وزارة الخارجيه

السلام عليكم
حبيت اسأل عن وزاره الخارجيه اشلون الشغل فيها انا معاي باكلريوس حقوق يعني لو بشتغل شنو بيحطوني ؟؟ وجم معاشاتهم ؟؟ ويدزوني بعثة عمل بالسفارات برا ولا بس حق الرياييل ؟؟ الله يخليكم اللي عندها معلومات لا تقصر معاي
شكرا مس لوير

انا خريجه حقوق بعد

بس للاسف ماعندي معلومات عن هالوزاره

انشالله البنات يفيدونج

وزارة الخارجية التعيين فيها صعب لأنه ببساطة الجامعيين ما يتم فتح تقديم طلباتهم إلا بشهر سبتمبر من كل سنة …. بالإضافة إلى وجود امتحان أو اختبارات للقبول يجب تقديمها باللغة الإنجليزية تشمل في مجملها معلومات سياسية بالدرجة الأولى خصوصا عن الأحداث الدولية وأيضا بجوانب قانونية وبعد اجتياز الاختبار التحريري … يتم الخضوع للإختبار شفهي مكون من لجنة متخصصة ….. أما عن الرواتب لا يوجد أي ميزة فيها عن وزارات الدولة …. أما عن طلعات السفارات بره الكويت فهو مقصور على الشباب أما البنات فإن طلعتهم تخضع لمعايير وشروط وايضا واسطة قوية …. خصوصا وأن الوزارة تدرس حاليا سلبيات ابتعاث الإناث للعمل في الخارج حيث أن الابتعاث أثبت فشله ….

أما عن مجال شهادتج … فإن ميدان العمل بوزارة الخارجية محدود فقط بالإدارة القانونية والعمل فيها مكثف لأقصى ما تتصورين بالإضافة إنه سياسي دبلوماسي أكثر منه قانوني …..

أتمنى أن أكون أفدتج ……

تحياتي ،،،،

مشكووووووووره وايد انتي داومين بالخارجيه ؟؟

نعم …. للأسف الشديد ؟؟؟؟ واقولها للمرة المليون ؟؟؟؟ للأسف

ليش شنو اللي مضايقه منه ؟؟ شنو شهادتج ؟؟ عندج فكره عن الشروط اللي لازم تتوافر في البنت عشان تروح طلعات السفاره بره غير الواسطه ؟؟
فيديني لان انا ودي اقدم بس الصراحه ترددت مادري قوليلي اكثر ماعاليج امر

ليش طيب وللي معاهم دبلوم كمبيوتر ينفع ولالا

وينج حبيبتي ترى احنا ناطرينج ؟؟ برنسس فيدنا وينج

مساء الخير …. آسفة على التأخير

أولا آنا شهادتي حقوق …. ثانيا المضايقات ماكو تقدير كراف على الفاضي بدون لا ميزات أو بدلات نقدية …. أما عن السفرات فإن اللي يطلعونها يكون بناء على ظروف معينة يعني طلعة البنات بالوزارة استثناء مو أصل … يعني كأن يكون زوجها دبلوماسي أصلا ….. أو مبتعث بالخارج للعمل كملحق وهي موظفة فيطلعونها كملحق إداري …. ومثل ما قلت قبل يوجد انتقادات وايدة على طلعة البنات حاليا بسبب سلبياتها لأن طلعة البنت بره إذا أنت تتمنينها مرمطة بمرمطة ….

أما عن الأخت اللي سألت عن دبلوم الكمبيوتر فإن العمل بالوزارة حاله حال بقية الوزارات الآخرى ولا توجد ميزات أخرى …..

وعلى فكرة العمل الدبلوماسي أو الكادر الدبلوماسي للذكووووووووووووور فقط …. ومو للبنات …. ويكفي إنكم تعرفون ويمكن هذه أول مرة تنعرف أن وزارة الخارجية الكويتية قوانينها تمنع المرأة تمسك منصب مدير إدارة لأن مدير الإدارة لازم يكون سفير …. وهالدرجة اللي هي سفير مقصورة على الرجال فقط ….. يعني باختصار الموظفة تتعين بالوزارة وتتقاعد لو بعد خمسين سنة …. موظفة عادية … حتى رئيسة قسم ما تطول ….. هذه وزارة الخارجية للي ميت على التعيين فيها …………

الصيت عالي ….. والبطن خالي ….

وي ليش جذي التفرقه واضحه بين المرأه والرجل اتصدقين خلاص هونت حرام على شهادتي اتوظف في مكان يعزني ولا يذلني
وانتي بعد شهادتج حقوق حرام تقعدين عندهم غيرهم وايد ويقدرون قيمتج
الله يعين اختي شهادتها علوم سياسيه اذا تخرجت انشالله شكلها بتنقل عندكم

عيل الله يعينها ؟؟؟

ويييع ضاااق خلقي انا اليوم امقدمه الامتحان الي بالخارجية وطبعا انا ميته علييلهم انا علوم سياسيه فحاطه ابالي انه احسن مكان لي . بس ضيقتي خلقي تقولين معاشهم موشي وهم ماكو تقدير . لا ما تسوه . انااقبلوني الاشغال ما رحت ابسبتهم ميته عليهم

يمكن اللي تخصصه علوم سياسيه هناك احسن من اللي تخصصهم حقوق ترى احنا قاعدين انتكلم عن الاداره القانونيه بس انتي انشالله يكون مكانج افضل لأن الخارجيه مالها الا السياسيه تفائلي خير

صج ضااق خاقي

بنات اللي تخصصهم سياسة جم معاشهم ؟

مرحبا بنات
انا خريجه علوم سياسية وكنت امقدمة في الخارجية وسويت الاختبار التحريري والمقابلة
والحمدلله اقبلوني من غير واسطه بس كنت وقتها متعينه في وظيفتي الحالية ومرتاحه
فان شاء الله خيرة لي
بس اذكر اني كلمت بالتلفون مسؤل في الشوون الاداريه في الخارجية
قال لي ان موظفين الوزارة لهم زيادة في الراتب على ما اضن 200
بس ما ادري هل هي خاصة بالعلوم السياسية او اللكل
هالحجي من سنة تقريبا