لوليدي وطلعت نسبة الذكاء 98 من مئه كان ودي أرجع الأخصائيه أفشلهاأوريها نتيجة الدكتورعلشان ما تلعب بأعصاب الأوادم إذا إلتبس معاها شئ لا تسوي نفسها عريفه تحول الأمر للدكاتره وبس ولا تحطيم هالأوادم المهم أرشدناالدكتور إن ندخله حضانه لأن المسأله تبيلها وقت بس خصوصا إنها وراثة من العائله وخذيت بنصيحته طبعا وتقدم وليدي بس مو هالكثر ؟؟ أليحن ودي تفيدوني على مكان حكومي أو خاص يدرب وليدي على النطق أو إذا تعرفون دكتور متخصص بالنطق يفيد إوليدي لا تقولون روحي للدوان الأميري إذبحوني كل مارحت أودقيت عليهم يقولون إحنا إلي بندق عليكم وهذا الحجي من 5 أشهر وأنا مابي أضيع الوقت أكثر أفيدوني أخواتي ولي ماتدري عن هالأماكن لا تحرمنا من دعوتها بأن الله يحل عقدة لسان وليد النبع المتدفق وجزاكم الله خير السموحة طولت عليكم

تبين ولدج يتكلم بلبل؟؟؟؟؟ سمعيني والله ولاتضحكين ترا اللي بقوله صج انشالله ومجربينه وايد

سمعي ياقلبي تاخذين بيض حمام طري يعني بيضة حمامه توها يديده لمدة اسبوع كامل كل يوم تعطينه بيضه نيه يشربها وشوفي تالي النتيجه اشلوون وادعيلي ياقلبي ترا الاطبا ماعندهم سالفه وايد يخربطون ويخرعون بدون سبب اقري عليه وايد وارقيه شربيه ماي مقري عليه يجوز تكون عين حاسدينه والياهل مثل الورده مسرع مايذبل من العين
سوي اللي قلت لج عليه وبشريني ياقلبي ومايصير الا كل خير بإذن الله

بس يقول ماما وبابا وابيييي ولآلآلآلآلآلآ ويأشر يقول هذا

بس ماتكلم جمله مفيده

وقلبي يعورني عليهههههههه

بس ما شاء الله عليه كل شي يفهم ويسويييييييييييييييي

وديته طبيب اطفال قالي طبيعي ومافي شي دام انه يسوي كل شي تقوليله مافي شي

وقالي عادي لي 3 سنين ونص
والأطفال قدرات

لا تحاتين

وسالفه بيض الحمام قالولي عنها

بس ما اتوقع ولدي بياكل شي نيييي يصير اطبخه ؟؟؟؟

بس ولدج اذا وراثه فماكو الا العافيه ان شاء الله والله يفج لج عقدة لسانه

حاولي انه يخالط يهال اكبر منه بالعمر يلعب وياهم بالحظانه مثلا
عشان يتعلم النطق منهم
ولاتخلينه يشوف التلفزيون وايد
وباجي اليوم حاولي انتي وابوه او عماته او خالاته اقصد احد عربي مو الخدامه يتكلم معاه على طول سولفو