ولدي الصغير ياكل أظافيره تكفون شنو الحل لمشكلته؟!؟!

السلام عليكم ورحمة الله وبركاته،،،،،،،،،،

بنات بلييييييييييز ساعدوني بحل مجرب ويساعدني على إني أقدر أخلي ولدي يقطع هالحركه

والله يفشل طول اليوم يعضض مره إيده اليسار ومره اليمين

موتقولون مقصرين معاه بشي ماشاءالله ولدي الجعده عمره سنتين ونص ومدلل

حطي عليهم فلفل بس مو اللي حار مره
بس اللي يلسع
علشان يعرف ان هذا يحره
او يبي قطنه وصح فيه فلفل وقوليله يب ايدك احط عليها فلفل وحطي وجذبي عليه جنج حتطه على اظافره بس علشان يحط فباله ان فيهم فلفل اخاف يحروني فهمتيني

قلبي ما يطاوعني أحطه فلفل

بس سويت حركه وجذبت عليه حطيتله مال المنيكير السائل الأحمر وخليته ينشف وقلتله دير بالك فلفل
بس ماكو فايده ربع ساعه ورد يعضض بأظافيره

حبيبتي شتسوين مضطره
انا قلت فلفل بس مو حااار
عندج تباسكو اللي لونه اخضر هذا خفيفه حرارته بس حطي نقطه صغيره ودهنيها على اظافره كلهم …

أمي حطتلي كل أنواع الفلفل وما خلت شي غير ما جربته أدوية، مرورة، حرورة كل شي… بس ليومج هذا وهالعادة فيني !! أتمنى ولدج يفتك منها لأنها بالفعل سيئة !

حطي له مره على اصابعه

ولا تخلينه يكبر مع هالحركه لانه ريلي يسوي هالحركه وكل اخوانه

وطلع السبب نفسي

وهالحركه يسويها اذا كان يفكر بشي

حبوبه انا وعيالي واخواني يعني كل العيله نسوي نفس الحركه

شنسوي بعد طبع فينا احنا عايلة القوارض

ولدي جذي بعد مع اني سويت المستحيل عشان يتركب تقريض اظافره
بس اليوم اول دوام له بالروضة وان شالله تروح منه هالعادة
لانه حده محكور بالبيت وخاط دوبه دوب اخته الصغيرة