والله ماعرفت له قولوا لي شنو اسوي معه؟

هلا حبايبي شخباركم انا اكتب لكم الحين وانا منقهره من زوجي تخيلوا عمري ماطلبت منه شي ولا كلفته فوق طاقته مااخذ منه غير مصروفي وبسس احتاج اغراض اذا خلص مصروفي بس مااطلبه مدري ليش احسه يستبخل علي وعلى اهله لا يطلبون منه بالالاف ولا يقولهم شي وهذا انا احاول اشتري الرخيص عشانه بس وعشان اخليه يوفر ع قولته انه مايوفر شي ابد وهذا انا عطيته من عندي الفين ويوم طلبتهم عشان ابعالج لانه مو راضي يعالجني قال لي تمنين علي وزعل ويقول تعبت منك ومن طلباتك الكثيره ماادري انا غلطانه ولا يوم اني طلبته وهذا هو يعطي ابووه لما طلبه ولا قال شي بس انا افكر ليش انا يحاسبني وانا اكون حنونه هعليه في المصاريف وهو مو مبين بعينه قولوا لي شسوي معه؟ يعطيكم الف عافيه
مع اني والله محتاجه بس من كلمته زعلني قلت ماعاد اطلب منه ابد بس ابي احسسه بالذنب ويعرف غلطه

ليش جذيه وانتى مقدرته ….لازم تتعالجين حتى لو تردين فلوسج منه اذا سلف ..لان متى ما بغى عيال بيقولج بالوقت ضايع ابي يهال وتاليتها يتزوج كعذر <<انا ما اشيشج انا انبهج …صارحيه بكل شيء بقلبج بهدوء…مادري شقول بصراحه انقهرت وحطيت مكانى مكانج !!!!

الله يهديه

هذا واجبه
والتوفير مو معناته يقصر على مرته
اذا مو قد المسئوليه جان ماتزوج
والمفروض ماتعطينه شي

معطيته الفين مره وحده و اهوا يصرف عليج بالقطاره

انا حمد لله عندي ولد الله يخليه لي انا اتعالج عشان شي ثاني مو عن حمال الله يرزقنا وااياكم

السلام
شوفي اذا اهو مو قادر ولا مايبي يعالج استئذنيه ان بتقولين حق ابوج او احد من اهلج ان يكفل بعلاجج

معاها بالراي

وايد مركزه على مصاريفه لاهله…………

شرعا وقانونا يصرف عليج ما يكفيج

ملبس ومأكل ومشرب والاحتياجات الهامه

****************

انا شخصيا ضد الزوجه اللي تعطي زوجها مبالغ مادية

خاصة بداية الزواج

عقب سنوات وعشره عمر وعيال وتعرفين خيره من شره

وجربتي كرمه وطيبته ممكن تفكرين تسلفينن زوجج مو تعطين …..بعد لاحظي قلت تسلفين مو تعطين

بالنسبه لج تلمسي الوقت المناسب لفتح موضوع استرجاع فلوسك وقد تكون له ظروفه الخاصة اصبري عليه شوي

ولا تحاسبينه على مصاريفه لاهله لانه هذا قد يسبب لك مشكله انتي في غنى عنها

والله ييسر امورك

فوفو

والله نصيحه الرجال لاترحمينه بالمصرف لانه مايقدر ولايبين بعينه كلش يحبون اللي تطلب وانتي اوله واطلبي اللي تبينه يصرف على منو اذا ماصرف عليج

انا مع فووفووو

لاتقولين انت عطيت اهلك وسويت

انتي غلطانه ليش تحنينه من البدايه مفروض معودته انج تشترين اللي تبينه لو غالي

خلاس هو تعود انج ماتطلبين منه فلوس وبكلمه منه بيكسر خاطرج

لازم تقولين له ابي الالفين اذا قال تمننين علي قولي لو اتمنن ماكان عطيتك اياها من البدايه

ترا رجلج علي ماعودتيه وولدج علي ماربيتيه

والله يسخره لج

الله يعينج بس انتي عطيتي مجال يتمادى

والصراحه المفروض ماتعطينه فلوس انتي من البدايه عرفتي طبعه انه اهو يبخل عليج

هالمره تعطينه فلوووس اكيد ما يردهم ويقلب عليج السالفه بس انا اقولج اخذي فلووسج منه وقوليله

بأي طريقه يرجعهم وهذا الوقت المنااسب اللي انتي محتاجه الفلوس فيه واذا يبي يوفر مو على ناس وناس

جدامج يبي يوفق وجدام اهله يعطيهم كل شي ؟؟؟

الله يعينج ويحل مشاكلج ان شاءالله

والله كانك تكلمين عني ياريوفي

الله يهديه لج