|
|
بنات شسوي في هالحاله ومنو مرت بهاحاله
ولدي صارله تقريبا 4 شهور منشول ينتشل لمدة اسبوع كامل ويطيب يومين ويرد ينتشل اهو على هالحال صارله جم شهر
وفيه فتاق وفتاقه نزل لي الخصيه وشكله صار يخرع
حتى صارلي 5 مرات أدق على المستشفى و ااجل عمليته
قبل جم يوم طاب ودقيت علمستشفى علشان يحددوله موعد عمليه باسرع وقت علما يدقون علي انتشل مره ثانيه وباجر موعده
قلت اوديه يقولولي شسوي
عمليته في ابن سينا
مسكين ماكو شي ماسويتله اليوم علشان يطيب دهنت جسمه كله بزيت زيتون طبيعي دافي وفيكس اطفال
وسويتله كمام وقريت عليه
ومطارة الماي حطيتله حلبه وبمبر ولسان ثور ويانسون
مادري شيصير لي باجر
بس تتوقعون في حل اذا اهو مايطيب وعنده نشله مزمنه
يسووله عمليه؟؟
المشكله بنج كامل
ومافي مستشفى خاص يسوون عملية الفتاق
وشلون اعرف ان فتاقه وصل مرحلة الخطر ولازم علطول اوديه المستشفى شلون يصير شكله ؟؟؟
مادري قولولي شسوي ؟؟؟
اننا ولدي جذي كله تعبان من اذنه ولحميته واللوز
وما نفع اسويله بالحكومه عشان مواعيدهم لكن سويت له عمليته بالخاص
واظن يسوون بالخاص ليش ما يسوون ؟
انتي وين سألتي ؟
كلش كلش دوري جراح بعياده ويسويها لج بالخاص
طمنينا على وليدج والله يطمن قلبج
اننا ولدي جذي كله تعبان من اذنه ولحميته واللوز
وما نفع اسويله بالحكومه عشان مواعيدهم لكن سويت له عمليته بالخاص
واظن يسوون بالخاص ليش ما يسوون ؟
انتي وين سألتي ؟
كلش كلش دوري جراح بعياده ويسويها لج بالخاص
طمنينا على وليدج والله يطمن قلبج
صج وين سويتيله سمعت مافي خاص مادري
انا سويتله تيوبات لاذنه ولحميه ولوز مو فتاق
لانه كله تعبان ااجل العمليه بالحكومه لين سويتها بالخاص
فاقترح عليج ان تروحين لجراح عنده عياده و يسوي عمليات الفتاق
واكيد راح يسويها بالمستشفى اللي يتعامل معاه
كتبوله عمليه يوم الاحد
بس ولدي طلع في مشكلتين هالنشله المزمنه وعنده مشكله باتنفس
فطالبين تقرير من اختصاصي انف واذن وحنجره علشان فحص القصبه الهوائيه لان اذا ضيقه يحتاج يسوون فتحه ابلعومه في العمليه ويدون تيوب \
كاسر خاطري انا خو بس ابجي
ادعوله باجر يدخلونه المستشفى
وديته عند دكتور عادل معرفي بالمواساة طمني وايد
لان الصراحه دكاتره ابن سينا خرعوني
قالولي عمليته فيها مجازفه لان فيه نشله وصدره تعبان وفتاقه يحتاج عمليه فورا واحتمال يسون فتحه ابلعومه يمدون تيوب الاكسجين
بس معرفي طمني وقالي شالحجي الفاضي
وحولني على دكتور انف واذن وحنجره علشان يكتبلي تقرير عن حالته باجر موعده عند هالدكتور وبالليل يدخل المستشفى
عادل معرفي تخصصه شنوووو
انا ولدي بعد فيه فتاق وابن سينا مواعيدهم اللهم ياكافي
بس ددكتور شاطر الصراحه
انا الحين في المستشفى انشاءالله بعد ساعتين يسووله العمليه