ولدي والمصاصه

أمهااات شلوونكم
انا عندي مشكله مع المصاصه

ولدي عمره 3 شهوور بالضبط تعود عليها خلاص ماينام الا بحلجه بس لمن يخدر اشيلها منه يقعد نص الليل يدورها وارد احطها يرد ينام وهكذاااا

واذا قعد من النوم طول الوقت همن يبيهاا اذا طااحت يقعد يحوس يحووس بحلجها لمن يلقطها ويمصها هههههههههههههه
واذا بعدت عنه يبجي يبيها
مو هذي المشكله
المشكله ان مصاصااته كبيره عليه واذا رحت مذركير ابي اسأل عن المصاصه الي مناسبه لعمره دايما يعطووني كبيره لان كلا تطيح من حلجه مومعقوله لي الحين ماتعلم شلون يمصها لان من عمره يوم عطيته هو صج اريح لي بس تحسفت توبه الولد الثاني ماني معطيته مصاصه

هو ماشالله عليه هادي بالمصاصه بس يتعبني اذا طاحت يبجي يبيها ويااكثر مايطيحهااا وانا كل دقيقه ياوااقفه وياقااعده لووول صرت طاش ماطااش

الي تعطي بنتها او ولدها مصاصه شلون يكون مقااسهااا؟
جم ارقاامهم ؟ انا سمعت في حق عمره وفيه اكبر
ولدي تعود علي مالت مذركير مايبي يمص الا ماركتهم
شريتله من سنتربوينت علي ميكي يهبلوون الخيووس مايبيهااا

مذكركير ماركه ايفيينت مكتوب العمر عليها اول شي تلقينه ما يعرف مرده يتعود ولازم تعطينه ياها بنووم انا جذي ولدي الحين سنه و ٨ اشهر للحين وقت النوم يبيها و يدورها لي طاحت و مرتاحه مع الوقت لي طاحت اهو يدورها لوول و بقطعها الحين والمصاااصه معروف تهدي الياهل

انا ريلي ما يرضا اعطي بنتي مصاصه يقول مو زينه تيب امراض
وبعد اهي تلوع جبدها منها ما تحبها

بس مشكله اذا تعلق البيبي بالمصاصه
الله يعينج يا ام عزوز*

ياحياتي هو ..

حبيبتي اشتري ماركة ايفينت من مذركير في مقاسات انا مره توهقت ببنوتي ..
لان ضاعت مالتها جان اروح اشتري لها من الجمعيه مقاس 1 وحبتها حيل : )

احسن شي ماركه bibi موجوده بالجمعيات اخذيله على عمره في من 0 لي 6 وفي من 6 لي 12 وشكلها مفقوصه وليش ضايق خلقت من المصاصه بالعكس احسلج تهدي الياهل انا بنتي كانت تحبها وما تنام الا بحلجها بالشهر السادس بروحها كرهتها كل ما احطها تطلعها وانا ضاق خلقي كان ودي اقطعها بالسنه بس اهى بروحها كرهتها ووااااايد تهدي الياهل

هلا ام عزوز سلون عزوز شخباره؟

انا نفس كلام كتكوته بطل عيالي استخدمت هالماركه وما اقدر استغنى عنها

انا ولدي نفس وليدج مدمن مصاصة لووول وكرهني فيها بس خلاص مااقدر الحين اسوي شي وانا استخدمت ايفنت اهو مرتاح عليها بس خالتي تقولي انها كبيرة علية واخاف تعور بلعومةومحتارة ماادري شعطية انا حبيتها لان فيها غطا اسكرهاوماتظل مكشفة

الله يخليه لج يارب

يمه امراض مثل شنو يعني

نورتي موضووعي شلوون بنووتج الحين ان شاالله احسن

ان شالله بشوف هالمره ان شالله ياخذها
انا ضايق خلقي لان يموت عليها انا مرات افكر اقول فرضا ضاعت المصاصه بنص الليل شسوي بعمري لووول
فاليوم شريت جم وحده احتيااك

والله يخلي بنوتج يارب

ان شالله بشتريها شوقتوني عليهااا

اي صح الحلو فيها ان لها غطاااا

انا استخدم حق ولدي ماركةbibiوايد مرتاح عليها مايحب الا اهي وفي حق الاعمار
يازين المصاصه تهدئ اليهال وانتي بعد ترتاحين