@@@@@ ولدي فيه ليونه بالحنجره منو مرت عليه هالحاله@@@ طمنوني بلييييييز@@@@

السلاااام عليكم

شلونكم

ولدي له 29 يوم وولدته قيصريه صارله جم يوم تعبان اسم الله عليه خشمه مصكر وصوت خرفشه واحس مايقدر يتنفس عدل وكحه ومن امس زادت عليه الكحه وانبح صوته خنت حيلي من البجي وديته اليوم الصبح عند الدكتور محمد سعيد ونصحتني فيه رفيجة تجمعي واختي الغاليه بدوره الله يزاها الف خير ويخليلها عيالها يارب وفعلا ماصدقت النور يشق وطرت عنده وخذيت موعد ويوم شافه الدكتور وفحصه وقلبه يمين يسار جان يقولي فيه احتقان وبلغم وحايشه برد ((( طبعا من التحمم)) وقالي لاتسبحينه يوميا الجو بارد بس غسلي جسمه وراسه لايحوشه ماي عالاقل مره بالاسبوع بس وقالي انه فيه مشكله من ولدته واهني صبت عظامي وخفت
شنو في دكتور خرعتني؟؟؟؟

جان يقولي انه فيه ليونه بالحنجره !!!!! اهني انا بجيت بجي ومادري اشقال عقبها الدكتور
كان يشرحلي عن الادويه بس انا مومركزه معاه
وشافني ابجي وهداني وقالي هالشي بسيط وعادي لانه ماكتمل نموه!!! ونموه ناقص!!!!

اهني انا قتله اي صح دكتور عدل كلامك انا ماكملت الاسبوع 38 ويبته اقل من جذي ب4 ايام لاني بولد قيصريه وكنت تعبانه
((((على فكره لما رحت الولاده كان رافض دكتوري يولدني لاني اقل من 38 اسبوع ب4 ايام وقتله ماتفرق هالجم يوم قالي طبعا يفرق لو يوم واحد عشان مانحط البيبي بالشيشه وننطر يكتمل بس انا كنت تعبانه وايد وخفت لاييني طلق لاني والده قيصريتين من قبل وولدني))

قالي دكتور محمد سعيد ان مع الكبر هالشي يخف وتكتمل الحنجره وكل ماكبر البيبي تحسن

الحين ابي اعرف منو مرت عليه نفس حالة ولدي ؟؟؟؟ ومن خرعتني نسيت اسال متى يروح هالشي منه
ابيكم تطمنوني الله يطمن قلوبكم والله من قالي جذي وانا ابجي وبغيت ادعم بالطريج وضيعت طريجي والله يا بنات
من التفكير وخفت على ولدي بس الحمدالله يارب مشكلة ولدي بسيطه وانشالله يخف ابيكم تدعوله

ونصيحه يا بنات اللي حامل لاتستعيل على عمرها وتولد انا بامكاني انطر جم يوم بس لاني تعبت ومليت وبما اني قيصريه قلت عادي خل اخلص بس

خلوا بيبياتكم تاخذ وضعها الطبيعي وتكملون شهركم صج الوحده تبي تولد وترتاح بس احنا نطرنا 9 شهور مايت على اخر اسبوع او اخر اسبوعين

الحين اللي نفس حالة ولدي تقولي شنو صار ومتى خف هالشي

يابعد عمري
عسا ربي يشافيه
وما عليه الا العافية

من توكل على الله فهو حسبه
انتي شربيه الادوية
وتوكلي على الله
وباذن الله تتكمل الحنجرة
يارب

وسمي عليه
ودايم اقري عليه المعوذات والكرسي

وعسا ربي يشافيه
مافيه الا العافية يارب

من تول على الله فهو حسبه
دايم حطي هالشي في بالج

ونعم بالله شيوخه
عسى الله يشافيه لي يارب

تسلمين يالغلا

يابعد عمري والله

باجر ان شا الله
يكبر
وتكبر حنجرته العنونه
وتسمعينه
يصرخ ويهاوش
وصوته يلعلع ان شا الله

