وليات الامر الي عندهم عيال بالمتوسطه سمعتو هالخبر؟؟؟

السلام عليكم

شلونكم امهات

سمعتو خبر ان بيغيرون نظام المتوسطة بيصيرون المواد 13 او 14 مادة

عفيه الي فيكم اعرف شالسالفة تقول ضاق خلق ولدي السنه الياية سادس ان شاءالله

يمكن قصدهم مع مواد مهارات الحياة نفس الابتدائي الحين

وي وي وي !!!
الحمدلله بنتي اخير سنه متوسط !!
بس لااا ليش جذي !؟!
حرام عليهم ؟!!
انا قريت موضوع بالمنتدى انه راح يخلون دوام المتوسط لي الساعه 2 و نص

حبيبتي لا تحاتين ولا تضيقين خلق وليدج من الحين

انا سمعت ان الالعاب بتصير مادة اساسية فيها رسوب يمكن هالمواد راح تصير اساسية

حتى لو الألعاب معاهم خلونه نحسبها
بدنية
عربي
انجليزي
اجتماعيات
تربية وطنية
دين
رياضيات
علوم

8 مواد, شنو بعد من وين راح اييبون مواد بعد.

انا اختي مدرسة متوسط دين تقول اجتمعو فينا وقالولنا المناهج السنه الجايه راح تتغير اللي هي التربيه الاسلاميه والعلوم ومادري بعد اذا في غيرهم بس تقول راح يصير المنهج اصعب حيل من اول يعني بنتي السنه الجايه راح تطق اصبع

بنات ليش هالحساسيه الزايده حق هالموضوع
بالعكس هالشي وايد زين حق عيالنا
عالاقل يتقوون بالدراسه ويتثقفون اكثر باجر يدشون احسن جامعات
بدال مايدخلون المعاهد والتطبيقي

لاتفكرون بالحين راح يتعبون فكروا بالمستقبل راح يرتاحون
سواء بثقافتهم او شغلهم اكيد بيكونون بأحسن مناصب اذا دراستهم كانت قويه

صح كلاج اختي فجر

ربي يوفق عيالنا ان شالله ويبارك فيهم

نتعب الحين معاهم ويرتاحون بعدين

طالما مناهج الابتدائي تغيرت بشكل كبير ( صارت اصعب و شبيهه بمناهج المدارس الخاصة)
اذن ……….من الطبيعي ان تتغير بعد ذلك مناهج المتوسطة

و اتوقع مع مرور السنوات
راح تتغير مناهج مدارس الثانوية

وانا اؤيد تغيير المناهج و تطويرها
الزمن تغير………. الآن زمن الكبيوتر و التكنلوجيا
و ليس الزمن الآن مثل ايامنا و ايام امهاتنا

شوفو الكتب المدرسية منذ اي سنة تم تأسيسها
كلهم بداية التسعينات (اذا مو اخر الثمانينات)

نعم للتطوير و التغيير
و كل شي في بدايته صعب و كل شي في بدايته ييلقى معارضة لان الناس تعودت على القديم و ما تبي تغير
راح تواجهون صعوبة في البداية لان احنا الامهات مو مار علينا المنهج
بعدين الكل راح يتعود و يصير الوضع طبيعي

الله يبشركم بالخير

تطوير المناهج اذا كان ماشي على اسس منطقية وتحاكي حياتنا العمليه وليس العلمية فقط راح نفرح فيه اكيد

يعني نبي مناهج من واقع حياتنا مو كل عالم حط له نظريه نبتلش احنا وعيالنا فيها وبالاخير ما استفدنا منها بحياتنا شي!!!!!

لكن اذا كان التطوير عبارة عن حشو لمعلومات مالها فايده في حياتنا بتاتا(اذكر لكم مثال شنو استفدنا من الجا والجتا الي درسناهم بالثنويه!!!!والقصايد الي بالعربي كل وحده طولها متر!!!وغيرها وغيرها)

مجرد تكديس معلومات تصعب على الطالب الي يكون مستوى تفكيره عادي ماهو عبقري

وترى الصبي مو مثل البنية

الصبي يعذب بالتدريس ماتقدرين تقعدينه ساعه على بعضها يدرس راح ينفجر فمابالكم اذا زادت المواد وزادت اوقات الدراسه

الله المستعـــــــــــان

صح السانج اختي

وانا مع التغيير..كل شي قاعد يتطور الا مناهج الحكومه

والابتدائي غيروا..بالبدايه صعب ..بس بعدين الياهل والام يتأقلمون ..

نفس الكلام

بالنسبة لاطالة الدوام المدرسي أنا سمعت وزيرة التربية في لقاء تلفزيوني انه لا نية لذلك
بالنسبة للمواد من السنة القادمة كل المواد تكون اساسية من الالعاب و الرسم والدراسات العملية
بالنسبة لتطوير المناهج لازم تتطور فليس من المعقول ان تتم نفس ما هي دون تغيير مع ان الدنيا تتقدم
نحن مع التغيير بشرط تهيئة المدرس قبل تعميم التغيير

السلام عليكم انا توني يايه ما اجتماع قى مدرسة ولدي وهو في الصف الثامن واللقاء كان عن شرح للنظام الجديد والله حرام عليهم هالتعقيد المواد الجديده اهي ( التربيه الفنية ، التربية الموسيقية ، التربية الرياضية ، التربية الحياتية وهذي هي الجديده ، الدراسات العملية ) يعنى هذولي بيدشون في المعد وفيهم سقوط ونجاح ولا تستانسون وايد لأن هذي المواد راح يكون لهم منهج يعنى كتب وفيهم امتحانات وهذى غير نظام الغياب وطريقة تصحيح الإمتحانات الى راح تكون موحده من المنطقة وما راح يكون في مؤجل يعنى الى ولدها او بنتها تمرض في يوم الإمتحان اذا كان في الفصل الأول راح تمتحن في الكتابين في الفصل الثاني وأشياء وضوابط وايد معقده والله عقدونا وعقدوا اعيالنا يعني مو بس تغيير مناهج لا وحتى نظم وقواعد معقده ، الزبده جنهم يقولون حولو اعيالكم المدارس الخاصة وخلوا المدارس الحكومية حق الأجانب لأنهم بيقبلونهم من العام القادم ، يعنى مثا الصحة والمستوصفات والمستشفيات للأجانب واحنا علينا ندفع في الخاص والا نطري دورك بعد شهر او شهرين ، ما اقول غير حسبي الله ونعم الوكيل