ورم بالغده الدرقية

السلام عليكم

بغيت اسال من افضل دكتور غدد

اختي فيها ورم بالغده الدرقية من جهه وحده السنه هذي صارت من الجهه الثانيه بعد

واحنا خايفييين من العمليه ونتيجتها ….

منو تعرف معلومات عن هالمووضوع وتعرف دكتور شاطر ؟؟؟

واللي ماتعرف ترفع الموضوع وتدعي لاختي

الله يشافيها إنشاءالله بإذن الله
إختي إذا إختج تقدر تسافر بره أحسن

أنا من 8 سنين كانو مقررين عمليه للغده كانت متضخمه و ما بقى شي ما حطو فيها حتى عينه خلوني
أسحب مرتين من مكي جمعه بعدين بصراحه ما إقتنعت بكلامهم رحت فرنسا مستشفى الجامعه الأمريكيه

لما شافني الدكتور وسوالي سونار وتحاليل قالي مافيها شي و عطاني حبوب آخذهم مدى الحياة بس قالي ديري بالج

أحد يقولج شيليها لإن وضائفها مهمه للجسم والحمدالله من خذيت العلاج خف التضخم و كل ما رحت فرنسا

اروح اجيك عنده أهم يشيلونها في حال التأكد من وجود أورام بس لازم يتأكدون إحتمال ما يكون ورم يكون تضخم

وفي دكتور سمعت عنه يقولون زين في مستشفى دار الشفاء

الدكتور كويتي بصراحه ما عرف إسمه

أرجو إني أكون أفدتج

الله يشافيها إنشاءالله

والله احنا عشان جذيه اجلنا عمليتها وخايفين نسوي ورحنا لكذا دكتور

والله عادي نسفرها برة اهم شي تتشافى

تسلميييييييين يا قلبي على الرد

ما تشوف شر حبيبتى

اذا عندكم امكانيه الافضل بره احسن وايد

خصوصا مثل ما قالتلج كويتيه حيل ,, اذا فرنسا او امريكااااا

وفى الدكتور الجارالله عنده خبره بهالسوااااااااالف

والف سلامه ان شاءالله ,, الحين الطب تطور والافضل الاتكال على رب العالمين

بالدعاء ,,

لازم تروح عند طبيب يحدد نوع الورم اذا كان حميد او خبيث لا قدر الله
لان اورام الغدة الرقية عدة انواع و حتى الخبيث منها يوجد منه نوعين نوع يمكن السيطره عليه و اخر شرس
وبالنسبة للعلاج عادة يلجأ الاطباء الى ازالة الورم او ازالة كاملة للغدة نفسها في حالة الورم الخبيث
و يجب في هذه الحالة اخذ علاج اليود المشع -ضروري- بعد الازالة الكاملة للغدة
مع المتابعة الدورية
وبالنسبة للعلاج بالخارج ما يفرق وايد الا في موضوع اختيار الطبيب الصح ،
هذه النوع من الاورام مو معروف وايد في اوروبا فتلاقين ان خبرتهم ياخذونها
من مرضانا لان هالورم منتشر عندنا اكثر – وهالمرض منتشر في اوروبا الشرقية بعد-
نصيحتي اهي استشارة د/ ميرفت الصالح (هالدكتوره وايد امينة)
وما تشوفون شر ان شاء الله

السلام عليكم

حبيبتي انا كان عندي ورم بالغدة الدرقيه وسويت العملية ولاي استفسار انا بالخدمة
وماتشوفون شر ان شاءالله

انا بعد طلع لي ورم على الغدة الدرقية وعطوني موعد لأخذ عينة لمعرفة نوع الخلايا اللي خبرة او خلفية عن الموضوع ياليت تفيدنا الله تعالى يجزاهاخير ويبعد عن المسلمين شر اأورام.

أسأل الله العلى العظيم انه يشافيها

أسأل الله العلى العظيم انه يشافيها

أسأل الله العلى العظيم انه يشافيها

أسأل الله العلى العظيم انه يشافيها

أسأل الله العلى العظيم انه يشافيها

أسأل الله العلى العظيم انه يشافيها

أسأل الله العلى العظيم انه يشافيها

…….. ماعندى والله خبره بس قلت ادعي لها

نسمة 1970ياليت ياعمري تقولين تجربتج بالتفصيل الممل .

