والله لم احتاج لمخلوق كثر هالمرة تكفون لاتخلوني

السلام عليكم ورحمة الله وبركاته

إلى خواتي العزيزات الحبيبات اللي اعتبرهن خواتي اللاتي لم تلدهم امي
لااعلم من اين ابدأ موضوعي وقصتي واحاول اني اشكي لكم لعل قليل من الهم ينزاح واني اتيتكم لاني محتاجة لنصائحكم ودعائكم لي وانا اعرف انكم كفو للثقة التي اعطيكم اياها

حبيباتي انا بنت عمري 30 ويتيمة ولدي العديد من الاخوة الصبيان وانا البنت الوحيدة بينهم وانا اقوم برعاية ومراعاة والدتي المريضة المتعبة المقعده الحمدلله اني بارة بوالدتي وهذا اللي مهون علي وستقولون لماذا لم تتزوجي بعد ياتي النصيب ويذهب الى غير رجعه مع اني متميزة في شغلات كثيرة من ثقافة وشهادة ووظيفة وجمال واخلاق وهذا من رأي الناس فيني واقسم بالله لاني لاازل او اكذب عليكم بأي كلمة اقولها هنا
انا اعاني من كوابيس من قطط وافاعي وحشرات وامراة تلاحقني وهذه الاحلام تكثر عندما اقرا البقرة او في ناس تتكلم عني لخطبتي وانا اعتبر ذلك بلاء من الله وصابرة ومحتسبة وليس هنا المشكلة المشكلة ياخواتي العزيزات والله العظيم وصلت اني زوجة اخوي تعايرني بالعانس البائرة والمنحطة وكثير من هالكلام البذئ اعزكم الله
وكل ذلك ظلم لي وايضا تعايرني باني العب مع الشباب واخذ منهم نقود وانا التي لااحتك معها الا بالسلام فقط وايضا اخواني التي كلمة والثانية يضربوني لاتفه الاسباب او عشان حريمهم وكل ذلك لاني لااسكت عن الحق ولاارضى بالغلط
اقسم بالله يابنات اقسم بالله اقسم بالله اقسم بالله ياخواتي اني اذرف من الدموع ولالدي
احد سواكم افضفض له لاني صج حدي متضايقة عسى الله يفرج عنكم كل كرب الدنيا ويرزقكم من حيث لاتحتسبوا انا لاطلب منكم الا الدعاء تكفون لاتخلوني عسى ان الله يصلح من حالي من دعائكم الصالح لي

احــــــــــبكم فـــــــــي الله
حسبي الله ونعم الوكيل

هونيها وتهون ياحياتي لاتحاتين ارمي كل همومج على رب العباد خو كفيلج في هذي الدنيا

اقري سورة البقره وصلي صلاة الليل وادعي واكثري الاستغفار وربي يرزقج بكل شي تتمنينه ياحياتي

وعليكم السلام والرحمة

حبيبتي عورتي قلبي عليج الله يكون في عونج يا رب ويفرجها عليج
كملي اقري سورة البقرة ولاتوقفينها حتى لو حلمتي كوابيس كملي
عليج بالاستغفار والحمد ودايما رددي سبحان الله والحمدلله ولا اله الا الله والله اكبر وعلى طول خليج على وضوء مهما صار خليج طاهرة طول الوقت
ارقي نفسج حبيبتي روحي المكتبات اللي تبيع كتب اسلامية واشتري لج كتاب عن الرقية وشلون تسوينها
الله يصبرج يا رب كله اجر وحسابه عند رب العالمين مايضيع
عسى الله يفك عوقج ويفرجها عليج ويفتحها بويهج ويرزقج كل ما تحبين وكل ما تتمنين يا رب

مااقول الا ربي يفرج همج عاااااااااااااااااجلاً قولي امييين

اختي اوصيج بالبقـــــــــــــــــــــــره ثم البقره ثم البقرررره والرقيييه الشرعيه سوء على نفسج او اذا تقدرين تروحين للراقي شرعي.~

واستعينو بالصبر والصلااه..~

اصبري وان شاءالله ربي يفرجها عليج وماتخلص هالسنه الا وانتي متزوجه قولي امييين

يا قلبي عليج بصلاه الليل والاستغفار والرقيه وسوره البقره
الله يفرجها عليج عاجلا غير اجلا

اختي الكريمة ياليت دايما تكونين على طهاارة

وياليت تلقين من صديقاتج تفضفضين لها عشان ترتاحين نفسيا لانج ان ارتحتي بتنحل المشكلة سريعا جدا

وياليت دايما ترددين قول لاحول ولاقوة الا بالله العلي العظيم

وياليت دايما تظنين ان لمشكلتج حل وبيكون سريع ودايما فكري بالي تبينة يصير مو الي ماتبينة

والله يوفقج ويستر علييج يارب

وعليكم السلام ورحمة الله بركاته
عليج يا اختي بقراءة صورة البقره على طول والاحسن ان يكون كل يوم
وعليج بالاستغفار الدائم والله يهون على كل مسلم ومسلمه كربته

لا حول و لا قوة الا بالله العلي العظيم

دامج بارة بأمج و عسى الله يزيدج فيها بر و عناية خل عندج ثقة بالله ماراح يضيعج…..

اعرف وحده جذي. امها مالها غيرها برتها و قامت فيها العمر كله
يوم الله خذى امانتها و البنت كانت كبرت و شافت من الناس الي شفتيه من حجي بين يوم و ليله سبحان من عطاها واحد ارمل عنده بنيات الحين ما تسمعينهم الا يقولونلها يا يما ماعرفوا ام غيرها
هي عليهم حنونه و هم صارولها ببرهم بنياتها عقب ما فقدت الامل بالعيال مع العمر الي راح….

سبحان الله يختبر العبد و يمتحنه و لضاقت عليه حتى يظن انه ماعاد يحتمل يجيه من واسع فضل الله الخير الي بعمره ما تمناه او تصورة…

لكن خل حوايجج عند باب ربج و دايم شوفي بلاوي غيرج و حمدي ربج عالي انتي فيه ….

الحمدلله بلاج مو بدينج
بلاج بظلم من الي حولج هذا بصبرج لج فيه اجر و لهم اثم تاخذين حقج ان كان لج حق بين ايد ربج…. منو فيكم الرابح؟
طويلة اللسان الي متزوجه و مو خايفه الله تعايرج بكتبته سبحانه و الا انتي؟

الحمدلله بلاج مو بعقلج
باره ان شالله بامج حقانيه مع نفسج عارفه الي لج و الي عليج…..

الحمدلله بلاج مو انج انتي الي تظلمين غيرج ساعتها تظلين بغفلتج لين ييج من خافي علمه الي يوعيج و يا عالم ساعتها تقدرين عالتوبه و الا لأ!!!

لشفتي اخوج مجبل عليج بظلم قولي اللهم اني اضعك في نحره و اعوذ بك من شره
لقدرتي لا تمر 3 ايام الا و انتي قارية البقرة
كثري الاستغفار و عسى الله يفتحلج ابواب فضلة و رحمته

جزاج الله الف خير وبميزان اعمالج ان شاء الله

ربي معاج يصبرج ويهون عليج اللي إنتي فيه
قلبي معاج يا الحبيبة
و أسأل ربي الرحيم اللي أرحم فيج من كل مخلوق إن ينصرج على كل من يضايقج أو يأديج.
وأخوانج ربي يشغلهم في إصلاح نفسهم بدال ما هم قاعدين يضايقونج وإنتي اللي قايمة بأمهم.
لا حول ولا قوة إلا بالله العلي العظيم ,,