ولدي وعملية اللوزتين :(

السلام عليكم بنات..

ولدي عمره 4 ونص صارله فتره اكثر من شهر تقريبا كله يصير فيه التهاب ابلاعيمه واحتقان وحراره وكل ما أوديه الطبيب يعطوني مضاد

لمدة اسبوع يقولي عشان الاحتقان وااايد قوي ومأثر على اذنه

واللحين صارلي 3 ايام مخلص مضاده وأمس بالليل

قعد يصرخ من قمة راسه يقول بلاعيمي موقادر يتحمل العوار حتى نام بدون عشى واليوم بعد ما تريق

الصبح خذيته وركض وديته المستوصف وشافه دكتور قالي هم عنده احتقان باللوزتين واااايد قلتله توني

صارلي 3 أيام مخلصه مضاد حق هالالتهاب والمضاد قوي كل 12 ساعه شلون ليلحين الالتهاب موجود

وعطاني تحويل حق انف واذن وحنجره وهناك شافه دكتور

وقالي نفس الكلام ولازم نشيل اللوز

وقالي روحي مستشفى الاتصالات خل يشوفه دكتور استشاري ويحطلج مو عد حق العمليه أنا اخترعت

وهم رحت ووديته مستشفى الاتصالات وشافه الدكتور وهم قالي نفس الكلام بس لازم اعطيه بالاول مضاد وعطاني موعد

يوم الاحد ..

بنات انا وايد خايفه وأحاتي عادي يشيلونها بهالعمر؟؟ ومنو أحسن دكتور عندهم؟؟ ولا أسويها بمستشفى خاص أحسن ومنو

دكتور بالخاص زين حق هالعمليه؟؟

ياريت تفيدوني أحس انه مخي قفل من التفكير

بالعكس هالعمر احسن عمر تشيلين فيه اللوز

اذا اللوز تكرر التهابها وصار ياخذ مضاد وايد ,حرام هالشي راح يتعبه اكثر

بس هم بعد خلي يجيكون على اللحميه علشان مره وحده يشيلوونها لانها مرات اهي تتلف اللوز

انا شلت لوز ولحمية ولدي عند الدكتور عبدالله العلي بالهادي, عمره كان6 سنوات

والحين رجعت مره ثانيه شلت اللحميه لانها اطلعت مره ثانيه وعمر ولدي 10 سنوات

واذا تبين الاتصالات رفيجتي تمدح دكتور هندي هناك مادري شسمه وحتى في دكتور مادري شنو البحووه هم يمدحوونه

وترى لا تحاتين العمليه بسيطه وعوار ساعه ولا كل ساعه

حبيبتي اول شي الله يطمن قلبج على وليدج و يقومه بالسلامه

ولد اختي قبل اسبوعين سووله عملية اللوز و اللحميه و همره 3 سنين و الحمدالله عدت على خير

و علىقولتهم كل الدكاترة اللي بالمسشتفى زينين لا تحاتين و توكلي على الله

اختي الله يطمنج على وليدج ومايشوف شر ولا تخافين هذي العمليات سهله ولله الحمد انا سويت لولدي وعمره اربع سنين وبنفس اليوم طلع من المستشفى ولله الحمد خفت عنا ثاني يوم وسويتله العمليه بطيبه كلنك والعمليه بالليزر يعني مافي خياط ولا شي اول يوم بس يشرب سوائل وبرد وجلي وماله شر انشالله

حبيبتي مشكوووره طمنتي قلبي الله يطمن قلبج يارب

تسلمين بعد قلبي ولد اختج سوها له بالاتصالات؟؟ ونفس اليوم يطلع ولا لأ؟

تسلمين ياقلبي والله يخليلج وليدج ويبلغج فيه يارب
اي دكتور سواله؟؟

مااايشوف شر حبيبتي

لاتحاتين بنت اختي سوولها العمليه بالهادي نفس عمر ولدج وارتاااحت وهم خل يجيكون على اللحميه

سوت العمليه الصبح ونفس اليوم طلعت

وحمااتي سوتها بالهادي وصج ارتاااحت من الصخونه وهالادويه لان هم كثرة الادويه موزينه حق يااهل

هلا حيااااااااتي

شلونج وشلون النونو انشاءالله بخير..

صج طمنتيني الله يطمن قلبج ماتدرين اي دكتور سوالها؟؟

لله يقومة بالسلاامة
انا سويتها لولدى كان تقريبا بنفس عمر ولدج والحمدلله سهالات سويتها بالهادى عند الاستشارى احمد مو ذاكرة الاسم بالضبط بصس اهو للى يسوى العمليات
نصيحتى سويها الانة جذى بيتأذى وبيأذيج حتى النوم حراام ماينام مثل النااس..

مايشوف شر ان شاءالله
انا بنتي سويت لها لمن كانت باولى روضه عمرها كان 4 سنين
عند عبدالله العلي بمستشفى هادي
بس رفيجاتي سووا حق عيالهم بعمر اصغر بعد بمستشفى زين وااايد يمدحون الصراحه

بنات جم يسونها بالخاص؟

لا تروحين خاص والاتصالات رووووعه وحتى يحطونج بغرفه خصوصي وهو متخصص لهالسوالف والحين نص اطفال الكويت شايلينها منهم عيال اخواني وخواتي والجماعه كلهم>> الا عيالي ولله الحمد وحيل حيل يمدحون الاتصالات

الشر ما ييكم ياقلبي

ناس مدحولي دكتور عبدالله العلي اشرايكم فيه؟؟

ويقولولي يسوي عملية اللوزتين مايشيلهم يصغرهم يعني تجميلي في احد سمع عن هالشي ؟؟

ومشتشفى الاتصالات الكل ما يمدحهم والله اني حيييييل محتاره وين اسويله؟؟

انا مسويه عملية ولدي اللوز واللحميه عنده, ورجعت قبل شهر سويت لحميته مره ثاانيه لان اللحميه ممكن ترجع

ومسويه عمليتي الجيوب الامفيه عنده

وكلمة دكتور شاطر شويه عليه

صج صج خوش دكتور

مشكووووره ياقلبي طمنتيني الله يطمن قلبج

انزين ولدج شايل اللوز ولا مصغرهم حقه مسويتهم تصغير وتجميل؟؟

عشان قالولي لا تشيلينهم بس صغريهم اشرايج؟

وجم كلفتج العمليه ونفس اليوم يطلع ولا ينام بالمستشفى؟

وسامحيني اذيتج بالأسئله

بالعكس لا أذيتيني ولا شي وانا حااضره حق كل سؤال

ولدي شال اللوز خير شر لان عبدالله العلي قالي افضل ان يشيلهم حييل متضخمين وانتي حتى لو تصغرينهم اذا من النوع اللي بسرعه يحووشه التهاب يرجعون يتضخمون مره ثاانيه

والعمليه قبل 4 سنوات ما اتذكر بالضبط بس تقدرين تتصلين على الهادي وقوليلهم عملية اللوز عند دكتور عبدالله العلي جم تكلف

واللحميه توني مسويتها كلفت 280 واذا الدكتور من عندهم 180
بس حاولي تروحين مبجر من الصبح علشان تاخذين موعد عند دكتور العلي لان حيييل زحمه
واذا تبين رقم العياده قوليلي واطرشه لج