وان شا الله
مافيه الا العافية
يارب
عليج الله بوسيلي اياه
قوليله
هذه من شيوخه

الله يسمع منج شيوخه
ابيه يطق خواته ويكسر راسهم ويهاوشهم
لووووووووووووووووووووول

وصلت الامانه وبسته وقتله من شيوخه

استحى حبيبي ونزل راسه وحمر ويهه
خخخخخخخخخخخخخخخخخخخخخخخخخخخخخخخخخخ

فديت قلبه والله

باجر ان شا الله
بتقوليله
يا فلان بسسسسسسسسسسسسس ذبحتنا بحنتك
وصراخك
قصر صوتك
ههههههههههههههههه

وتقوليبن اي والله قالتها شيوخ الله يذكرها بالخير
هههههههههههههه

تتخيل نفسها شيوخ عقب 20 سنه

هههههههههههه

اصير كبر امي

حنووووووووووووووووووووووووون

حبيبي سعودي مايشوف شر ريل بنتي

ماعليه الا الغافيه وديري بالج عليه لان الجو بارد

بس اول مره اسمع بهالشي ؟؟؟

لاتحاتين حبيبتي ……..ورب الكعبه بنتي وولدي نفس حالة ولدج رخاوه بالحنجره وكان صوت الحنجره يزعجني حيل وولدي كان حيل تعبان أكثر من أخته يعني وهو نايم نسمع صوت حنجرته وأحنا بعيد وعادي راحت عنهم لما كبرو لما صار عمرهم 9 شهور ومايحتاج أدويه ولاشي بس حاولي ترفعين راسه وهو نايم يعني يكون تحته مخده شوي مرتفعه وبس الحمدلله أنا حبيت أطمنج لاتحاتين الحمدلله مو شي جايد ولا خطير إسم الله عليه والله يحفظه ويخليه لج وتشوفينه مهندس معتبر …….

ياااا قلبي عليه

حياتي الله يشافيه ويعافيه

ودام الدكتور طمنج عليه وقال مع الكبر يتحسن حاله الحمدلله لا تحاتين

بس انتي اهم شي رقيه بالرقيه الشرعيه وان شاء الله ما عليه الا العافيه وعطيه دواه

انتي مثل اختي بالضبظ توها داخله التاسع وولدت قيصيريه
وولدها صغير فديته
وحنجرته فيه رخاوه وكل متزكم وكحه
وطبعاً لازم عنايه ماتحطي له بودرة اطفال لان فيها رائحه ولا تعرضيه للعطور والبخور
وحطي في خشمه املاح عن الزكام من الصيدليه

ولا تحاتي اذا كبر بيروح نهائي الصوت

واللحين ولد اختي عمره 8 شهور ازعجني من الصواريخ الله يخليه

حبيتبي حنون فدييييييييييتج والله انتي الغاليه والله يجزاج الف خير على هالدعاء وانا ما سويت شي حبيبتي انتي ..

والله مثل ما قتلج امس بناتي الثنتين جذي كانوا وحتى بنتي الصغيره فيها بس اخف من خواتها ..

وانا اكبر مثال حي على هالتجربه … والله عمري الحين 27 سنه وصارت معاي ليونه بالحنجره وكاني عايشه مافيني شي

وترى حتى بناتي ما عطيتهم لا ادويه ولا شي واسم الله عليهم ما فيهم شي ..

فديت سعودي دهن العودي الله يحفظه ان شاء الله ..

والله ما كو شي لا تخافين .. حبيبتي انتي

ما يشوف شر سعود إن شاء الله ما فيه الا العافييع بس انتي ولده بالاسبوع 38 بعد يقولج امبجر الدكتور سبحان الله انا اعرف ان اهم شي الوحده ادش التاسع و بس الله يسهل علينا يارب

84 Miss Chocolate..

الي اعرفه ان البنت بس تدخل التاسع يكتمل اعضاء الجنين وبالتاسع بس يزيد وزنه عرفتي

مشكووووووووووورين بنات
والله طمنتوني الله يطمن قلوبكم

صج ماقصرتوا

مالفينيا شفتي شلون ريل بنتج تعبان حبيبي

مس جوكليت انا والده اقل من 38 اسبوع

والله توني ادري ان البيبي سبحان الله لازم يقعد لموعد الولاده مو شرط ادش التاسع لأن انا ولدت بالاسبوع 35 و قالي الدكتور لو داشه التاسع جان الوضع اوكي بس الحمدالله ولدي ما فييه الا العااافيه الحمدالله