|
|
السلام عليكم
ولدي عمره 3 سنوات وضروسه بادية اتاكل من الخرابيط الكاكاو والبفك وغير رضعة الليل
وديته عند الهادي وشاف اضروسه وهالحجي من قبل 4 اشهر
وقال التكلفة 190 دينار والعلاج راح يتم بتخدير كامل
وانا خفت من سالفة التخدير
وبعد ما مرت الايام وولدي الحين جريب ال 3 سنوات كل ما اشوف اضروسه اتحسف ويضيق خلقي لانها متاكله وسودة
علشان جذيه وديته من غير تردد للمستشفى
ومن بعد ما شاف ضروسه الدكتور قالي ليش تاخرتي الحين 318 دينار
طبعا الكتور غني عن التعريف اهو الدكتور فؤاد
عموما وديته الصبح وما خليته ياكل ولا يشرب وبعدين بدلو اهدومه وعطوه شراب يهدئه
وبعدين دخلوه العمليا ت 
انا قمت ابجي
وبعد ساعتين طلعوه ولله الحمد
عالج الدكتور 12 ضرس ولبس 3 برسلان
ووضع حوات برسلان ل 9 ضروس
وعالج عصب
ونظف الاسنان
ولبس فضة 3 اسنان
———————
والله الحين حيل مرتاحة لان اضروسه صارت حيل حلوة
بنات ادعولي الله يتمم على ولدي هالنعمة
ونصيحتي لكم حطو بالكم على اسنانكم وخصوصا اليهال
وفرشو اسنان عيالكم ولا تهملونها
بس إنتي غلطانه ليش ماطلبتي تدخلين معاه
أنا بنتي كان عمرها سنه ونص
طلع لها دمل عجييييييييييييييب فوق مقعدتها ومو راضي يطلع
لما وديتها المستشفى طلبت أدخل معاها وكنت ماسكتها أثناء العمليه
وشفت كل شي لما شقو الخراج وبدو ينظفون الوصخ
وكان البنج موضعي
و مشكوره على مشاركة تجربتج
بس حيل صغيرون اشلون يلبسون اسنانه ؟؟؟ عادي
يعني بتطيح ويطلع غيرهم
ادري ان اهمة راح يطيحون بس ليش اخلي ولدي يعاني من اسنانه ترى اذا وصل العصب مشكلة راح يعوره وفيه فرق اذا طاحو واهو بعمر ال3 سنوات وفي فرق اذا طاحو ب عمر ال5 سنوات
زيـنـه
مسك 3
srabeel
bnt q8 in usa
seule12
الله يسلمكم من كل شر
سارا ديور
واي من صجج !!!!!!!! حتى لو قالو ما اروح اشناوية ؟؟؟؟ اطيح عليهم لايبا انا قلبي ما يتحمل
وهم مره سوولي تخدير كامل وسوولي ضروسي كلهم لما كنت صغيره
والحين اعالج عند سيلينا
بصراحه يستاهلون الفلوس اللي نقطها عليهم احسن من غيرهم
والله لا يروعج عليه
ومشكوره على نقل هالتجربه
وانا باجر عمليه ولدي بالهادي (لحميه- وبحطون تيوب بأذونه )
ووايد احاتي
يكسرون خاطري اليهال لما يسوون لهم عمليه ..يعورون القلب
ومشكورة على التجربــــه…
وزين تسوين لحقتي على أسنانه