|
|
السلام عليكم
بنات باقيلي اخر كورس ثانوي واتخرج وحابه ادش حقوق بس خايفه في ناس قالولي انها صعبه وايد ويبيلها مجابل ونااس قالولي لا والله سهله بس يمكن ماده وحده اهي اللي يبيلها حفظ واايد وانا اصلا ادبي يعني ما يهمني الحفظ لاني متعوده ….
ما ادري قاعده افكر اني ادرس بره بس بمكان قريب يعني دول الخليج .. يمكن اسهل
بس وين ماني عارفه ياليت اللي تعرف تقولي ؟؟
واللي تدرس بالحقوق او تعرف ناس شلون الدراسه ؟؟؟سواء اهني او بأي ديره؟؟
ومشكورين حبايبي
وباجي البنات وينكم اشدعوه
اذا انتي نسبتج ادخلج حقوق بجامعه الكويت دشي ليش تتغربين
اهي اكيد درااسه الحقوق يبيلها مجاابل ودرااسه اول بأول ومثل ماقلتي انتي ادبي ومتعوده عالقرقه
وطبعا الحقوق بالكويت معرووفه صعبه بس اذا جابلتي مافي شي صعب
واذا تبين برة احسن شي روحي جامعة الشارجه جاامعتهم معروفه واايد قويه
والحقوق دراستهم سهله عندهم هاذا اللي اعرفه
والتوفيييق
والظاهر جذي ما كو الا اقعد بديرتي احسن
ثانيا ترى ما في شيء سهلللل
كل شيء يبيله دراسه
يعني حتى لو برى تهقين بتنجحين من غير دراسه مثلا
اكيد بتدرسين
وحتى اهني لازم تدرسين وتشدسن حيلج
والله يوفقج
كل سنه يزيدونلج المواد
والمواد موانتي تختارينها لأ يعني نفس الثانويه كل سنه بموادها
اول سنه 6 بعدين 7 بعدين كلماله والطالع وجذي . عرفتي
امتحانات الفاينل عندنا .. تتزامن مع امتحانات الميدتيرم عندهم .؟. وي صج اللله يعينهم
شوفي اللي يناسب ميولج وقدراتج .. وسوي الي عليج والتوفيق من الله
انتي حبيبتي مالج شغل بكلام غيـرج من ناحية السهل والصعب انتي سألي عن نظام الدراسة وشوفي إذا هالشي يناسبج والا لأ وحكمي . . . ونصيحة لا تحكمين على نفسج حسب امكانيات غيرج شوفي امكانياتج انتي بس
انا يوم بتخصص علمي عامه ما صادفت شخص واحد شجعني كلمن يقولي يلوع الجبد وصعب ووصلوه بشكل تعجيزي والمشكلة ما سالت الا من ناس دارسينه محد نصحني فيه وكنت كلش بحول لو ما ياتني الثقة بنفسي لأني كنت اشوف نفسي حابة الشي ومدام اني حابته اكيد بعطي بضمير والحمدلله الله موفقني وماشيه لأني واثقة بإمكانيـاتي . . . وحسيت ان كلام البنات وايد فيه مبالغة لو مشيت وراهم . . . عموماً الزبدة شوفي امكانياتج وين . . ولا تشوفين امكانيات غيرج
وترا وين ما رحتي بالكويت والا بره والا أي تخصص بالعالم حتى لو كان سهل . . . كله يبيله مجابل . . أكو دراسه ما يبيلها مجابل !؟ طبعـاً لأ . . مايصير وين ما تخصصتي لازم تجابلين وتدرسين والحقوق فعلا يبيلها مجابل اذا انتي حابة الدراسه دخلي بالكويت ولا تصعبين على نفسج الأمور دامج شايفة نفسج بهالمجال . . . وثقي إن ماكو شي صعب بهالدنيا دام انتي عندج استعداد للدراسه . . . اللي تقـول صعب وحدة لاهيه عن الدراسه وامكانياتهـا قليلة . . . وبعدين ترا جامعة الكويت مميزاتها حلوة وكلمن يحسدنا ما ادري ليش تنحاشون وتدورون على رزقكم ورزقكم بين إيديكم . . وبس الله يوفقج حبوبه
الحمد لله انا معدلي زين ويدخلني حقوق .. انا اصراحه ماابي ادش اي كليه .ابي مكان له مستقبل يعني ماابي ادش كليه حالي حال اللي نسبهم ضعيفه ..عيل انا قاعده اشد حيلي ليش عشان ادش مكان يسوى هالتعب الي تعبته..
هيا ..كلامج صح ..انا المفروض ما اطالع الناس..اطالع ميولي وقدراتي
والله يسهل انشالله
تعالي مصر
انا ادرس بمصر
والحقوق بمصر ماشالله حلوة
اي انا سمعت انا دراسه الحقوق بمصر وااايد زينه
صج اني ودي ادرس بره بس مشكلتي ما احب اتغرب.. اخاف ما ادري شلون خصوصا اذا صرت بروحي ما عندي احد اعرفه..
انتي شلون تأقلمتي مع الغربه؟؟؟