واااااااااااااي بنات شفتوا الوهقة والقهر !!

واااااااااي بنات شفتوا الوهقة !!

يوم قررت اسوي استقبال بالمستشفى .. قلت خلاص بحجز اول 3 ايام غرفه عادية والرابع ابجناح ملكي حق الاستقبال..
ورحت سألت الاستقبال ابدار الشفا عن هالطريقة قالولي يصير بس لازم اول ما تسوين دخول للمستشفى على طول على مكتب الدخول وتقولين لهم هالطريقه اللي تبينها ..

قلت اوكي .. شريت وجهزت شغلي على اساس استقبال بالملكي ..

اليوم قلت بدق اتطمن .. احجز قبل الولاده ولا حزة الحزة ؟؟ دقيت وحولوني على طول على مكتب الدخول .. كلمني واحد ماله خلق يتحجى ويكلمني وهو مستعيل مالت عليه .. المهم قلت له عن الطريقة اللي ابيها جان يفاجأني :
مااااااااااااايصير !! يا تحجزين من اول شي ملكي او عادي .. مايصير كل جم يوم ابمكان !!!
قلتله انا سألت مره الاستقبال وقالوا عادي .. جان يقول لا من قال !! انا المسؤول عن هالشغله واقول لج مايصير .. واذا بتحجزينها لازم تدفعين افلوس مقدم .

سكرته وانا منبطه جبدي .. انا راح اولد ابقيصرية يعني اول 3 ايام مالي خلق شي .. اشبسوي بالملكي ابهالايام اللي راح اكون حدي تعبانه فيها؟؟ مابي اقط هالفلوس عالفاظي لأن ماراح استقبل الا باليوم الرابع نظرا لحالتي الصحية بعد القيصرية ..

وانقهرت على تخطيطي وتجهيزاتي من كفر كشخة شاريته مخصوص للاستقبال من دبي ومفارش شنعه وتوزيعات الككاو اللي سويتها ابنفسي وتعبت على فكرتها وتنفيذها وحلو وفنجان البسكوت من ميومة ولبس انور والطاهر و و و و الخ !! شسوي فيهم

شوفي المستشفيات الثانية يمكن يرضون على طريقتج

والله يسهل عليج

شكرا حبوبة سوبر ماركت عالمشاركه

انا ابي دار الشفا لأن دكتوري حسام عندهم .. هذا الشي اللي حادني عليهم

السلام عليكم ورحمة الله وبركاته
ويييييي بعد عمري لا تقهرين نفسج
بس صج صج دار الشفا صاير حده اي شئ
كل ما اروح هناك اشوف واحد قاعد يصارخ عليهم و يزفهم
و صح كلامج اللي يردون علينا بالتلفون كله مالهم خلق حشه قاعدين نطر منهم مالت عليهم

انزين حاولي تروحين لهم و تتفاهمين معاهم
بس لا تزعلين عمرج

اىىىى عرفته هذا اللي يتكلم بسرعه..

هذا لم رحت ابي اشوف غرف الولاده قالي ممنوع ما يصير..

و القهر ان في بنات اشكثر يقولون عادي احنا شفناها لا ممنوع ولا شي..

شوفي ساره شكله هذا يخوره..

تأكدي مره ثانيه و ثالثه حاجي المسؤول اللي اعلى منه..

و اذا قالوا هم مايصير عندي لج حل .. يمكن حوسه شوي بس عشان لا اتحرين بعمرج..

و اهو انج تاخذين غرفه عاديه و بعدها تطلعين من المستشفى ترتاحين يومين بالبيت بعدين تحجزين يوم او يومين كيفج الايام اللي تبين بالملكي..

منها ترتاحين اكثر و ترتبين امورج..

بعد هالطريقه فيه خير خل يتكلم..

و اهي نفس الطريقه بس شكله يصير حق جحا

صاجيين البنات سوي طريقة ام فروحه اذا عصلق معاج و اسن شيء انج لسويتى جك اوت بنفس الوقت حجزي الجك ان مسبقا عشان ما يوهقونج مالج شغل فيه اصلا مالهداعى حتى تروحيين البيت بنفس الوقت سوي جك اوت من هنى و جك ان من الصوب الثانى قطع صج متخلف
و هم سالى دكتورج اذا يولدج بمستشفى ثانى و اذا سأل ليش قوليله القصة ممكن يظبطج بعد يعنى طقى كل الأبواب و ان شاء الله ربي يتمم عليج و تقوميين بالسلامه و يصير كل اللى تبينه

ترى دار الشفا يوهق حتى لو تدفعين مقدم …وحدة اعرفها هم قيصرية و دافعة مقدم حق ملكي يوم يات ما حصلوا لها الغرفه حتى بعد 4 أيام و كلمنا المسئولة و قالت شنو نسوي في ناس تمدد و تبي تقعد شنسوي فيها نقول لهم لأ.

بكم القصيري وكم يوم تقعد بالمستشفي ؟؟؟؟؟؟

قااااااااااااايلة لج ..

قطيعه تقولين بيولدونا ببلاش

وعرفته هذا اذا ماني غلطانه الي قاعد بغرفه بروحه جنه فار اول ماتدشين على يدج اليسار احنا لمن كلمانه قالنا مايصير

اختي الكبيره ماسكتت كلمت المدير ووافق

انتي كلمي المدير احسن لج وقوليله عن نفسية الفار هذا وخل ينتبهون حق مستشفاهم لانهم قاعدين يخوروونها

يازينج والله ملاك الر وح .. دايما اتهونين علي .. بعد قلبي والله

اي صح ام فروحه .. قطع كان يتكلم ابسرعه يعني خلصينا ماقدر اطول معاج ..

والله جني بسوي طريقتج .. ابوقت طلعتي .. اقول لهم ابي ملكي يوم واحد

وهم بروح لهم بس موعند هذا النفيسة .. بروح حق اللي اكبر منه واشوف شيصير

بشوف اللي اكبر منه شيقوللي وانشالله خير
والله يستجيبلي دعائج انشالله حبوبة

خوش طريقه هارموني..وهم بكلم دكتوري يمكن يقدر يسوي شي..
ومشكورة عالدعوة الحلوة حياتي

ياكرههم ولا جنهم مستشفى خاص .. الله يعين ولا انطب ابهالموقف يامعوده