|
|
قوه بنوتات ابي احد عنده خبره بالموضوع اللي بقوله ابي احد يساعدني بتجربه مر فيها او اي معلومه
انا حامل لي 25 اسبوع
قبل خمس ايام قمت من النوم على عوار قوي قوي حتى ماني عارفه اشرحه
المهم اشوه اني كنت عند اهلي
رحت مستشفى الفروانيه سوالي الدكتور تحليل وتخطيط قال لازم ادخلج الوضع
كنت انا احس اني بموت من العوار والخوف شلوووون وضع وانا بالسادس وتوني داخلته
المهم خلوني اقط كل هدومي والبس الروب ودخلوني الولاده وذبحني الطلق يجيني كل نص ساعه وعطوني مسكن وماكو فايده
وبعدين عطوني ابره مدتها 24 ساعه وخففت عني الطلق
طبعا اشوه الرحم مسكر واهم كانوا خايفين من قوة الطلق ينفتح الرحم
طلعوني الجناح 6 ساعات ورد مره الثانيه الطلق دخلوني ونفس الشي مشوني على الدرب
وطلعوني
امس جاني طلق مو طبيعي امس سار لي 26 اسبوع تخيلووو الطلق كل ربع ساعه وقوي حيل يبين بالتخطيط وعقب صار كل خمس دقايق احس روحي بتطلع بس دخلوني الوضع وعطوني مسكن نمت نومه مانمتها من 4 ايام وردوني غرفتي
ان شاء الله ما ارجع جناح الوضع
بنات انا وزن البيبي عندي 552 جرام يعني لي الحين صغير وقالوا لي اذا وصل ل800 قرام في فرصه يعيش ادري بتقولون توج ماتعلقيتي فيه صراحه 6 شهور مو شويه انا موكله امري لله وبأذنه ماراح اجزع بس ابي تجاربكم
سواء كانت زينه او مو زينه
اما شهادتي بمستفى الفروانيه
صراحه المستشفى روعه عكس الكلام اللي سمعته عنها
غرفه الوضع فيها شخص واحد غرفه خاصه وفيها حمام
الممرضات يهبلون والدكاتره حبوبين
وقعدت عندي سستر ماتطلع الا شوي وترجع تقعد عندي
النظافه ممتازه يعني صراحه عكس الكلام اللي سمعته لاني يوم دخلت كنت متوقعه شي رهيب بس الحمد لله
يلا بنات لاتبخلون علي بمعلومه 
كثري من الاستغفار و ربي بيسر لج انشالله
لا تحاتين واايد لانه يأثر عليح و على البيبي و انشالله يكبر بهالفترة وتفرحين فيه
الله يقومج بالسلامه
صراحه ماعندي فكره بالموضوع معني والده ولاده مبكره بس بنص الثامن
وصدقيني حبيبتي الوحده تتعلق بالبيبي من اول لحظه تدري فيها انها حامل
الله يفرح قلبج بشوفنه سليم معافى
وانشالله يطلع لك بالسلامه ولا طلع انشالله لى كلام كثير وياج لان له اهتمام وعنايه خاصه ويسمونهم اطفال الخدج واى شى او استفسار عيونى لج بس حاول تتغذين عدل لان الحليب وايد مهم له بهالفتره حتا لو شوى سبحان الله يقولون كل المضادات الحيويه والفيتامينات تصير بحليب الام
والله يهونها عليج
على تجربة اهلي
|
المشاركة الأصلية كتبت بواسطة الجووورى
 حبيبتى ماعليج والله يهون عليج انشالله وانا كنت نفسك ولدت هم بالسادس وهم بالفروانيه وكان الببجر مالى بعد وقعد شهرين ونص عندهم بس مع الوقت يتحسن عليك بالدعااااااااااااء والاستغفار
وانشالله يطلع لك بالسلامه ولا طلع انشالله لى كلام كثير وياج لان له اهتمام وعنايه خاصه ويسمونهم اطفال الخدج واى شى او استفسار عيونى لج بس حاول تتغذين عدل لان الحليب وايد مهم له بهالفتره حتا لو شوى سبحان الله يقولون كل المضادات الحيويه والفيتامينات تصير بحليب الام والله يهونها عليج |
تسلمين ياعمري بس بغيت اسالج جم كان وزنه لما ولدتي
وتمه لشهر التاسع يااااااااارب بالوقت اخر الليل وبالشهر الفضيل وعلى صوت الاذان يالله يارب يتمه في بطنج يارب تسعة شهور
اما انا ولدوني بالخامس ومات بعد 10دقايق
اهم شي ارتاحي كثر ما تقدرين
الله يسهل امرج ويحفظ جنينج