|
|
السلام عليكم
كيفكم حبيباتي كويتيات
انا صار لي موقف من خالة زوجي اخت امه
وهي حرمة كبيرة وارمله
العاده يابنات اروح لها وانبسط وما اسمع اللي دعاوي زينه
بس اخر مرة رحت لها مرررررة تضايقت
زيارتي لها كلها ساعتين
طبعا سويت قهوتي وحلايا واخذته معي
وانا اتقهوا بنتي الصغيرة تبي تقعد جنبي وتقوم اخوانها
تغار
تبي تجلس جنبي المهم هي زعلت لانها تبعد اخوانها عني ونافخت شوي
رديت بضحك هذي الصغيرة المدللة ياخاله
ع طووووول ردت علي اجل بناخذ لفلان اللي هو زوجي صرافه
وانا مافهمتها قلت بضحك قصدك حرمة تخلف قالت لا موظفه وطبعا مرة ولدها جالسه
وطنشت
وكملت قهوتي
ورجعت تعيدها تقول بزوج فلان
قلت لها اتحداك بدلع وانا اغلي من جوه
وتعيدها يابناااات وقامت ردت مرة ولدها وقالت الرجال ما تامنيه ابدا
يمااااا منهم خوفوني
ورجعت قلت انا بنت عبدالله والله ما يلاقي ظفري
وبعدين طلب زوجي يجي يسلم ع خالته
ودخل وتدق بالكلام تبي تقوله بزوجك
وانا اسوي نفسي مفهيه ومطنشه
وخرج من عندها ولا قالت
ورجعت بعد تتحداني بهالكلام
لدرجة انها اتصلت عليه وانا اسمعه والله اتصلت تقوله ابيك بموضوع خاص مو قدام زوجتك
عشان لا تمدحها
وطبعا رجعت تقول امزح بالله ذا مزح
وغير كذه ازورها مرة كل 3 شهور تقريبا
اكراما لزوجي
بس هو يروح لها
بس مررررة تضايقت وحتى العشا قلت مالي نفس لاتحطون هالنعمة تكفي اقصد القهوة وتوابعها
وكنت اضحك وارد ببروووود واتكلم معها بلهجات عربيه مختلفه قامت تقول انهبلتي من طاري العرس
قسم بالله تضايقت منها وابد مابينت لها
والله اني اصب القهوة ويدي تتنافض وما ابيها تلاحظ
مدري وش بلاها علي
ولما جيت اطلع بيتي تقول بكلم اختي
اللي هي ام زوجي
ونتفق عليك
قلت الله يقويكم
ابي رايكم
بنات رجاااااااء لا تسبون فيها او شي من هالقبيل نبي نتناقش ونبي حلول بدون اثم.gif "Eh S(17)")
ادعولي في ظهر الغيب ربي يكفيني شر من اراد بي وباهل بيتي سوؤ
ان يرد الله كيده في نحره
انا بصراحه مافهمت شنو فيها لو بنتج قعدت يمج شدخل هالسالفه انها بتزوج ريلج بدال لا تدعي لعيالج الله يخليهم لج وجذي
بغيت اسأل ماقلتي لريلج ؟؟؟
اهوا ماستغرب منها انها تيب طاري الزواج وانتي قاعده !!!
