ولدي صار عمره 6 شهور اغيرله الحليب من ابتاميل1—>2 ولا شلون؟؟

ولدي يشرب ابتاميل 1 و الحين صار عمره 6 شهور و مرتاح عليه
لازم اغير الحليب
احول على ابتاميل 2 ولا نوع ثاني ؟؟
وشلون احول اغير و خلاص و لا اخلط له بالرضعه من النوعين 1 و 2 لين يتعود شويشوي ؟؟

اي حبيتي غيري الحليب من ابتاميل واحد الى اثنين

ومو لازم تخلطين 1 و 2 مع بعض لأن نفس الطعم

اذكر لمن غيرت حق بنتي من ابتاميل الى نوفلاك كنت اخلط الحليبين لمن غيرت مرة وحدة حق نوفلاك

بس في حالة ولدك لا … غيري بس رقم 2

ماظنه زين حق ولدج تخلطين نوعين…

أنا كنت أبتاميل 1 لما بغيت أغيره قالت لي الدكتوره أبتاميل 2 مو زين وايد فمدحتلنا بروميل 2 جولد…وايد ريحنى حق ولدي الأول…

مو شرط تغيرين من ابتاميل 1 حق ابتاميل2 تقدرين تعطينه اي نوع ثاني عادي، وأنا أنصحج ب (غين) وايد زين انا عطيته حق عيالي و وايد صارت صحتهم حلوه وصارو متعافين.

هلا حبيبتي

اليهال معروف من يخلص 6 شهور تغيرين للحليب الي بعد افضل اذا انتي مرتاحه عليه

ولازم تخلطين له من الاثنين هذا كلام الدكتور

في البدايه مثلا 3 ملاعق من ابتميل 1 وملعقه من ابتميل 2
وعقب 2 من ابتميل 1 و ملعقتين من ابتميل 2
وعقبها ملعقه من ابتميل 1 و 3 ملاعق من ابتميل 2
وخلاص عقبها كامل من ابتميل 2

وهذي الخلطه ماتاخذ عندج اكثر من يومين لي ثلاثه وعقبها تعودة معدة الولد على الحليب الجديد

الله يحفظه لج من كل شر

لاحبيبتي خلاص اذا 6 شهور عطيه ابتاميل 2 لاتخلطين ولا شي انا بنتي نفس الشي يوم صارت 6شهور غيرته على طول ودام نوعيته زينه مع عيالج لاتغيرينه خليج على نفس النوع ابتاميل بس اخذي الحين 2

مشكورين ماقصرتوا … بس ليش ابتاميل تو مو زين ؟؟ انا ماسمع احد يعطيه حق عياله ؟؟ دايم اسمع بحليب نان و سيميلاك ؟؟

هلا حبوبة – اول شي مثل ما قال البنات بس احب اضيف اذا تمم ال6 شهور بدلي الحليب مو فبداية الشهر السادس انتبهي

وثاني شي – انا كنت اعطي وليدي نوفولاك ولما تمم ال6 شهور حولت على نان لان سهل الهضم على البيبي وأطباء مستشفى الصباح ينصحون فيه ولما حولت ما خلطت عطيته ياه عادي.

لازم تغيرين له الحليب لأن كل عمر له نوع معين من الحليب و فيه الفيتامينات اللي يحتاجها

انا كنت أعطي ولدي اس 26 غولد 1 و الحين اعطيه 2