|
|
السلام عليكم
ولدي عمره ثلاث اشهر داش بالرابع بس يبجي مو البجي العادي مرات يزرق وجه من كثر البجي
على فكره اهو في بعج بحدته بس قالولي مايأثر عليه وخذيتله تحليل بول عزكم الله وشفت اذن مافيهم شي واعطيه
هملايا للغازات كل يوم
وديته عند مره عشان تشوفه اذا فيه مصع او شي. قالت ولدج مافيه شي بس حدي متوهقه اليوم زوارتنا والله
من دخلت عليهم لين رحت منهم يمكن اللي قعدت عند الحريم ساعه كله كنت مع ولدي يبجي ماسكت وبصراحه
مادري شسوي ابي اعرف سبت البجي شنو لانه كثرة البجي مو زينه للطفل تكفون فيدوني
فيدوني بنصايحكم 😊😊😊
حبيبتي اخذي زيت زيتون واقري فيه الفاتحه والمعوذات
وانفثي فيه وادهني جسمه فيه ودفيه
ذكرني بمعاناتي مع ولدي اخر شي طلع نفس وماراح الصياح
الابعد ماقمنا نقرا عليه
اي والله معودته اني اشيله بس لما يبجي اكون شايلته ماخليت شي ماسويته
والله اني اقرئ عليه بس بجرب بزيت الزيتون
ويعطيكم العافيه حبايبي
الدكتور قال عادي
بس هم ماقدر افتي لج .. بس اتوقع عادي بهالسن
اميه الله ايخليها اتذوب الشكر في ماي على الفرن. يوم ايذوب بالكامل ايكون لون الماي عسلي. خليه يبرد وحطيه في المرضعه بس كميه صغيره وشوفي النتيجه.
يطلع من الياهل شي اسود احنا انسميه العقا. هذا ايخلي الياهل صياح على طول بس يطلع من بطنه يرتاح. بالذات الياهل في الاربعين
لا تنسين اتسمين بالرحمن يوم تعطينه 
عطي ماء مع تمر وايد زين.. وانشاءالله ما في الا العافيه انا لمن يبجي وايد افج حفاضته.. ولا نفس الي قالته ابزيت الزيتون ادهنه
ووديته الدكتور
قالي كلمه وحده
وقفي الخرابيط كلها وخلج بس على الحليب
بلا سوالف حلوه ومره وحلبه وعسل وتمر واعشاب وحتى ماي وقفيها وشوفي
بهالعمر لي عمر ال6 اشهر مايحتاج غير الحليب والحليب يحتوي اغلبيته على ماي
وتذكري الدكتور شنو قالج فالبدايه اكيد ناصحج بهالشي
واكيد الكل بقولج خرابيط واحنا كنا نعطي هالسوالف … صدقيني وقفي هالامر 3 ايام وخليج عالحليب بس وشوفي شصير
وحتى تقدرين تسألين الدكتور
ترا والله هالسوالف الطفل مايقدر عليها بس الاهل مايدرون عن هالامور لان ماخذينها عادات وتقاليد وللاسف تضر اكثر من ما تفيد
دايم كل ما ترضعينه تاكدي انه طلع الغازات اللى ابطنه ودايم نوميه علي بطنه
حاولي تمرخين جسمه بزيت زيتون دافي ولا تسبحينه لمده ثلاث ايام وان شاءالله ما عليه شر .
لا ياقلبي مو مملوع وديته شفته قال مافيه شي
ويعطيكم العافيه على مروركم الطيب
يعني من كثر ما تشيلينه عضامه و مفاصله صارت تعوره عادي كل اليهال الي جذي
و مبين ان اول ولد لج هذا الله يخليه لج
انا مع ضايعه بينهم
حطي على جسمه زيت زيتون مقري عليه و لا تشيلينه من خصره او بطنه
حطي ايدج اليمين على راسه و ساق ايدج على ظهره و ايدج اليسار شيليه فيها و ثبتيه جذي
و لا تشيلينه الا و اهوا بالمهاد لا تشيلين المهاد لان الامهاد هو الي يثبت عظام اليهال عشان لا يعير مملوع
و ان شاء الله خير و اذا كان يبجي وايد و ما ينام شربيه شويه ماي غريب ملي واحد او اثنين ملي مع الرضعه و ينام ان شاء الله
الله يخليه لج :*
واذا فيها غازات يعني الحليب موماشي معاه جربي حليب نوفيلاك انا جربته مع بنتي وحيل خفت الغازات
ولمه يخلص رضعه حطيه بحظنج على بطنه وطقطقي على ظهره وحاولي بعد كل رضعه حطيه على بطنه تطلع الغازات
واخذي ماي الغريب مال المستوصف احسن من الي بالصيدليه
وبعد زيت الزيتون دفيه اشوي وتهني بطنه وبعدين حركي ايدج بطريقه دائريه على بطنه بس شوي شوي
ودفيه
صدقيني هذي الاشياء الي انفعة مع بنتي وحبيت افيدج
واغلب اليهال بهالعمر جذي
شغلي سورة البقره بالغرفه الي ينام فيها
لا توقفينها ليل نهار
والله يشفيه