ورب الكعبة صدري كبر والسبب

السلام عليكم
بنااات اكييد واايد بنات يبون يكبروون صدرهم بس خايفين من العمليات
ورب الكعبة اشترييت شغلات خلال اسبوع اسبوعييين تبين النتيييجة
بس ماني قايلة

ادري بتقولون نحييسة عادي رااضية بس هم مااني قايلة
ههههههههههه

لا يبا اتغشمر بقول

بس لا تعصبون

افا عليييكم مو طبعي النحاسة وربي يشهد ان هالشغلتيين كبرووهم وبسرعة

الشي الاول اشتريت من الانفال بخاخ سائل لتكبير الصدر والشي الثاني اشتريت من زين الاتات نفس البلاستر يكبرون الصدر عددهم جذي 25 سعرهم 25 او 30 دينار

الله يوفقكم

مشكووووووووووووووووووووووووورة
بس شنو بخاخ الصدر ومن وين وصدر مترهل

روحي حق مركز الانفال مال الاعشاب الطبيعية وتلاقيينه عندهم

جزاج الله خير ان شاء الله ينفع معاى

وين مركز الانفال؟؟

حبيبتي ما قريتي الموضوع من كم يوم الي صديقتها اشتبهو فيها بورم بسبب هالسوالف

الله يخليكم بنات لا تلعبون بصدركم خلوه صغير لكن بصحتكم وعافيتكم محد عارف شنو من ورا هالكريمات والسبريهات .

مشكورة يالغاليه على عرضك لكن ديري بالج من هالشغلات حبيت افيدك بالاحتراس مو اي شي تستخدمين للصدر فكري شنو الي يكبر الصدر بسرعه اكيد فيه شي مو طبيعي اذا تركتيه راح يرجع حجم صدرج مثل ما كان وما تدين شنو يخلف وراه .

آم منصور جزاج الله خير على النصيحـة ..

هم آنا كنت بنصحج .. ومثل ماقالت اختي ام منصور .. ديرو بالكم من هالكريماات والله لهاا اثر كبيررر ع جسدكم وصحتكم ..

وفـي موضوع وحده كاتبه عن رفيجتها الله يشافيها مشتبهين فيها عن ورم بصدرهاا .. والله يبعد عنكم من كل مرض ومن كل داء ..

والسبب كله من هالكريمااات الي تكبر الصدر ..

والله يحرسـج انشالله من هالكريمــات وديري بالج يا اختي ترى الزم عليناا صحتنااا

اي والله بنات في وحده كاتبه موضوع عن رفيجتها مشتبهين فيه سرطان الثدي يكافيكم الشر وسبب هالمنتجات وذكرت منها زين الاتــات

نفس كلام ام منصور
والله يكفينا الشر

اوافق ام منصور

مشكووره اختي بس انا اخاف من هالشغلات
واوافق ام منصور

يسلموووووووووو
بس الحمدلله انا جربتهم وماصار شي
موفقييين

حبيبتي ابي مكان مركز لانفال ورقمهم وشسم البخاخ ضروري محتاجه هالشي اذا جذي دزيه لي عالخاص اوكي مو تنسين حبوبه وجم سعر البخاخ انطرج

حبايبي ابي مصلحتكم انا اكبر منكم بالعمر وانتو مثل بناتي لو بنتي بتشتري هالكريمات اكيد بوضح لها واهي ما تسوي شي بدون ما تشورني .

واختي الله يخليج اقولها لج وانا صادقه اذا كنتي بتروجين لبضاعه معينه فالبنات اهني يصدقون كلام المنتدى لانهم على ثقة فيه وفي الكلام الي ينكتب وانتي صاجة يابعد عمري اكيد كبر صدج لكن هذا صدر يعني لا تروجين لشي باجر لا قدر الله يمكن تدعي عليج وتقول بسبتج ولا تنسين ان تجربه قصيرة جدا مرت فيها احد الخوات في المنتدى وانا اخاف عليكم اقدر اقرا واطنش لكن حتى انتي اختي اخاف عليج ما فكرتي شكثر بتستخدمين هالكريمات طول عمرج لانج مؤكد اذا تركتيها بيرد صدرج مثل ما كام وزياده عليه الله لا يقوله يارب قد تكون عناك نتائج سلبيه حتى بالزواج قد يعطي صدرج افرازات مرة وريحته مو طيبه تؤثر على علاقتج الزوجيه ويكرهج زوجك — قد تؤثر على الرضاعة وتسد القنوات الي بالصدر وتسبب تليفات بالصدر فكري في كل الجوانب لا تفكرين في شكل الصدر الي ممكن حتى الزوج يكرهه بسبب ريحه وغيره .

اسفه لاني والله خايفه عليج قبل البنات لانج الحين قاعده تستخدمينه وانشالله قدرت اوصل لج شي بقلبي بدون زعل .

ستيلا ما فهمت وين مركز الانفال وزيت الاتات هم شنو هذا و من وين
بس انا احب افهم Mechanism of action يعني شلون يشتغل المنتج بالجسم