والله العين والحسد يخرعون .دشوا شوفوا أشصار ؟؟؟؟؟

أنا بدوامي لي فتره طويله جم سنه يعني …ولاحظت إني من دشيت هالدوام ومشاكلي مع زوجي زادت وصارت بكثره أكثر من قبل بس أطنش وأتعوذ من الشيطان وأقول هذا شي طبيعي بكل حياه زوجيه …..

بس صارت أشياء نبهتني وخرعتني بعد …كل بنت تتزوج عندنا بالدوام نحضر زواجها ونقعد نتكلم عنها وعن كشختها أسبوعين وبعدين لما تداوم البنت ونشوف ألبوم عرسها كل وحده تنغز الثانيه(شوفي أشحلاتها؟؟؟؟؟شوفي أشلون يطالع فيها بحب ومشفوح عليها ؟؟إلخ إلخ )والنتيجه مايتم على زواجها إلا شهرين بالكثير وبعدين تنفصل ؟؟؟؟؟؟

المهم ماأطول عليكم …..كثرت سوالف الطلاق خصوصا للي توهم متزوجين وكلهم يقولون بدون سبب ……لما لاحظت إن وحده من البنات إنتقلت من عندنا وبعد جم شهر وصلنا خبر إنها ردت لزوجها …..الله يسعدها فرحنالها حيل وباركنالها ….بس لاحظت إنها ماشاءالله يوم راحت عنا توفقت ….هاذي أول ملاحظه !!
الشي الثاني إن وحده من البنات وهاذي ماشاءالله حبوبه وتدخل القلب وكشخه وخبيره بالمكياج واللبس وخفيفة دم الله يستر عليها ويوفقها …كانت عيون الكل عليها ويابخت اللي بيتزوجها وياحظه فيها و ياااا ويااااا…..بعد فتره البنت تزوجت ماشاءالله …ونفس الشي ياااحلات صورها وياااحلات زوجها ولايقين حق بعض و و و ……بعد فتره البنت إنفصلت مع إنها تحبه وهو يحبها بعد ………..تقول مو قادرين نعيش مع بعض وكسرت خاطري حيل هالبنت وفكرت إني أساعدها وبيوم كانوا البنات جايبين قهوه وحلو فكرت إني أجمع غسول القهوه بعد مايخلصون منها كلهم (طبعا هاذي الطريقه زينه وتنفع حق حالات العين لأنها تعتبر طريقه سهله لأخذ أثر العائن ) وفعلا جمعته لها وقلت لها تسبحي فيه يمكن إن شاءالله ينفع معاج وتخف عنج العين ….خذته البنت وراحت …..

بعد شهر تقريبا تقول الحمدلله أحس براحه وزوجي قام يتصل فيني ويبيني أرجع له ؟؟؟؟؟وناسه والله فرحت لها وتأكدت إن العين اللي صابتها من الدوام ولازم تاخذ حذرها وتخش خبر رجوعها ليما يرتاحون مع بعض ….

زبدة الكلام إن الناس لازم يذكرون ربهم وخصوصا في الأمور اللي تخص المتزوجين لأن العين تصيبهم بسرعه ….ولازم بعد كل وحده ماتسولف بكل شي بينها وبين زوجها في ناس عيونهم حاره ويحسدونها على راحتها مع زوجها وعلى كل شي بعد ….
وإذا حست إن المكان مو مريح تنتقل لمكان ثاني أحسن يمكن ترتاح فيه وتخف عنها المشاكل …..
وإذا قدرت تاخذ من أثر العائن والحاسد أي شي يكون أفضل عشان تخف عنها العين ….

طبعا رفيجتي لاحظت كل هالأشياء بنفسها والتجربه عاشتها محد قالها لها عشان جذي حبيت أنقله لكم تستفيدون منها وتحافظون على نفسكم من العين والحسد الله يكفينا شره وياليت الكل يتعود على كلمة ماشاءالله تبارك الله …..والله حرام بيوت تضيع وأطفال يتشتتون والسبه عيون اللي مايخافون من ربهم ولا يحبون الخير للناس ……