ولدي وحرف الراء ؟؟؟؟

مرحبااااااااااااااااااااا كويتيات
شلووووووونكم حبيباتي

انا الصراحة متوهقة ما ادري شسوي ولدي عمره سنتين ونص اسم الله عليه يتكلم بس انتبهت على كلامه من فتره حرف الراء يقوله غين مثال : بشاير يقولها بشايغ وساره يقولها ساغه ويقول الغين حيل واضحة

شسوي حبايبي وين اوديه ,,,,,,,,,
ابتدي معاه علاج من الحين ……….

تكفون اللي مرت عليهم مثل هالحاله وتعالجو تقولي ……..
هذا ولدي الوحيد وما يبته الا عقب 10 سنين ………..

ودمتم

الله يخليه لج ان شاء الله ولا يحرمج منه والله يبلغج فيه تشوفينه حافظ للقران قولي اميين
حبيبتي اسم الله عليه تو الناس عليه انتي ليش مستعجلة عادي وطبيعي اول ما يتكلم الطفل ينطق بعض الاحرف غلط حرام عليج توه وانا بنتي الراء 6 سنوات تنطقه ل ليما تعدل من نفسه الله يحفظها فلا تدققين على حرف الرا لانه عادي وطبيعي وانتي سولفي معاه وقولي له قصص ولا تركزين على الموضوع ان شاء الله يتعدل

يعطيييييييييييييييج العافية ماقصرتي والله من كثر خوفي عليه الله يحفظه ..

الله يحفظه لج ان شاء الله لا تحاتين ولا تصيرين وسواسية زيادة عادي كل اليهال اول ما يتكلمون جذي وبعدين الشغلة تروح من نفسها عيالي اول ما يتكلمون جنهم هنود والرا لا والطاء فا والس ت والحالة حالة ما تدرين شيقولون بعدين لما يكبرون الله يحفظهم يتحسن اللفظ ان شاء الله

لا توسوسين
انا ولدي 4 سنين واحرف وايد وما ينطقهم عدل

عندج مثلا كلمه (بارنى ) يقولها بانى
(همتارو) يقولها (متالو)

عادي

إنتي قعدي قباله و نطقي حرف الراء و خليه يشوفج شلون تقولينها، و أنا أخوي كان يقول حرف الراء (وا) فكنا نغنيله را را سياره و هو يقول وا وا سياوا لين شوي شوي و راحت اللدغه

لا تخافين هذا شى عادى اولا هو توه صغير وبعدين حتى لو عادى انا اعرف وايد ناس كبار ومتخرجين من الجامعه يقولون بدال راء غ عادى حبيبتى ما فى شى يخليج تضايقين ..

يعطييييييييييييييكم العافية على ردودكم ومروركم ماقصرتووووووووو

اتوقع عادي الصبي صغير اسمالله عليه

بس نصيييييييييييييييحه لا توسوسين واجد ترا والله موزين وممكن يجيبلج نتايج عكسيه لا سمح الله والله يخليه لج وتجيبيله اخو وخوات يارب

مرحباااااااااااا انا واللة اللي مستغربة منة ولدي اسم اللة علية عمرة ثلاث سنين ونص كان يقوووول حرف الراء احسن مني ويتكلم عدل بس اللي مستغربة منة اختفى وصار الراء غاء الحمدللة على كل حال حرف ولا شي ثاني

الحمد الله على كل حال انشاء الله يتعدلون لما يكبرووون ويا خوفي لو مشت معاهم اللدغة لما يصيرون كبار ويأثر على مستقبلهم الوظيفي لان خبرج بعض الكليات يرفضون اللي فيهم لدغه …

وعسالله انشاء الله يوفقهم ويخليهم وتروح هاللدغه انشاء الله

وشكرا على ردودكم خواااااتي

هلا حبيبتي شوفي انا ولدي يوم دخلته الروضه ماينطق الراء ولا الحاء

مسكتني الاخصائيه قالت لي من بعد اذنج نبي نحط اخصائيه حق الولد تعلمه الحروف عدل

قالت لي لاتحاتين في واايد معااه بالصف جذيه

ماشاء الله خلال فترته بالروضه صاير يتكلم عدل

لاتحاتين في يهال لي الابتدائيه ماينطقون الراء ومع الاايام تتعدل معاهم

الله يحفظه ويحفظ عيالنا

ما قصرتي حبيبتي الله يسمع منج

ولد خالتي و ولد بنت خالتي و بنت بنت خالتي فيهم نفس الشي بس عيال بنت خالتي توهم صغار و ماراحت منهم اللدغه
اما ولد خالتي راحت و ما شاء الله عاااادي ولا كأنه شي ..

الحمدلله و الله يحفظ لج ولدج ان شاء الله و ماكو الا العافيه ان شاء الله

اسم الله عليه نطري لي سنه جدام
لانه توه باديء الكلام لابد تصير خربطة
الله يخليه لج اياه وتشوفينه معرس