|
|
السلام عليكم بنات
انا عندي مشكلت ولدي من كان عمره سنتين وهو ذابحه لامساك والحين عمره 7 سنين ومادري شنو اسوي معاه
كل شي سويت له وامي خبيره بهالسوالف بس ماكو فايده وديته الطبيب واخذو عليه اشعه وقالولي ما فيه شي بس مادري ليش الامساك لو اقولكم شي ماتصدقون يقعد اسبوعين او ثلاث مايروح الحمام تكرمون وانا خايفه عليه
الي نفس مشكلتي تقولي شنو سوت ؟؟ ابي دكتوره شاطره بهالسوالف لاني تعبت مع الحكومه
والله يجزاكم خير
مادري شسوي شريتله دوا يشربه ملين للبطن مو مسهللللللللللل
بس حرام يكسر خاطري يبجي وقت الي يغسل يقولي ماما يعورررررررررررررررررررررر
اصلا صاير يخاف يروح الحمام وقت الي هذيييييييييييييييييييييييي 
امي تقول خلي يشرب عصير برتقال فرشششششششششششششششششش
شوفي بقولج سالفه ولدي حاشه فقر دم وصرفوله حديد وانتي عارفه الحديد يسبب امساك قوي
المهم تقريبا شهر وانا اعاني معاااااااااه لدرجه ماتتخيلينها كل ما دخل الحمام الكل يسمع صرااااااخه ويطلع وهو تعبان وحتى عرق بوجهه والله بدون مبالغه ويخاااف حيل
وسالت ورحت لدكاتره قالو خضار وبرتقال وتفاح وجارتنا نصحتني بشغله تنفع مع الامساك المزمن
تاخذين بابره الدوا 5 ميلي زيت زيتون اصلي وتعطينها ولدج على الريق مع الاستمرار يقولون ممتازه هالطريقه
بس انا جربت معاه الملوخيه الطازجه عطيته 3 ايام ورى بعض غداه ملوخيه وفطائر سبانخ والحمدلله
واختي نصحتني ما اوديه لنفس الحمام لانه ممكن يكون رابط ذهني وبس حاولي تودينه حمام ثاني وشوفي شنو يصير
وبلغينا
ومسكين بطنه يصير كبير جنه حامل ويصير فيه خمول سبحان الله هاذي كلها سموم
بالجسم وماكو فايده وولحين
اغلي ماي و حطي عليه حلبه نقعيه شوي وخليه يشربها أو تقدرين تضيفينه للحليب
الحين عمرة 3 سنين ومايخرج بدون ملين
والله يقعد اسبوع اكثر مايخرج
انتي لا تسكتين روحي خل يجيكون على القولون والامعاء عندهطي ولدي
لازم سونار مو اشعه الحكومه الله بالخير
انا الحين اعطي ولدي دوا اسمعه ميريلاكس
عطوني ياه بمريكا الحين بدونه مايخرج اصلا ما اتخيل
ولدي بدونه لان انا ولدي مايمشي فحركة الامعاء
عنده بطيئه وانشالله اذا مشى راح يتحسن
مع ان يوميا عصير برتقال وفواكه بس ماكو فايده
الله يعيييينج
وحاولي توكلينه خضار وايد تمشي البطن
والتمر زين وايد بعد ..
ولازم تودينه الطبيب حرام يتأذى جذي وديه خاص ياعمري .. ياعيادة خاصة او مستشفى دار الشفا ولا الهادي
والله يشافيه انشالله
ولدي العود عمره 3 سنين و 4 شهور ومشكلة الامساك عنده قديمة
من مدة شهرين اخذته حق دكتور عادل معرفي جراحة أطفال بمستشفى المواساة والصبح يداوم بالحكومة بس ما أدري وين
سبب مراجعتي للدكتور ان قام يطلع دم من عزج الله فتحة الشرج وهذا طبعا من شدة صلابة الخروج
فحصه الدكتور وقال بالفعل عنده شرخ مكان الساعة 6 بفتحة الشرج
العلاج كالتالي وينقسم لقسمين :
1. حمية غذائية تشمل التالي :
– 7 جبات تمر يوميا ضروري جدا – ( ولدي ما ياكل تمر بهالكثرة فقمت اذوبه بحليب واخلط معاه نوع من انواع الكورن فلكس حق ريوقه ويفضل نوع اسمه ويتابكس عبارة عن ألياف وطعمه حلو تلاقونه بمركز سلطان ).
– سوااااااائل كثيرة طول اليوم عصاير وماي .
– ممنوع الصمون والخبز والعيش الأبيض – ونعوضه بصمون وخبز وعيش أسمر – أخذت العيش الأسمر مال أرض الطبيعه.
– لازم طاسة سلطة – قمت اسويله مع الغدا واتفنن فيها يوم احطله زيتون يوم شوية جبن مبشور واغير بأنواع الخضار وازيد شوي كمية الزيت زيتون باعتباره ملين.
– أي مرق مسويته أزيد الخضار الملينه مثل الكوسا او القرع أو الباميا.
– العشا أغلبه شوربات بس ضروري جدا احط فيها كمية كوسا مقطعتها صغار وشوفان.
– مبتعده عن الاشياء اللي فيها دهون زايدة مثل المقالي والاشياء اللي فيها بهارات وايد.
– فواكه – ضروري ياكل سلطة فواكه ولو ما رغبها خلياكل فواكه مفردة مثل تفاحه برتقالة عنب خوخ مشمش.
الشق الثاني وهو الشق الطبي من العلاج:
عطاني ملين يتناوله مره وحده باليوم عقب الغدا ، ومغطس ماي دافي 3 مرات ياليوم كل مرة من 1/4 الى 1/2 ساعة.
لان المغطس يخلي العضلات ترتخي.
عشان لا يمل قمت اقعده بطشت بس ما افصخه كلش بس ملابسه اللي تحت واييب مجلات او قصص واقعد وياه حتى لو مرتين باليوم.
النتيجة : حاليا صار وايد أحسن من قبل والدم الحمدلله وقف وعنده مراجعة متابعة الاسبوع اللي ياي انشاءالله.
صح ارهاق بس جزا الوالدين الجنة .