|
|
السلام عليكم
ولدي بيروح ثانيه روضه ومشكلته الخجل الزايد من الابلات معنه عمته معاه بنفس الروضه بالاداره توقعت يطلع مبلتع عمته علطول معاه صار العكس
تخيلوا ابلاته يقولون عمره ما حط عينه بعينه ابدن نكلمه ينزل راسه ويسكت او يبتسم
نسأله ما يجاوب معنه يعرف الاجابه بس يسكت (وهذا اكثر شي قاهرني) .gif "Eh S(16)")
انا ادري اهو طالع علي بهالشغله ورثها مني كنت اكثر وحده بالكويت تستحي كان الخجل فيني عله الحمد لله كبرت تعدلت
بنات قولولي شسوي معاه شلون اغير هالشي فيه اللي بيأثر على مستواه وياخوفي يتم معاه بالابتدائي بعد ساعتها ابتلش عدل
ناطره حلولكم بنات لا تسكبون 
9 شافوا الموضوع ولا وحده ردت
حدكم سكبتوني انحبطت
لا يتكلم معاهم الا بالغصب ولا يشارك ولا شي حتى اكل ما ياكل ولا حمام تكرمون يروح اقوله ليش يقول مابي اروح المدرسة بجي اللي عندها حل تساعدنا خجوووول ومتعلق فيني وايد حتى اما ازور او اروح بيت ناس ما يعرفهم يسوي جذي لازق فيني
.gif "Eh S(2)")
اهلين ..
انا اقول ليش ماتكلمينه وتسولفين معاه خليه يتجرأ شوي
قوليله انت قولي انت علمني ..
وبعدين شجعيه بالكلام مثلا عدي ارقام مع بعض وحاولي تسكتين وهو ينطق
وخلي اهله واهلج كلهم يسولفون معاه لمن يتعود ع السوالف بيتجرأ يطالع ويرد ويتجاوب مع الابلات
شجعيه على المشاركات والمسابقات
مدحي فيه انت بطل وانت شاطر ..
يعني عبارات تشجعيه ..
وشجعيه بالمكافئات بعد يعني قوليله اذا شاركت اليوم مع الابله اوديك الالعاب مثلا .. او شي هو يحبه ويبيه ..
اتمني اني فدتج وهذا اللي عندي يالغلا
تقلبي مروري …
