|
|
السلام عليكم بنات
مشكلتي ماكنت افكر اكتبها بس تعبت تعبت تعبت والله قاعده اكتب وابجي واحس بتعب خصوصا اني حامل 
المشكله بزوجي خذيته على حب بس بسرعه تزوجنا وماكنت اعرف سوالفه الا بعد الزواج طبعا ماعنده سوالف بنات س سوالفه مع ربعه وياخذ حبوب منشطه ومن هالسوالف
المهم قبل فتره تهاوشت مع حمولتي واتهموني بشرفي وطلعت منهم وسكنت بشقه وخذيت قرض واثثتها كلها لان زوجي يقول ماعنده وانا دام ابي شقه اتحمل المهم عندي منه ولد طبعا لاعت جبدي كله انا الي اصرف عالبيت وهو كله ماعنده لدرجه قام يطلب مني فلوس وانا ما اقصر معاه
الحقير مايحترمني واسلوبه وصخ ونذل ولو اموت من البجي جدامه يضحك وبغني ومايهمه معني حامل وتعبانه ساعات احس يحبني يعني يسوي شغلات يحبني خصوصا انه قبل خذا قرض عشاني بس الحين صاير غير
مشكلتي معاه ان راح زار اهله وخذا ولدي ولدي عمره 3سنين وتوني قعدت من النوم وحيل تعبانه من امس كنت نايمه قلت له متى بتيون قال الولد بينام عند اهلي وبصراحه السالفه مالها داعي خصوصا انهم يوم كنت ساكنه عندهم صارت مشاكل وايد لانهم لما انزل ولدي عندهم لما يصعد الحفاظه طافحه وكله يحطونه بالمطبخ عند الخدم ومحد له خلقه والحين يبونه ينام و ولا وحده من حريم حمواني تخلي عيالها ينامون واهم مايقدرون على حمواني بس على زوجي لانه وايد يخاف منهم ومعطيهم وي
بنات لايعه جبدي منه احسه مو ريال تخيلوا اخته تكلم شباب جدامه ومايقدر يبطل حلجه والله ديوث وكل حجته انه يخاف يسوي مشكله وامه ماترضى عليه او امه يصير فيها شي لانها مريضه اشدعوه هذا مو عذر
لايعه جبدي منه والله متضايقه تكفون شسوي والله ودي اموت وارتاح شنو هذا ادق عليه يرد بنفسيه واسلوب خايس وصاير كله بره البيت واذا يه البيت بس عشان ينام
انا تعبت شسوي ابي ولدي ينام عندي ماشفته اليوم واهو يقول الولد بينام عند اهلي بنات امس تهاوشنا وطقني بغوطي الكلنيكس حيل بظهري انسان حقير واطي خذيت قرض واثثت الشقه والحين ماراح يصفالي من معاشي كله اقساط وقروض وعشان منو عشان واحد حقير ونذل
شسوي بنات عفيه قولولي تعبانه احس برجع ومافيني طاقه والله غصب اكتب
حسبي الله ونعم الوكيل والله يوفق الي ترد علي ولاتنسوني بالدعاء
ما اقدر اقول غير هالكلام
استغفرالله شهالحالة ؟؟
حبيبتي انا لو بنصحك ، بحط نفسي مكانك ! انا مااسكت ! لا يمكن أسكت عن الغلط بالكلام شلون عاد مدة الإيد !!
تدرين وربي لوأنه من اول مرة لما مد ايده وقفتيه عند حده والله مايتمادى ! بس شافك ساكته !؟؟ قام يزيد !
قوليله ترى ضرب المرة مو رجولة بالعكس ، رداة ونقاصة عقل !
عندك أبوك أو إخوان وياليت واحد فيهم يكون عصبي وزوجك يخاف منه ! خليه يتدخل خليه يمسكه يهزئه شوي ويقوله ان عاد مديت ايدك عليها ، بنعلقها برقبتك !!
قلبي ياحياتي ، انتي سكتي حييييييييييييل !
يابنات ميخالف ! أكيد الوحدة تبي تحافظ على حياتها الزوجية واتغاضى عن بعض الزلات عشان مااتهدم بيتها !!
بس صدقوني وربي ان ماحطيتوا حدود ، لتخربون حياتكم بيدكم !!
ومااقول الا الله يهديه غصبن عليه ،، وولدك خليه يجيبه غصب ، ولا عاد تخلينه يمد ايده عليك !!
