وزارة البطيخ بحاجة إلى إصـــلاح

السلام عليكم

فيه قضية خطيرة انا ملاحظتها هالسنة

يمكن كل سنة احنا نسمع ونشوف تسريب امتحانات قبل الامتحان بيوم وغش بس من تحت لي تحت

بس هالسنة الوضع غير .. صار الغش على المكشوف

انا مدرسة ابتدائي فعطلنا مبجر .. الصبح الساعة 11 تدق علي رفيجتي مستعجله تقولي تكفين برسل لج فقرة انجليزيه ترجميها .. قلت اوكي بسيطة ترسل الفقرة واترجمها وارسلها لها

بنفس اليوم ادق عليها شنو سالفة هالفقرة .. قالت لا اخوي عنده امتحان انجليزي وصور لي فقرة الترجمة وانا ارسلت له الجواب .. كل هذا وقت الامتحان بالبي بي

تكنلوجيا

وحده من اهلنا تقول انا شايله عن ولدي البي بي قبل الامتحانات عشان يدرس ووقت الامتحانات يوم درت انه توصلهم الاجابات بالبي بي تقول رجعت له تلفونه ورجعنا الخدمة لانها مقطوعه تقول لولا التلفون والله ما ينجح .. ولدها نسبته 85 وبيدش الجامعة

انا ماقول هالكلام حسد للطلبة .. بس اللي قاعد يصير مصيبة شنو مخرجات التعليم اللي تبي تطلع لنا من هالاشكال .. الاهالي مستانسين يبون عيالهم بس يجيبون نسبة مو مهم فاشل او فهم ولا مافهم المهم يحصل شهادة ويدخل الجامعة ..

هذي كارثة والله .. وتدرون الكارثة الأكبر شنو

لو تطبق اقتراح المليفي عن البونص وانه يتم تقييم المعلم بناء على درجات طلبته .. فيها اخر السنة 8 الاف دينار .. بيصير الغش صج على اصوله

ياناس اللي قاعد يصير حرام مو هذا مستوى التعليم اللي نطمح له ولا هذي المخرجات بتنفع مجتمعنا

منا للمسئولين بوزارة التربية .. الفساد بالتربية والله ماتشيله جبال .. انا مدرسه واشوف الوضع يعور القلب .. لا تقولون ماكو غش الغش موجود والكل يدري لا المدرسين ولا اللي فوقهم .. وفيه تساهل كبير مع الطلبة وفيه توجه انه يمشون كثر ما يقدرون ويتساهلون بالنتايج والنسب عشان يغطون على فشل المناهج

انا قلت هالكلام من حالات واجد حوالينا من اهلنا وجيرانا ومعارفنا .. الغش هالسنة غير كل سنة والوضع كل ماله يتردى .. وبعد بيزيد السنين الجاية اذا ماصار فيه تدقيق ووقفة جادة من الوزارة لضعاف النفوس من الطلبة والمدرسين

السنه هذه بالذات انتشر الغش على المكشوف والاختبارات المسربه .. اللي انظلموا الطلبه الشطار حرام يتساوون او ياخذون نسبه اقل من اللي غشوا

كلش عاد ولا اهاليهم هم نفسهم اللي يشجعون عيالهم على الغش
وين مخافة الله .

قاهرتهم 2024

انا لاحظت الاهالي يسولفون عن الغش اللي صاير وهم مستانسين مادري شنو الانجاز اللي مفتخرين فيه .. فوق حرمته وأنه فيه ظلمه لطلبه تعبوا اهو بالاخير قاعد يضر البلد .. هاللي يغش خذا نسبة ( مش حالك ) يروح يشتري له شهادة جامعية من أحدى الدول العربية أو الآسيوية ويصير دكتور ولا مهندس ولا محامي وهو قوطي مو فاهم شي

هذا اللي صاير الحين .. والوزارة ووزيرنا مو فاضين للاصلاح بس يفكرون شلون يغثون المعلم وينزلون من هيبته ويناشبونه على معاشه ..

اللي قاعد يصير بمباركة وزير التربية وعلمه .. وهو اللي صرح بشكل او بآخر أنه بيفتح المجال لتصديق شهادات خريجين الفلبين والهند وغيرها من دول اللي تتاجر بالعلم

بعض جامعات الهند راقيه وشهاداتها معترف فيها عالميا خل يفكنا بس من بتوع الدروس الخصوصيه اللي نشروا الدروس الخصوصيه وتسريب الاختبارات .. الله يستر

صح الهند مثل مصر فيها جامعات محترمه معترف فيها وبعد فيها جامعات تعتبر دكاكين تبيع الشهايد

