وصية ام لابنتها ليلة الدخلة فبماذا اوصتك امك ؟؟ وهل كانت وصيتها كافية ؟

زمن امهاتنا وجداتنا واللي قبلهم …. كانت الام توصي بنتها قبل الدخلة بعدة وصايا …

بعضها عام ( النظافة .. ديري بالج لا تعلين صوتج جدامة .. لا تسوين كذا وسوي كذا ) ..
بعضها خاص ( …… يخص الدخول وما قد تتعرض له العروسة من موقف …. )

السؤال …..

شنو كانت وصية امج لج ؟؟

وهل تعتقدين ان وصية امج كانت كافية ؟؟ والا كان مفروض تقولج عن اشياء وهي ما قالتها ؟؟

شوفوا هالام قديما شنو اوصت بنتها ………………………. (طبعا الحين مستحييييل وحدة توصي بنتها جذي)

…………….وتبقى مجرد وجهة نظر

تسلمين يا الغاليه على هالموضوع السنع ..

بصراحه توني بنيه وما بغيت ادش وما اشكرج على الموضوع ..

يعطيج العافيه حياتي

انا امي كانت تدعيلي دايما انه الله يتمم علي على خير
بس اتذكر بالملجه كانت دايما تقولي يا دانوو الركاده والعقل ووخري عن الطاقه والدفاشه <<< كنت دايما دفشه
لا تصدمين الولد لما تطلعين معاه
لوووووووووووووووووووووووووووووووووول

انا امي مااااااا قالتلي شيييييييي كلششششششششش
وصج صج كان ودي تعلمني لان كنت هبله ماعرف شي
بس الدنيا علمتني

ماقالتلي ولا شئ .. واشوه انها ما علمتني لأنه هالاشياء حلاتها انه الواحد يتعلمها بروحه وتكون غير متوقعه عرفتي

امي بالمره ماقالت شي اصلا علاقتي فيها معدومه تنصح كل البنات اللي تعرفهم وانا ولا كلمه طلعت منها لي
اللي انصحتني امي الثانيه اللي اهي خالتي ام زوجي ثاني يوم قالت لي نصيحه ما انساها طول عمري قالت الحرمه وزوجها علاقتهم مثل القبر اللي يموت يدرون الناس شلون يتحاسب هذا انتي وزوجج لا يطلع سرج ولا حد يعرف شنو بينج وبينه

والله انا الصرااحه ما قالتلي شي
لان تحس اني فااهمه كل شي
وصج مع المعاااشره تعلمين
والحمدالله ما وقفني شي ولا انصدمت ماااشيه على الرواااق

عجيباا النصاايح

اي والله نصحتني بكلمه ياليتني مسكت العلم والنصيحه مير قلبي خبل مافيني حيله..
قالت لي قلتي كلمه للرجال ولا طلبتي طلب لاتردين فيه لو انه تافهه وتندمتى عليه كلمتج لاتنزل الارض تسمعين يابنتي اذا نزلت الارض اعرفي عمرج كله ماراح يسمع لج كلمه ولا راح يحط كلامج في باله ويحرص عليه ولا بيحط له قدر واعتبار وربي انها صادقه عسى ربي يشفيها من مرضها ويقومها بالسلامه…

امي مانصحتني امي كله تبجي اني بروح واخليها عاد لاني سنعه ولا راعية بيت ……..
بس الغلا ………… ذابح اميتي حبيبتي………..

والله نصيحة امج قوية …. الله يشافيها ويشافي المسلمين

بس عاد هي طبقت هالكلام مع ابوج ؟؟

آآآآآخ جان زين امي وصتني مثل وصية هالام
خليها على الله

والله انا اذكر امي قااالت اهم شي الي بينج وبينه يظل بينج وبينه وعمرج لا تيين تتشكين لا حقي ولا حق غيري المشكله لو طلعت عن اثنين كبرت وعمرج لا تنزلين ريلج من عين احد ولا تذكرينه بالشينه لان الانسان يتغير وبيدج تخلين ريلج زين وبيدج تخلينه شين حبيبتي والله

لااااا أسمع لااااااا أرى لاااااا أتكلم

السانج حصانج ان صنتيه صاانج

الله يخليهااا الي يااربي

انا امي انصحتني ان الي بيني وبينة يكون بينا وما اتشكي لاي واااحد وما اطلع اسرار بيتي واني اسمع كلام امة الي اهي خالتي وانها تعتبر امي الثانيه واكثر شي امي انصحتني علية الثقل وما تكونين دفشة وملقوفه وبعد عن النظافة لا تعتمدين على الخدم والطباااااااخ بعد وان اهله حتى اذا ظروني ما اقولهم شي احتراما لريلي وبعد اكشخي وتسنعي لريلج لان انتي بعيونه كل شي وبعد وايــــــــــد نصايح ما اتذكرهم .