ولدى كفيف من الولاده ارجو المساعده ان امكن

السلام عليكم انا عندى ولدى من انولد وهو يعانى من مشكلات بالبصر او سوله اهنيه
بالكويت كذا عمليه لما بالنهايه انفصلت الشبكيه والقرنيه او صار كفيف بس انا املاحظه الحين انه حتى عقله مو ماشى مع عمره عمره الحين 7 سنوات او وايد يدغ راسه بالارض اويطامر والله صج ذابحنى ما ادري شنو اسوى الى يقدر يساعدنى الله يجزاه خير ان شاء الله او شنو اخر عمليات توصل لها العلم بشان العين وشكرا

الله ياجرج ان شا الله

الله يشافيه ويآجرج ياااااااااااااارب ,,,,,,,,,,,بالنسبه له تقدرين تسوين اختبارات على ماعتقد مركز الراشد يسوي اتصلي عليهم وسأليهم .

حاولي تسوين لجنه ووتودونه بره الكويت
اهني العلاج والتشخيص حق هالحالات مييييح
والله يعينج ويعطيج الصبر ان انشالله
ويشفي ولدج

الله يشفيه ويفرحج فيه
انا من راي اختي ام نوونه
لاتهملينه اكثر الحين عمره 7سنين؟؟
وماحاولتي تسفرينه براا ؟؟

الله يشفيه ويخليه لج
انا انصحج تسفرينه بره احسن
سوي لجنه حقه وسفريه
او كلش كلش روحي سعوديه هناك في مستشفى زين
وخالي مسوي عنده عمليه بس ما اعرف اسمه اسال واقولج
بس لاتهملين ولدج ولا تسويله شي بالكويت ديري بالج علاج الكويت اخرطي
لا يلعبون بولدج
والله يعينج
ويشفيه لج

هلا يالغالية

عسى ربي يشفيه ويعافيه

أول شي لازم تأمنين على حقوقه من المجلس باصدار شهادة اثبات اعاقة وتطلبين لجنة طبية للعلاج بالخارج وتاخذين موعد للطب التطوري علشان تعرفين تطوره العمري مع الحاله اللي اهو فيها .
وطمنينا.

الله يشافيه حبيبتي و اذا انتي كويتيه حاولي تسوين اوراقه للعلاج بالخارج … اهني بين كل الف دكتور تلقين واحد زين

لاحول ولاقوة إلا بالله .. الله يعينج ان شاء الله
بس الخطأ الطبي اللي سووه المفروض تطالبون فيه لجنه علاج بالخارج ؟
وبالنسبه للتأخر اللي انتي حاسة فيه تقدرين تسوين اشعة الرنين على المخ
وتشوفين العمر العقلي له .. وتقيم الطب التطوري يفيدج في تقيم الذكاء عنده

رفع

الله يشفيج لج يارب ويبلغج فيه

لاتسكتين عن حالته
سفريه برآ الطب تطور وان شاء الله يلاقون له حل
وافضل مستشفى باراكير في برشلونه اسبانيا يعتبر افضل مستشفى عيون بالعالم