مو بس البي بي

حتى النظارة هذي اللي فيها كاميرا انتشرت اثاريها للغش

ماكو فايدة حبيبتي الناس تبي المظاهر بسسسسسسسسسسسسسس

ماتبي المخ يشتغل

يعني شخسرانة اذا حبستي ولدج ولا بنتج بالبيت درسي يعني درسي

؟؟؟؟؟؟؟؟؟؟؟؟؟؟؟؟

وين هالغش كان احنا مدرستنا معتقل وكل شوي يفتشونا وكل 20 بنت 3 ابلات يحوسون فوق راسنا وتروونا ولا وصل لنا تسريب ولاهم شي مع اني 12 يمكن هالشي كان بمدارس ثانيه

حبيبتي هذآ كلآ بمدآرس آلشببآب / آلبنآت لو يآخذون آلفون آسحبوآ منهآ
ويمسحولج كل آلي في حتى لو صور خآصهه يعني مو صور آلآبلآت ولآ رفيجآتج
وفوق هذآ حرمآن وآستدعآء وآلفون مآتآخذينه آلين مآيون آهلج يستلمونهه وآذآ يبتي مرآ ثآنيهه نقل تأديبي
وبآلآقزآم فـ آمج خير تلفين رآسج !! ، بس مآقولج مآكو غش لآ آكو بذآت لمن يوقفون آلوآفدآت من آومهه
آول 5 دقآيق آلكل مخلص آلآمتحآن > سسملآ علينآ
آذكر عندنآ آبلهه لمن تيي ترآقب علينآ تنآمم تقول لنآ آنآ تعبانهه رآسي يعورني لحد يغش ولآطلعون صوت
وتنآآمم وآهو غش اهو تبديل ورق اهو آلبنات يغيرون آمآكنهم وكآنت وآقفهه علينآ بآمتحآن ريآضيآت
تخيلي ولآ بنت سقطت وآلكل يستآنس لمن ترآقب عليهم تخلي آلصف وتنآم
وآشكرهه تشوف آلبنآت يغشون وعآدي مآتقول شي ! وآللجنهه تصير مصخرهه
صرآحهه آننآ آستغرب من آلآبلآت آللي من هآلنوع

انا مستغربه بصراحه

لو شفتوا شلون الحرص في اختبارات القبول بالتربية بالتدريس

وشلون الموجهين يراقبون

علشان شنو

مو ناقص الا التفتيش الذاتى بس

الحمدالله والشكر

بسال سؤال واحد

كل اللى شاركوا في هالموضوع هذا

واللى كتبت الموضوع

لو كنتى انتى بمكان طلبة الثانويه العامه والاختبار عندج وعارفه انه بيجى تغشين او لا

لحد يسوى نفسه مثالى

والله لو الاختبار عندج تقدرين ماتعطينه بنتج او ولدج
وعارفه انه بحدد مصيره

الله المستعان

يافرحه انا مو مثاليه

وانا ماحملت الطلبة اللوم

اللوم على الوزارة وعلى المدرسين اللي ماعندهم ذمة وعلى كل واحد مسئوول ويدري بالمسخره اللي صايره .. انا كتربويه مارضاها

بنات لا تقولون مافيه غش يمكن جم مدرسه مدققين بس والله الاغلبية عندهم غش وهذا مو ذنب الطالب انا لو اني طالبه وشفت جذي الوضع مسخره بغش بعد شنو ناقصني عنهم بس هذول اللي غشوا وشروا شهادة جامعيه وجوا هني توظفوا شنو بينفعون البلد فيه

انا مدرسه وام لو ولدي بالثانويه مابيه يجيب نسبه بالغش انا مدخلته المدرسه ابيه يتعلم مو يجيب نسبه وبس .. عشان جذي انا مستغربه من الامهات اللي عاجبهم الوضع

هذا مستوى التعليم اللي يبونه لعيالهم ؟

فرحه انا قلت هذي ظاهره موجوده لازم الوزارة تشوف لها حل فيها ماحملت اللوم على الطلبة اهما غلطانين بس الوزارة المسئوول الاول عن التسيب والفوضى وتسريب الاختبارات

السنة هاذي غير

اول مرة تصير نسب النجاح فوق 90%

انا تخرجت سنة 2024 واتذكر نسبة النجاح 55 %

وبس ثلاث طالبات ماخذين فوق التسعين

الحين لا شوفي التسعينات اشكثرهم

ليش هالسنة , لان الغش صار عل المكشوف

الوزير يبي يرضى الطلبة واهلهم بأي طريقة علشان يرشح نفسه ويفوز الانتخابات الياية

الادارات والمدرسين يبون ينجحون الطلبة بأي طريقة علشان يزيدون نسب النجاح

والاهل يبون عيالهم ينجحون بأي طريقة

وبعدين احنا اللي بناكلها , اذا عالجنا طبيب غشاش , او درس عيالنا مدرس فاشل

الله يعينا بس

لا اله الا الله