بنات شنو تبون تعرفون بالضبط؟ ياريت تعطونا السؤال

و انتبهوا ان في هذا النوع من الاورام تختلف الحالة من شخص للثاني حسب نوع الورم

بليز اقروا مشاركتي اللي فوق مرة ثانية

انشاء الله حبيبتي
اول شي في سنة 1999 الكل لاحظ ان رقبتي وارمة ومنتفخة بس صوب واحد رحت المستوصف قالي لازم احولج لان فعلا الورم كان واضح طبعا حولني مستشفى مكي جمعة عشان يجيكون عليها وعملت التحاليل مال هرمون الغدة طلع ان افرازها طبيعي يعني وظيفة الغده تمام مافيها شي بس طلع فيها ورمه داخلها وهذا اللي امخليها متفوخه لاحظي ان مو اهي متضخمة لا فيها ورم وطبعا الله لا يراويج الحاله اللي صرت فيها وقتها بغيت امووووت من الخوف لان تدرين كلمة ورم بروحها كااافي وعقبها قررلي الدكتوور ان اعمل نووي وعقبها عينه عشان يتاكدون من نوعية الورم طبعا سويت نووي عارفينها اعتقد هذي الاشعة وسويت العينة كانت العينة بصراحه مزعجه شوي لكن مو مؤلمة مثل غزة الابره لكن مكانها مزعج لانها تكون في الرقبه يعني نفس مكان الورمة وهذا كله كان في مكي جمعة طبعا والحمد الله على العافية اطلعت نتايجها حميده وبالصدفة كان في بروفوسور تييبه المستشفى كل سنة يقعد شهر تقريبا عشان العمليات مع رئيس القسم الدكتور مدحت هذا مصري بس فوق الممتاز وبصراحه كان وقتها وكيل الوزارة من الاهل فدق عليهم وتدرين الواسطه اختبت المستشفى فوق حدر لي درجة خلوا البروفوسور اهو يعملي اياها مع الدكتور مدحت وطبعا هالدكتور مايسوي الا العمليات الصعبه للاورام الخبيثة الله يجيرنا والمسلمين منها عموما سويتها من اروع ما يمكن والجرح صغيييير بعد يدوب 2 سم بس عقبها ب8 سنين اطلعتلي ورمة ثانيه لان الدكتور شال الفص اليمين بس من الغده وخلة الفص الثاني فرد الورم في الفص اليسار طلع وللاسف هالمره اكبر حجمه من اللي قبل وصارت لي مضاعفات بس مو كبيره لا اللي اتعرفها اكيد اللي عندها ورمه في الغده وبالفعل ترا في ورم حميد وفي خبيث والعينه اللي يسوونها هذي اللي اتحدد شنو هذا الورم عموما هذا اللي صارلي وطبعا الحين انا نفس الاجراءات اللي سويتها اول مره الحين قاعده اسويها لاني بصدد اسوي العمليه خلال شهر 8 اذا الله قسم
واذا في اي استفسار تبونه لا يردكم الا لسانكم طبعا انا كتبت الاشياء بشكل موجز خخخخ اي موجز كاتبه مقاله اقول موجز بس اللي لها سؤال في بالها تسأل وانا بالشوفه
وعسى ربي يشافي كل مريض

مشكورة على سرعة الرد وهالتفاعل وعساج ماتشوفين الشر والله اني حاسةبكل كلمة تقولينها انا سويت العينة مزعجة وغثيثة الله يستر .

الشر ماييج ان شاء الله لا لا تحاتين يا دانات وتوكلي على الله وسوي العينه عشان يرتاح قلبج لان هذي اهم مرحلة وحتى اهم من العملية بذاتها لان العينة اهي راح اتبين لج ان الورم حميد ام خبيث الله يبعده عن جميع المسلمين صدقيني انها ما تعور نفس شكت الابره الا انها مزعجه لان تدرين احنا مو متعودين على ان ابره تنغز بهالمكان بس لا اكثر ولا اقل وانا سويت العينه 4 مرات من كثر ما اهي سهله حتى 10 دقايق ما تاخذ يلا يلا صيري بطله وسويها وطمنيني على النتيجه ويارب ان يحفظج ويبعد عنج الشر وطمن قلبج يادانات

ان شاءالله ما تشوفون شر والله يبعدنا عن الامراض جميعا

سبحان الله اى تعب او مرض لو اهوااااا بسيط يؤثر بالانسان

بس اهم شى النفسيه والتقبل والرضا بما كتبه الله اهى السعاده

والمتعه الحقيقيه ,,,,

ايللى تخلى الانسان يعيش بسعاده حتى

اذا اهوا مليىء بالامراض ,, سبحان الله!!!!

وفى ناس يا سبحانك ياربى اذا بس صداع او شى بسيط,,ما

يتحملون ويتحلطمون استغفر الله !!!!!!!!!

اهنيج نسمه1970 على ايمانج وتسهيلج للامورggdw:

هلا حبيتي نجد الشر ماييج ان شاء الله

اي والله صح كلامج يا نجد والواحد المفروض ما يجزع من رحمة الله وهذا كله ابتلاء من رب العالمين والحمد الله عالعافيه ويارب ماتشوفون الشر يابنات المنتدى والقائمين على الاشراف فيه وجميع المسلمين

اللهم آآآآآآآآآآآآآآمين

وانا يسوي عمليتي قبل رمضان ان شاء الله ادعولي بظهر الغيب ان الله يقومني بالسلامه وان تتم العملية على خير