ودي وحدة تعلمني ودي احمل ؟؟

السلااااام علييييييكم بنات انا متزوجة صارلي سنة وودي احمل رحت الدكتوووورة الحمدلله انا وزوجي مافينا شي ..

انا جتلي الدورة بتاريخ 2/4 وتخلص 8/4 بعرف متى ايام التبويض .. ويكون شرح سهل ..

الله يوفقكم …

حبيبتي روحي الصيدليه في تحليل اسمه كلير بلو حق تحليل عمليه التبويض و سوي كل يوم الصبح اول ما تقعدين من النوم لأن البوا و انتي بكرامه مركز عندج و متى ما يطلع خطين سوي الجماع مع ريلج باليوم هذا و خليه بأقصى الدخول اكيد فهمتي و بعد الجماع مو تقومين بسرعه لا خليج نايمه يعني ربع ساعه جذي بعدين اغتسلي عرفتي
الله يعطيج على قد نيتج يارب

هلا اختى
التبويض يكون
من اليوم العاشر من الدوره لمدة اسبوع

روحي دكتورة تسوي لج لج سونار وتشوفين متى التبويض عندج

والله يرزقج ألحمل ألسليم المتعافي

حبيبتي في موقع لو تحصلينه وتسوين له داون لوود متخصص بالدوره اسمه فيمتا انتي شنو اتسوين
دشي جوجل وكتبي فيمتا بالعربي او دواون لود فيمتا بالعربي المهم اذا حصلتيه تقدرين اتسجلين فيه ايام الدورة كل شهر وهو يحدد لج متى التبويض ومتى الايام اللي فيها بنات وايد او اصبيان وايد يعني اي يوم اللي ممكن ايصير الجنين صبي احتمال اكبر من احتمال البنت والعكس انشالله فدتج واذا اي سؤال تبين حاضرين للطيبين

ماااااااقصرتوااااا خوااااااتي لكم مني الدعااااااااء وانشالله ابشركم بحملي

حبيبتي كثري من شرب الزنجبيل ترا ينشط ويقوي البويضات وان شالله تبشرينا ياقلبي والله يكتبلج اللي فيه خير

نفس اللي قالتلج ام بسمه
اضيف عليها
العشرة أيام اللي بعد الدوره كلها يصير فيها حمل
واذا خلصتي من الجماع لاتقومين على طول ورفعي ريلج

ايام التبيوض

حق هالشهر راح تكون من اليوم العاشر الى السادس عشر

يعني من

11-4

الى 17-4

لااااازم يكون فيه جماع خلال هالايام اذا دورتج منتظمه

الله ما قصروا معاج

وانشاء الله يرزقج الحمل

الله يرزقج الحمل

حبيبتي عندي برنامج اسمه
evaluation calender و علي اساس ان دورتك كل 28 يوم و اول يوم دورة 2-4 و لمدة 7 ايام طلعلي التالي:
12-13/4 ايام اخصاب
14-15/4 زيادة نسبة الحمل بفتاة
16/4 يوم التبويض
16-17/4 زيادة نسبة الحمل بولد
واذا دورتك مو كل 28 يوم قوليلي كل جم تييلك ترا يفرق بالحسبة
و ترا انا حاضرة
الله يرزقك انشاءالله

البنات ما قصرو الله يعطيهم العافيه والله يرزقج بالذريه الصالحه الي تسعدج وموفقه حبيبتي

اختباااار التبويض يبين لج متى وقت التبويض

وانشاء الله تسمعيناا اخباااار حوة عنج قووولي امين

اللي اعرفه ان ايام التبويض تكون من اليوم الـ 14 من اول يوم بالدورة
يعني دورتج كانت بتاريخ 2 معناته ايام التبويض تكون من التواريخ 16 و17 و18 ..
بس حسبة الدكاترة أحسن وأدق

وترا موووشرط يصير حمل .. لأن فترة التخصيب تكون 24ساعة فقط عشان جذي كثرو من الجماع بالايام اللي عقب الدورة
لأن ممكن بأي يوم يكون حصل التبويض وبالتالي اذا حصل جماع ممكن يصير اخصاب للبويضة خلال اليوم
وحاولي بعد الجماع انج ماتقومين علطول .. يعني خليج منسدحة فترة ع الفراش
لأن سبحان الله ماي الرجل ياخذله فترة نص ساعة على مايوصلون ال… الى قناة فالوب فانتي اذا تحركتي ممكن تعيقين حركتهم وينزل الماي ومايصير اخصاب

هذا اللي انا فاهمته وقاريته من الكتب
وموفقة انشالله
ونسيت اقولج .. كثر ماتقدرين ادعي