وحنا بشهر رمضان ادعي ربج انه يهديه ويصلحه ولا تهتمين حق سوالفه ولاتكلمينه
والله يعينج
وعان جذي ساكته وميته قهر والمشكله ترى وايد فيه عيوب يجذب وايد فوق ماتتصورون وحركاته تفشل رقله ومن الحبوب المنشطه الي ياخذها الكل يلاحظ عليه انه موطبيعي وووايد يتحرك اه يابنات والله مادري شقول انا تعبت احس الموت راحه تعبت بدنيتي من يوم كنت بنت وللحين وانا ما فرحت بحياتي يوم مشكلته اهو زين وطيب بس بسرعه ينلعب بمخه ويقلب اهو بعد تعب اهله من صوب وانا من صوب
توني دقيت عليه ولا ببيت اهله شكله راح اييب ولدي بس لازم يعكر مزاجي ويتعب نفسيتي واهله بس يبون يقهروني باي طريقه مع اني كافه خيري وشري عنهم من كبيرهم لي صغيرهم حاقدين علي مع اني ماقصرت معاهم بالهديايا والكلام الحلو واساعدهم وعمي دايم يطلب فلوس ويقول بيني وبينج واعطيه بدون لحد يدري واخر شي اتهمني بشرفي هذا جزاة الطيبه
وعشانه على كل الي سووه فيني عشان زوجي رحت لهم وكلمتهم ولابين بعينه هالشي
بنات عفيه ادعولي ادعولي اني ارتاح بدنيتي لو يوم انا راضيه
ويأجرج علي صبرج
الله يعينج حبوبه
ليش اهو ماعنده فلوس؟؟
ما انصح اي مره تدفع شي ببيتها الا اذا كان زوجها فقييييييييييير او عنده مشاكل ممكن اساعده لان الزوجه عالحلوه والمره
بس اذا كان الله معطيه ماله داعي تصرفين على بيته راح تعودينه على جذي
جربي كلميه وذكريه انج زوجته وخذاج وانتي عزيزه عند اهلج ولازم يعاملج باحترام
مشاكلج فووق بعض
اول شي حبيبتي هدي وذكري الله وانشالله ماراح يصير الا كل خير بس هدي روحج انتي حامل والزم ماعليج عمرج …
بالبدايه امبين من الي فهمته من كلامج ووصفج للموضوع ان ريلج
اسلوبه خايس ووصخ << بالمقابل صرتي نفس اسلوبه لان اللي قاعده تكتبينه عنه انه " النذل الحقير " اكيد تقولين له هلحجي بويها لمن تتهاوشون فا هم انتي صار اسلوبج وصخ معاه
الحل انج اتبطلين هلاسلوب بالبدايه .>> نصيحه كل شي تبينه يطبقه طبقيه على روحج فتره بتقولين انا تغيرت واهوا لي الحينه على عداله .. لا يبا ماتصير السالفه بيوم ولا يومين .. الخراب يحتاج يوم وكل شي يخترب بس على ترتيب المواضيع وحلها يحتاج ايام واذا لزم اشهر … 
لي تنرفزتي اهدي ومسكي نفسج وسكتي شوي وفكري بلي بتقولينه واذا تنرفزتي حيل من كلامه قوليله انا ما اسمحلك تقول عني جذي ولا تكلمني بهلطريقه لو سمحت >> بيستنكر من ردج يمكن يمكن راح يستهزأ ويزيد علشان ينرفزج حقريه وروحي مكان ثاني لمن تهدين … ويهدا واطخ المواضيع دزيله مسج .. لي متى بنعيش بهلفوضى لي متى بنعيش وكل واحد يسمع الثاني كلام مايحب انه يسمعه … خنرد مثل اول احترمني لاني قبل لا اكون حبيبتك انا زوجتك وقبل لا اكون زوجتك انا ام عيالك …
وحطي فبالج هلمقوله " عاملي الناس باخلاقج ليس باخلاقهم " وهذا زوجج لازم تعودينه من يد ويديد ولا ماراح تقدرين تعيشين ..
هذا حل حق مشكله من مشاكلج وانشالله على اساسها تنحل اكثر من مشكله بحياتج …
ولاتحنجين على كل الامور اصر على ان ولده ينام عند اهله خليه ينام بهدوووء وبعدها لي رد كلميه قوليله اليوم نام مو مشكله بس لو سمحت يا فلان انا ما احب ولدي ينام الا عندي ماعليه خله اليوم وبعدها خلاص … علشان خاطري
وبالاسلوب الزين تكسبينه مو بالزف والصراخ وطاخ وطيخ
حبيبتي أصحي .. الريآل أهو ملزوم يصرف عليج وعلى عيآلج وإذآ أهو مو قد المسوؤلية اشحقه يتزوج ؟ إنتي بس تسـآعدينه مو كل شي عليج يآقلبي .. مثل مآعودتي نفسج تصرفين , مسكي إيدج وخليه أهو اللي يصرف عليج .. وأخته الله يستر عليهـآ مآلج شغل فيهم ولآ تفكرين فيهم كلش .. ركزي وإهتمي بصحتج إذآ مو عشآنج عشآن البيبي اللي فـ بطنج .. وحآولي كثر مآتقدرين إتبردين قلبج يعني مو على كل شي تعصبين ..
ولمآ تحسين الوضع أوكي وريلج طـخ .. كلميـه بهدوء عن اللي يضآيقج , حآولي تكسبينه بصفج لآ تعآندينه
والله يهديه لج انشالله وراج ولاده ادعي لاتنسين بإذن الله الدعاء مستجاب
ويأجرج علي صبرج
الله يعينج حبوبه