وش رايكم بالزواج عن طريق النت ؟؟؟؟؟

السلام عليكم
بنات وش رايكم بالزواج عن طريق النت ؟؟؟ مثل مواقع المتخصصه للزواج ؟؟؟ اذا البنت بحثت عن هالطرق وهي جااده ولقت شخص نفس الشي جاد في الموضوع ومستعد ينفذ كل الي تبيه ؟؟تتوقعون الزواج ينجح ؟؟ هل فيه احد تزوج عن طريق النت ؟؟؟ هل سمعتوا بمثل هالحالات ؟؟ للعلم اني متزوجه يعني ما اقصد نفسي

انا ما أأيد هذا الزواج و أحس الوحده اللي تدخل جذي مواقع جنها قاعده تبيع نفسها …

و أعرف واحد تزوج عن طريق النت من ايرانيه مع انه اهله كانو رافضين بس أخذها غصبن عنهم و اهوا الحين مرتاح معاها و اللي يقهر انه

ساكن مع اهله في البيت

انا ما أأيد هالشي بس اذا نصيبها من واحد بالنت راح تاخذه ,,

الله يالزمن كل شي صار بالنت

اكل شرب ملابس زواج تلفزيون تلفون ,,, الخ ,,

لا ما ايد

احس بتصير سالفه مذله

وكل ماتهاوشوا بيقول لها لو فيج خير مادورتي الريل دواره بالنت

اشلها بعوار القلب

صااااااااااجـــــــــــــه

كل شي يهوووون الا المعااااير ………. احسها مذله

صح امبله ,, صج ان تطورنا و عصرنا تطور بس تظل العادات و التقااليد اللي لازم نتمسك فيهم !!

واحس اذا دورتلها واحد من النت جنها قاعده تعرض نفسها .. جنها بضااعه و اللي ما يشتري يتفرج لول << حلوة هذي

بس مو كل شي من النت يعني موقع زواج و خرابيط مايمشي,,, وتيبلها اي واحد لاتعرف شنو اخلاقه شنو مستواه ..

وحلاته البنت في بيتها والخطاب اهما اللي ايولهااا .. البنت مثل اللؤلؤة داخل المحاره .. محد يفتحها ومحد ياخذها الا صاحبها
وهذا طبعا عقب تعب يالله يلقاها ..

حلات البنت غاليه عند اهلها والناس اهما اللي ايولها مو اهيا اللي تدور

يلا ادري طووولت عليكم ..

الف شكر بنات ,,,,,,,
طيب حتى لو ظروفه هو الي يحتم عليه ان يبحث في النت والرجال جاد في الزواج وكل ظرووفه مناسبه للبنت ,,,, تتوقعون ممكن يفشل الزواج ؟؟ للعلم بان هذي سالفة صديقتي مو عارفه شنو انصحها لانها صار لها سنوات منفصله ولاحد تقدم لها ,,,,,,,

انا صديقتى تزوجت من النت وهى سعيده حدها

دامت قصة حب على النت 4 سنوات وخطبها وللحين يموت فيها صج هم اجانب لبنانيين بس عادي

والله ماتعرض نفسها للزواج بالنت الا طايحة حض

تحملي اللي بيجيلج من وراها .. جذب ونقص بالمعلومات وشخصيات كلها على مزاج اللي داخل فيها ..

وتحملي بروحج لانه حقنا احنا العرب ماتنفع .. اكثرها تدشين حق زواج وحب وتطلعين بفضيحه وتهديد .. حتى لو الريال كان من دوله خليجية

غير دولتج هم يقدر يجيلج الكويت او يتفنن في فضحج اذا دشيتي خاطره ..

شوفي قالها لي واحد من قبل : احنا الصبيان نسوي اي شي علشان نطيح البنت .. حتى لو كنا بفلوسنا نروح فنادق ونحصل بايعات

بس لين شفنا بنت ناس عطتنا ريج حلو .. ندش لها الف دشه .. حتى لو مانبيها نخليها زياده عدد وصداقه ..

اختااااااااااااااه : المعاكس ذئب احتريسيه ..

لا اكيد ما اايد هالشي لانه بياثر على البنت

بعدين قصة وجه اذا احد من اللي يعرفون اهلها شافوها عارضة بياناتها وتبي تتزوج

مع العلم اني للحين ماشفت ولا حالة تزوجت عن طريق النت

الف شكر
اذا ممكن يفضحها والا يكذب وغيره كييف وهو اساسا عرض عليها الزواج واحتمال تتزوجه وللعلم بانهم من نفس الدوله لكن اختلاف في المذهب ,,,,,,

انا سمعت عن حالات زواج من النت خصوصا في الجيل الجديد بس كان النت وسيلة تعارف بينهم من مدونة او هالفيس بوك وهالسوالف
وبغض النظر عن خلفيات الموضوع وتقبل الاخرين له فهم كان وسيلة تعارف وانتقلت الى الواقع وصار فيه دور للاهل والاجراءات التقليدية للزواج من سؤال عن الولد والبنت والاهل وهالامور

بس زواج عن طريق مواقع الزواج احس فيها صعوبة شوية .. لان فيها شي يخالف طبيعة الرجل انه هو اللي يدور البنت وهذي مو خاصة بس في الرجل الشرقي

لان ترى مواقع الاجانب تكون بغض العلاقات مو الزواج وهم بعدين يشوفوا اذا بيحولوها زواج لو بس علاقات وهذا طبعا مو مقبول عندنا لا شرعا ولا عرفا

انا اشوف موضوع الخطابة افضل من مواقع الزواج اقلا بيظل فيها مجال ان البنت مو هي اللي عارضة نفسها وتدور رجل

وبالنسبة لصاحبتك .. اذا هو جاد وما عندها وسيلة ثانية !!!
فلازم الموضوع يتحول للعالم الواقعي ويكون فيه تدخل لاطراف اخرين للحكم على شخصية هالانسان والتحقق من ظروفه ومعلوماته والله يوفقها اولا واخرا

انا عن نفسي ما أأيد الزواج عن طريق النت لأن معظمهم بس يبون يتعرفون وبس بس عندي اخت وحدة من رفيجاتي اهي صغيرة يوم تزوجت كان عمرها 23 سنة يوم سألت اختها قبل الملجة قلت لها تعرفه ولا من الاهل او شايفينها بمكان واخطبوها له جان تقولي لأ تعرفت عليه من الانترنت من موقع تعارف او زواج يمكن
وظلت سنتين وبعدها تقدملها وتزوجها والحين عندها ولد يهبل
وريلها يموت عليها والبنت موجميله بس سبحان الله نصيبها الله كاتبلها ياه
وبالنسبة لرفيجتج ان كانت شايفة ان اهو جاد ويبي يتزوج خل يتقدملها من غير ماتضيع وقتها بمكالمات وطلعات وتشبه نفسها على الفاضي
ان كان صج يبيها يتزوجها وعسى الله يوفقها