وأخيرا عم الفرح في بيتي

الهم صلي وسلم على سيدنا محمد وعلى أله وصحبه أجمعين

اللي يحب النبي يصلي عليه

حبيت أبشركم بعد سنتين من الإنتظار ربي كرمني مع اني ما كنت متوقعه الحمل

لدرجه تكرمون شريت الكوتكس وزهبت نفسي للدورة والحبوب طلعت والعوار نفس الشيء

قلت يا بطوط انسى هالشهر ورحت السوق ويا امي وافتر مني ومناك وشايله اختي الصغيره

انا عندي خوات صغار المهم مالكم بالطويله

مر يوم بعد الدوره بلش الفار بعبي يلعب او يلعب الفار بعبي

قلت انسي خلاص عقب ما طلعت الحبوب شوي والا يمر اليوم الثاني ونفس الشيء

اهني خفت قلت اكيد نفسيه والا شي

مر الثالث والرابع والخامس والسادس قلت لااااااااااا اكيد هرموناتي خربانه

قام ريلي وراح المسجد وقال لي بتأخر شوي بعد الصلاه بنص ساعه والا جاني ومعاه تحليل يلا بيبي قومي سوي تحليلج

خفت وتكرمون والله ما طلع معاي شيء رحت شربت دولكه مااااااااااااااااااي همن من الخوف مو راضي يطلع شيء

قال لي صبري وريحي اعصابج صدقيني الله بيرزقنا واذا لا انا ما اتخلى عنج وابيج من غير يهال

اهني انا ما بين خوف وما ابي اتفشل

رحت واهو يتسبح سويت التحليل اللى بالبيت طلع خطين والله ثم والله قعدت ابجي واصارخ

واناديه اهو يتسبح طلع لي بسرعه وقال ها بشري قلت مبرووووووووووووووووك بتصير ابوووووووووو

لمني ورحت اركض بدق على امي من الخرعه واني مو مصدقه قمت ادق غلط بعد ثلاث محاولات غلط دقيت على امي وقلت لها كانت فديتها برا وبسيارتها جان تقول لي واهي تبجي صج يما قلت اي يما قالت والله اني كنت اغالط نفسي واقول لا ما ابي اعشمهاا هالشهر جان تصارخ تقول لا دعم سدي الخط

شوي والا تدق تبجي تقول انا سفطت وبروح ابشر اخوانج

حبيت ابشركم لاني احسكم مني وفيني هذا اول بيبي انا الحين بشهري الأول

بلشنا نساة وتعب احس كله حارج ما اشتهي الأكل وما اشتهي شيء اسمه حليب بعد بلشت اكرهه زوجي مسكين يكسر خاطري

ما ادري شقول ادري قرقت بس حبيت اقول حق كل وحده كانت فاقده الأمل مثلي ترا الله كبير ويرزق العبد تدرون شنو كنت اسوي انا وايد باره بأمي بروا أمهاتكم كل ما تروحين دوامج عطي البنغالي او اللى ينظفون الحمامات الحريم عطيهم ربع نص وانتي راده وانتي رايحه استغفري والله الاستغفار يجيب نتيجه وبعد اقري سوره البقره لو كل يوم صفحتين انا جذي اسوي والله حملت من بديت اسوي هالاشياء مع اني قاطعه العلاج من زمان عشان النفسيه وكا ربي ما قصر ويياي لاني قويت علاقتي فيه

شنو تنصحوني الحين ؟؟

الحين احب اقول من كل قلبي يا رب تتم علي حملي وحمل كل الحوامل وتسهل علينا ويرزق كل محرومه تتمنى الطفل

فمان الله

عليه أفضل الصلاه والسلام

أمين يا قلبي والله يبارك فيج

مشكوره حبيبتي

الله الحافظ مشكلتي اللي بقلبي على إلساني

مشكوره يا قلبي

الله يبارك فيج

أمين يا رب كل محرومه تعيش هاللحظه من كل قلبي والله اتمنى هالشيء

تسلمين يالغاليه

أميييييييييين يا عمررررررري

حبيبتي انتي لا تعورين قلبج علي خلاص الحين وقت فرحه

مشكوره يالغاليه

مو مصدقه اشوفه والله

بصراحه محد يعرف غيركم وغير امي واخواني ورفيجتي بالدوام بس

مشكوره على هالنصايح الحلوه ما قصرتي فديتج