ولادتي في مستشفى عاليه الدولي

السلام عليكم*

لله الحمد والمنه

توني والده وطالعه من المستشفى

اخر مراجعاتي كانت عند الدكتوره عاليه الفضلي بمستشفى عاليه الدولي*

الدكتوره اتينن و حليوه و تبارك الرحمن لا اله الا الله من فحصها حمى الطلق عندي وولدت طبيعي بعد 9 ساعات عندهم بالمستشفى.

عنايتهم بالطواري عجيبه … كان في دكتور اسمه حسام و ممرضه رومانيه اتينن اتينن اتينن

صعدوني غرفة الولاده*

طلبت منهم ابرة ظهر قالولي الحين انكلم دكتور التخدير عشان ايي .

قلت لهم على ما يوصل عطوني كمام مو مستحمله العوار
عطوني اياه الساعه 3 الفير*
الساعه 5 ولدت … بدون اي احساس بالالم الحمد الله*

متى حسيت فيهم ؟؟؟؟؟!!!!!!

لما شالوا الكمام قمت اهلوس اقوولهم عطووني الكمام ليش شلتوووه .. قالت لي ممرضه مصريه : حبيبتي ليش كمام !!! ولدتي و خيطناج و خلصتي والحين بنوديج الغرفه @@*

بغيت اقوولها حلفي ههههههههههههههه

للامانه

المستشفى 100٪
الهيئه التمريضيه 100٪
الكمام 200٪
الدكتوره عاليه الفضلي و باقي دكاترة امراض النسا ( آصفه – حازم – هبه – حسام ) 100٪
دكاترة الاطفال 100٪ >>> دكتورين فحصوا ولدي على فترات وواحد ياني الغرفه و طمني عليه والثاني دق تليفون علي و طمني عليه*
ممرضات الاطفال 100٪ >> زوجي يقول جابلته ممرضه اول ما نولد لمدة ساعتين و تكتب كل شي يسويه .. سواء البول الحركه صوت البجي التنفس حركة الايد حركة الريل*
الخياط التجميلي ما اقدر احكم عليه الحين توني طالعه من المستشفى 

الحين بنزل لكم صور استقبالي بالمستشفى

الورد من زهور البيرق
الحلو من سويس لاقورميه بأسواق القرين ( شعر بنات – تشيز كيك – ليمون بالبلوبيري )
كل من يسألنا من وين الحلو من كثر لذااااااذته يمي يمي

و بس

طلعت اليوم من المستشفى لله الحمد بألف سلامه انا ووليدي حبيبي

ويييي اول صورتين مقلوبين 

ما اعرف اعدلهم

قلبوا شاشاتكم ههههههههههه

الحمدالله على سلاااامتج

ويتربى بعزكم ان شاء الله

ههههههههههههههه ماكو ولا صوره مقلوبه شككتيني بنفسي p:

حمدالله على سلامتج والحمدالله ان ولادتج كانت بسهاله

الحمد لله على سلامتج وسلامة البيبي ~

الحمدلله على سلامتج وبالمبارك ماياج

الحمدلله عالسلامه ومبروك ما ياج تشوفينه
معرس ان شاء الله …

مبروووك ماياكم و الحمدالله علي السلامه

حبيبتي الله يسلمج …. ههههههههههه انا طالعين عندي مقلوبين

الله يسلمكم حبيباتي و ربي يقوم كل حامل ووالده بالسلامه

الحمدلله على سلامتج حبيبتي
ويتربي بعزكم ان شاء الله

الف مبرووك

الف الحمدالله على سلامتج

الحمدلله على السلامه ياقلبي يتربي بعزكم