مادري اذا موضوعي بالمكان الصح
اعرف وحده قريبه مني فيها وسواس بالصلاه قوي حيل حيل
و صارلها سنين يمكن فوق ال عشر سنين على هالحال
كانت تروح لشيوخ دين و تقعد فتره يخف عندها الوسواس .. مايروح بس يخف
و بعدين يرجع
الوسواس بالوضوء و الصلاة
وبرمضان يزيييد حيل حيل حيل ابد ماتخلي احد يلمسها من الفجر لين عقب ماتصلي العشا
دايما معاها شرشف مصفط عشان تقعد عليه و ملابسها و حتى السجاده يوميا ينغسلون و اي احد يلمس شي منهم تقطه ماتلبسه كلش
هذا نقطه من السالفه كلها مو عارفه شكتب و شخلي
بالوضوء تكفخ روحها
و بالصلاه تكبر وتقطع فوق الخمس مرات و تصارخ 
والله كل سنه قلبي يتقطع و كل ماناقشتها بعلاج تقول مابي حبوب
و صارلي فتره شاكه انها قطعت صلاتها
والله ادعيلها و ابجي و انقهر.. وقت الصلاه احسها مو اهي مادري شلون
مع انها بالاوقات اللي مافيها صلاة .. عسل عسل
سامحوني طولت عليكم السالفه ومثل ماقلت هذا ولا شي انا ماشرحت السالفه كامله
و الله اكتب و ابجي و رمضان قرب
و موراضيه تروح تعالج و كلش و لا الصلاه .. عمود الدين
شنو اقدر اسوي ؟؟ شلون اقنعها ؟؟ في شي اقدر اسويه بدون علمها و يشفيها ؟
مو لهدرجه تخلي الصلاه بكبرهاا
انتى اللحين تعرفين حالتها ومسؤله انج تخلينها تصلي
اذا ما صلت اشتبي بحياتها اهم شى الصلا
والله يساعدج عليها انشالله
ويستر عليج فوق الارض وتحت الارض ويوم العرض
اذا تعرفين وحدة قريبة منها خلا تكلمها عشان تقرى سورة البقرة يوميا مع الاستغفار والصلاة على النبي وتقنعها تروح لطبييب نفسي وآنه اعرف الدكتورة سعاد البشر مختصة في هالاستشارات عندها مركز ثوابت للتنمية البشرية في الجابرية
و الله يوميا ادعيلها وادزلها ايميلات عن الصلاة و اهميتها
ماني عارفه ليش ماتبي تروح لدكتور نفسي
قاعده افكر اتصل على اي دكتور مضمون واخذلها موعد عنده و جان زين تقتنع
ان شاء الله بشوف الدكتوره سعاد البشر و اسأل بالموضوع
و ساعدوني ابي بعد دكتور او دكتوره زينين و عارفين لهالحاله بالذات
و جزاكم الله خير