ولدي وشكاوي المدرسه

السلام عليكم كويتيات…
قولولي شنو اسوي مع ولدي اللي باولى ابتدائي و 24 ساعه المدرسه يشتكون منه؟؟؟
كلام كلمته عقاب عاقبته…المشكله بالبيت هادي ماله حس من يروح المدرسه يستخف لازم مايمر اسبوع الا لازم فيه شكوى يا انا مستدعيني يا ابوه لاااااعت جبدي وحده من الشكاوي انه مطول لسانه على وحده من الابلات!!! من يروح المدرسه احط ايدي على قلبي لا يتصلون ويشتكون نوم ما انام بجي ابجي…وفوق هذا كله عنده نشاط زايد مايقعد اسم الله عليه..وانا قايمه قاعده ادعيله الله يهديه…
شنو الحل معاه؟؟؟اللي عندها حل تقولي جزاها ربي الجنه والا انا قربت استخف

يمكن عنده فرط نشاط حركي واذا في البيت عاجل لاتنسين تاثير اليهال الي معاه بالمدرسة

كلمتي الاخصائية النفسية؟؟
سجليه بنادي رياضي او سباحة العصر يطلع طاقته
والمدرسة هم لها دور انه تفرض احترامها على الطلبة بدون هواش ولا تمد ايدها

وهم لهم دور كبير بالعلاج وحل المشكلة
لازم تقعدين معاهم وتوصلين لحل وسط يريح جميع الاطراف

المشكله لما اروح اتكلم بهدوء يردون بنفسيه ويحسسوني انه ولدي خطر بالمدرسه..
ومشكوره حبيبتي على ردج والله يجزاج خير ويجزاج الجنه..

مالج الا الدعاء انا مجربه ادعي على طوول بالسجود وبين الاان والاقامه وشوفي نتيجه سبحانه هو الهادي ومالج شغل بالمدرسه راح يطخ ويهدي بفضل من الله اخوي كان جي او ولدي حركي بس يعاند الابله مايكتب ولا يحل الله يهيهم