|
|
مرحبآ
ياجماعه الله عطاني زوج كررررريم اللي في يده لغيره فديته الله يكثر خيررره
وبما إن حن ساكنين مع حمولتي صاير ع الحديده ومع ذلك يكابر يصرف صرف الهبال
ع البيت والمشكله ماحد مهتم ومقدر يصرف على هله ماعندي مانع بالعكس مابيزيدنا الا بركه
بس تخيلوا خوانه ساكنين معنا ومتزوجين ومعاشاتهم دبل معاشه ويوم فالشهر يحطون فالبيت
تدرون شنو اخر شي اكتشفته ان سلفاتي يروحون عند خالتي يقولون خاله خلي فلان اللي هو زوجي يجيب وهات
ياالطلبات وعذرها شنو زوجي مايمديه زوجي بيجي متاأخر زين وزوجي يجي عقبه لااا حتى خوانه خذوا السالفه
يقط فلوسه شبعان فلان هات هذا معك والا اذا حد ارسلهم بشي قالوا كلموا فلان
تدرووون شنواللي حارني ان خوانه مقومين بيوتهم ويجمعون القرش وهو للحين ولاشي وعايشين هم وزوجاتهم ع جيبه
واذا رحت السوق قال فلانه معك 400 ريال ميزانيتي
ماتساعد زين انا شذنبي البس ارخص الماركات وذهبي من اول ايام زواجي وغيري انواع الماركات والذهب الطقم مايتكرر
بنات اتمنى ماوحده ترد الأ وهي حاطه نفسها مكاني زوج كريم عند الغير وزوجته ماتشتري لبس الا قد كرهني فيها؟؟؟
بس قولي له باسلوب زين
قوليله حبيبي نبي نظبط وضعنا موكل مانملكه نصرفه ومسكي ورقه وقلم وخلج ذربه ودلوعه
وقوليله المبلغ الفلاني لي هذا حقي مصروفي تعطيني اياه والمبلغ الفلاني حق البيت
والمبلغ الفلاني حقك انت والباجي اقترحي عليه يعطيج اياه تخشينه له او يحطه بالبنك لكن الكرت بالبيت لاياخذه عشان لايصرف
قوليله امك فديتها اختك الغاليه خل لسانج ذرب يعرف انج موحاطه دوبه ودوب اهله لكن همج مصلحته
قوليله مثلا والله مرت اخوك تقول قاعدين نجمع فليساتنا عشان المستقبل وجذيه
حسسيه بالمسؤليه قوليله لويجيلك ظرف طارئ لابد يكون عندك فلوس موكل شي تصرفه
دامكم بيت حموله من جيلون للبيت مره عليكم بالشهر والباجي اوانه واهله هو بعد لازم امه تعدل وتدخل بالموضوع
اتمنى اكون افدتج
تحجي مع خالتج خلها توقفهم وتنصحه
الله يعينج
انتي ما حاولتي تكلمين ريلج و تفتحين عينه على هالسوالف؟؟؟
انا من رايي انج تتغدين فيه قبل ما يتعشون فيه لووول صج من لا حيله له فليحتال
يعني بدايه الشهر حاولي تاخذين منه و حطيهم بحساب ما يدري عنه و انتي لا تصرفين منه
او اذا ما تبين قوليله شرايك نفتح لنا حساب و نحط في مبلغ كل شهر و يكون مبلغ كبير عشان المستقبل و من هالسوالف
وقوليله خوانج كلهم مجمعين فلوس لهم من معاشاتهم وانت فلس ماعندك
وبعدين انتي شكو تنطرينه يقولج جم معاه!
يبه قوليله كل شهر اول ماينزل المعاش يعطيج فلوس لج مصروف للسوق من غير فاتورة التلفون والمطاعم
طبعا عليه وقوليله يلا نقسم الفلوس اول ماينزل المعاش
مصرف لج
مصرف للماجله واغراض البيت عبي الثلاجه وترسيها
وفلوس مصرف لكل اسبوع وحطيهم بظروف
الخ
والباقي خله يصرفه على اهله عاد كيفه المهم انتي موفر لج كلشي وماخذه حقج
بس طبعا انتي كلميه باسلوب حلو وهدوء وتفاهم مو بعناد وهواش !
تصدقين اعرف وحدة قالت لزوجها ابي اشتري لي ثياب حق العيد قال لها ماعندي وبعد كم ساعة يدق علية واحد من خوانة يقول ابي فلوس
مرتي تبي تجهز للعيد ويروح يتسلف ويعطي اخوة حق مرتة تشتري لهم ثياب يعني نفس حالتج واهي ماعندها فلوس لها ولا يقدر يتسلف
القهر ان الناس حاسدينك علية واهو مايدرون ان كريم على الغير وبخيل عليك
قولي لة اذا ماتعرف تمسك فلوسك خلنيانا امسكهم شهر وشوف الفرق كيف بوفر لك بس حرام عليك تمنعين انة يعطي امة وابوة
ولا تقطعين في امة وابوة وخواتة الي مو متزوجين ولا عندهم وظايف لا تقطعين من الهدايا لأهلةحتى لو كان يعطي اهلة المتوظفين لاتقطعين فية بس لاتخلية هالشي يصير على حسابك انتي وعيالك اولى بهالكرم ذا كلة
الله يعينج بس لا تفرقين بينه وهله ترا بيرد لج في المستقبل