دقت عليه كلمته ولا لا وشصار
انا اقول اسفهيها ولو انا منج اقطعها خير شر لاهي امي ولاني ملزومه بصلتها الله يكفيج شرها مافي وحده تقلب مني والدرب تلقينها من زمان مو بالعتج وطلعت اي عذر الله يهديهم اذا الزوجين متحابين لازم يخربون البيت ولا شنو غير نمونه هالناس الله يشغلها بنفسها عليج بالاستغفار والدعاء واذا علاقتج قويه بريلج لا تخافين وصارحيه قوليله شكلها خرفت الله يهديها
ايه قلتلك دقت قداااااامي وانا اتقهوى وسمعت صوت زوجي باذني وهو مو داري وش السالفه
وهي تقوله ابيك بسالفه بس مو قدام زوجتك
احسها تنرفزت لانها ماقدرت تنرفزني
وانا داخلي بموووووت منها
امكن هالشي ماثر عليها والله العالم
ولا ابي اقطعها عشان لاتقول ايه نرفزتها بالسالفه وتقعد تعيد وتزيد
مع انها تقول امزح
بس لو تمزح كان بيننا وخلاص مو تكلم ريلي
الله يهديها لنفسها
ويشغلها عني
اللهم من اراد بي وباهل بيتي سوؤ فرد كيده في نحره واجعل تدبيره تدميرا له
امين
ولا تمدحينه قدام احد وخلي اللي بينكم بينكم مهما كانت سوالف عاديه
وقبل كل شيء توكلي على الله لو اجتمعو العالم كله عشان يزوجونه
محد يقدر الا بإرادة رب العالمين فطنشيييي وبردي على قلبك
اما بالنسبه لموقف بنتك الصغيره ماله شغل ابد هي براسها موال وماعرفت
كيف تطلعه يمكن مالقت عليك زله عشان تقط هالسالفه بوجهك واستغلت هوشة الصغار
الله يهديها بس لا تثقين بأحد اللي تحبك اليوم بكره تقلب عليك بالذات لو السالفه
فيها حسد
وانتي ما شاءالله باين عليك بنت اصول وقلبك طيب عامليهم باخلاقك و الزيارات لو تخلينها بالاعياد والمناسبات فقط
أفضل لك
الله يحفظلك زوجك وبيتك ويكفيك الشر
ولكم بالمثل
وايه قلت له لانه سالني وش كانت تبي خالتي لما اتصلت ليش تتكلم بالالغاز وقلتله
بس ماراح تقدر تسوي شي لكن غلط انها تنبه الريال على شي وتحط هالشي في باله
الموقف الصحيح ان ان افتحت الموضوع قوليلها انا ظيفه عندج وهالغشمره ثقيله خالتي عن اذنج
وطلعي بدون رجعه
ولا يهز الموقف فيج شي قولي حق نفسج انا وزوجي مرتاحين بعلاقتنه انا احبه واهو يحبني
هذي غيرانه تبي تنكد علي بس انا ماراح اعطيها اهتمام واهيا اخسرتني بهالموقف
ومره ثانيه لا تجاملين وتسوين روحج مافيج شي وتتبوسمين وتتدلعين عليهم
لان بتتعبين اكثر
بصراحه الموقف موحلو منها بس هم انت ردة فعلج كلها غلط
اولا لازم تبينين انج تضايقتي
لان هي ماتبي تزوجه بس بتضايقج كان بينتي لها وانتهى هالشي بدال مايوصل لتحدي وتحدينها مرة عوده وعقله خفيف ونزلتي لمستوى عقلها
وثانيا بينتي للكل انج مرتاحه معاه حيل لدرجة انج تحدينها ان تزوج عليج فهالشي حرها حيل انج مرتاحه كل النساء موبس هالمراه جميع النساء من حوالينا لاتبينين لهم محبة زوجج لج. خليج مجهوله علاقتج مع زوجج امام الكل لاانج مرتاااحه ومستانسه ولاانج مسكينه خليج مجهوله وهالموقف المفروض ماتردين كلشششششش ولا كانها تتكلم ضيعي السالفه كل ماعادتها اقطعيها وسولفي مع الناس الي يمج طنشيها بادب واحترام وتغافل كانج موسامعه شيتقول وان عادتها تبينين انج اعوذبالله والله مالهم اماان الرجال لاتدشين نصيحه بتحدي موعشان بتزوجه لا مولهالدرجه زوجج بتاثر فيه اشدعوه عشان الحسد والغيره والمشاكل
ومن طرق تطفئين حسد وغيرة الحساد معاملتهم معامله زينه وراقيه وامتصاص غضبهم وغيرتهم موتحديهم
قلليلي زياراتج لها يمكن منقثه منج خلي الزيارات بالاعياد والمناسبات والاستقبالات بس اما صلة رحمج متى ماحبيتي