شلوونكم بنات .. بغيت اخذ رايكم بشغلة …
عندي ولدي الله يحفظه عمره سنتييين .. كنت ناوية اسجله بحضانة من شهر 9 .. بس طلعلنا هالمرض استغفر الله و عفسنا … الحيين ولدي صج محتاج الحضانة … وايد يمل بالبيت و ما عنده احد يقعد ويااه و انا ما عندي الا خدامة وحدة و مو ملحقة وياي .. من هدووم و طباخ و تنظيف الشقة و عندي ولد ثاني عمره 3 شهوور … فشسوي ؟ تنصحوني اسجله بحضانة عشان ارتااح شوي .. لانه الله يحفظه وايد وايد وايد وايد و هم وايد حركي لدرجة مرة انا و ريلي و خدامتي .. كل شوي احد يجابله احنا تعبنا و انهد حيلنا و اهوا لا سميلله عليييه .. و هم ابييه يتعرف على يهال و يختلط وياهم بس بنفس الوقت خايفة علييه من المرض .. فشتنصحووني اسوي .. مع العلم اني اتصلت على الحضانة اليووم و قالولي عن اجراءاتهم بخصوص المرض .. و سلامتكم و تعيشوون 
تووكلي على الله دام تشووفينه يحتاج للحضانة
ولا تحطين المرض ببالج ترا اذا حطيته يصير والعياذ بالله
أنا أخوي تخيلي بعد 6 بنات يه 
اصغر واحد امي قالت له داوم والي كاتبة الله يصير
توكلي علىالله
والله يحمينا واياكم من كل مكروه يا رب
مشكوورة حبيبتي إيمي .. انا والله ودي اسجله لانها وايد راح تفييده .. بس المرض كان خوفي … و الله يحفظ اخووج و يحفظكم كلكم للوالدة و يحفظها لكم
و شاكرتلج مرورج
وانا بعد نفسج بالضبط ولدي عمره سنتين وماذيني وبنتي عمرها شهر والحين باخذ امومه وجابلهم لاني خايفه من هالمرض الله يبعده عنا انشالله
استخيري ربج وتوكلي على الله
استخيري يا قلبي
انا نفسك بس انطر الحضانات تفتح بسجله هو واخوه والحافظ الله
انا من رأي ماتخلينه يداوم
والخدامه تقابلهم وتخلي الغسيل والشغل لما انتي تردين من دوامج وطوول الصبح تقابلهم …
ولا إنج تخلينه يروح الحضانه ديري بالج
انا عن نفسي اذا افتحت الحضانات بودي ولدي وانشالله ماكو الا العافيه
بس لازم تخلين معاه المعقم للاحتياط
الي الله كاتبه بيصير لو بتخشينه بالبيت ولا ماخشيتيه شوفي اراده ربج بس الاحتياط واجب منج
انا دخلت بنتي واستودعتها الله والله الحاافظ
ماكو الا العافيه ان شاء الله واكيد الحاضات ماخذين الاحتياطات الكافيه وانتى طعميه ضد الانفلونزا
انا بعد محتاره
اسم الله على عيالي 3 بالبيت
لا روضه
لا حضانه
واحاتيهم بالبيت مع الخدامه وين تقدر على ثلاثه
ودي اسجل ولدي وبنتي بالحضانه بس ريلي مو راضي
يقولي اهما من غير شي يمرضون بالحضانه بعد هالمره مع هالمرض الله يكافينا شره
ريلي خذا اجازه عشان اليهال وانا اداوم بس مارد اجزاته بتخلصصصصصصصص
شسويييييييييييييييييييييي
قلبي مايطاوعني اخليهم بالبيت مع الخدامه 
الى الله كاتبه بيصير والحذر ماااااايمنع القدر مو يمكن يلقطونه من اى مكان مايخطر عالبال لو من الجمعيه لو من الشارع …….. وترا الخدم يملون ترا موباجر يطقون عيالكم وتحلطمون عليهم وديهم الحضانه احسن لهم وبرد لج قلب انا عيالى سيييييده الحضانه ما امن عليهم مع الخدم
ياجماعة ميخالف صج الله الحافظ بس الله مايرضي ترمون انفسكم واولادكم بالتهلكه شدعوة هذولا عيالنا كلشي بالطقاق اهما اهم شي بنتحاسب عليهم مو اقطهم بالتهلكة واقول الله الحافظ وسنتين اصلا بهالعمر صغير محتاج امه وابوه اكثر انا كنت ناويه اسجله ومستانسه لاني ماحب اخلي عند خدم بس هالمرض استغفر الله فلاحول ولاقوة الا بالله اقري علي الدعاء قبل لاتطلعين استودعك الله الذي لاتضيع ودائعه وانشالله يكون بحفظ الله ووديعته جذي الناس تقول الله الحافظ مو نقطهم . يعني ماودنا ودنا بس شنسوي . وبالنسبه لعمرهم مافي مناعه احنا نتحمل المرض بس خطر عليهم والعلاج ماله يقولون والعياذ بالله يسبب شلل او توحد والله اعلم هذا اللي عندي وانتوا كيفكم بس هذولا عيالكم ديرو بالكم عليهم