هل يستمر الزواج بعد؟؟؟؟؟؟؟؟

هل يستمــر الزواج بعد الخيانة؟

شاركينا برأيج؟؟؟؟؟؟

اغلى حبيبه
يستمر اذا كانت الخيانه من طرف الرجل
طبعا مو كل مره تتحمل هالشي بس الاكثريه تقول اتحمل والله كريم
اذا مو علشانه علشان العيال وعلى امل انه ينصلح الحال

بس اذا كانت من طرف المرأه انسي هالشي اعتقد انه مافي ريال يصبر على مره تخونه الا اذا كان مسحوووور

وفي حالات المره تضحي وتسكت وتصبر لانها تحبه وما تبي تخسره للابد عندها يخونها اليوم بس يتم عندها طول العمر مو عند غيرها

يعني هذا رايي الشخصي
والله يعطيج العافيه

انا برايي على حسب الخيانه اذا هو خاني علشان انا مقصره وقتنعت اني هي مقصره اسامحه لكن اذا خيانه على مزاجه لا فيها قبايل هذي…..

واذا امبينا عيال بسامحه علشان عيالنا ………

هذا هو قراري وهو يعرفه حتى……

المراه ممكن تتحمل خيانة الرجل خاصة اذا كانت اول مره
لكن الرجل مستحيل يتحمل خيانة المراه حتى لو كانت اول مره

وطبعا لكل قاعده شواذ

ايه عادي شنو المشكلة … حبيبتي لو كل مرة تطلقت علشان زوجها خانها بتلاقين كل الحريم مطلقات شوفي ما اقول لك كل شيء بيصير عادي من البداية لا يبي له مدة علشان الوحدة تتأقلم ويجمد قلبها خصوصا اذا بينهم عيال بتتحمل وبعض الرياييل يصيرون اوادم عقب الخيانه يتسنعون وبعضهم لا يزيد ويصير على عينك يا تاجر

والله يجوز يستمر ويجوز مايستمر يعتمد علي ظروف الحياه نفسها اذا المره مسكينه ومظلومه وماعندهخا احد يشيلها ولايشيل عيالها وكبيره بالسن منو تلجأله عير ربها وسيادتها
واذا صغيره ولها عزوه وكان تقدر تشيل نفسها يصير حجي ثاني
ويعتمد علي صبرها وقددرتها علي التحمل

الله لا يورينا هذا اليوم بس انا عن نفسي راح أستمر معاه بس بشكل ثاني يعني زوجه على ورق فقط لانه المره صعب تكتشف خيانة زوجها وتستمر معاه لانه خلاص جرحني وأهاني لون إني تارسه عينه ما سوه هذا الشيء ومستحيل أسامحه فيها الله لا يوريني هذا اليوم إن شاء الله

No Way

اممممممممممممممممممممممممممممم

بس في Way لبغض الناس هب الكل

لانه بالنسبه لي اذا طاحت الثقه والاحترام خلاص مافي مجال نو نو نو هاسبند نو

ممكن انه يستمر اذا كان بينهم اعيال بس في حريم ما يقدرون ويطلبون الطلاق على طول

آنا راي من راي البنات ما عداج انت يا بدووورة….اعتقد صعبة على الوحدة تستمر بزواجها بعد الخيانة يمكن على ورق لكن زواج عادي و حياة عادية مثل قبل …..ما اعتقد …..لان الحريم مثل ما وصفنا الرسول عليه الصلاة و السلام "قوارير" يعني اي جرح او خدش صغير بتم اثره للأبد

نفس راي البنات .. الموضوع كبير و متفرع وايد

اذا الخيانه من المراة .. الرجل لا يمكن يستر معاها لو شيصير .
اذا الخيانه من الرجل .. يعتمد على المراة .. اذا ما بينهم عيال .. ينفصلون دامهم علىالبر .. و اذا بينهم عيال يعتمد على الزوجه اذا تبي حياتها تستمر بتكون غير عن اول مثل ما قالو بس على الورق و بس عشان عيالها يتربون بوجود ام و ابو …. و اذا ما تبي حياتها تستمر تطلب الطلاق و تشيل مسؤوليتها و مسؤولية عيالها .. و بنبه على شغله خيانه عن خيانه تفرق .. اللي يكلم بالتلفون غير راعي القعدات غير اللي ينام ويا وحده غير اللي يدور البنات و الهياته و السفر و كله على حسب تقييم المراة بسس عن نفسي الخيانه وحده دام سواها مره يسويها مرات عقب لانه يستسهل الشي ..

عسى الله لا اييب الخيانات لنا و لازواجنا و للمسلمين جميع .. امين

انا اشوف ان الخيانه وحده ما تتجزأ سواء من الريال او المراه لان بالحالتين تسبب ألم للطرف الثاني في ناس ممكن تستمر لاسباب وايد لكن انا اشوف بالنسبه لي ما استمر شنو بنطر منه بعد ما خاني وماكو شي يجبرني اعيش معاه زوجه بالورق او غيره اذا الحياه بيني وبينه ما راح ترجع مثل اول شنو فايده اني استمر فيها ولو عشان العيال عشان ما يتعلمون انه هالشي هين ولدي يسوي نفس ابوه او بنتي ترضى بالوضع لانها مقتديه فيني

انا كنت بقول كلام وايد لكن زينة اختصرته لي

رايي من رايج بالضبط
الخيانه مو سهلة طبعا اذا صارت من المرة راح تنشات وحنه العيد مافي رحمه
باي حال من الاحوال

واذا صارت من الريال لا تنزل الرحمه وينغفر له على طول من المجتمع
اما من الزوجه فاذا مافي عيال تشوته وترد بيت اهلها اشرف لها
واذا في عيال تبلع موس وتمشيها معاه بالطول ولا بالعرض
وما تسمح له انه يلعب بحياتها على كيفه
يعني تاخذ موقف قوي مو دمعتين وتسكت
تحط له حدود يعني وتخليه خايف من ردة فعلها غلط انج تعلمينه شنو ممكن تسوين بهالمواقف
لان من امن العقوبة ساء الادب

الله لايحطنا بموقف جذي يابنات امين

انا اولا ابي اقول شنو الخيانه اللي تقصدونها يعني لاي حد ؟؟
مثال يعني بعض الازواج من قبل الزواج متعود علي انه يكون عنده اكثر من مراءة بحايته ويتزوج وتستمر معه هالحاله مادري هل تقصدون هذي السوالف او انه بعد الزواج لانه لو صارت بعدالزواج ومن اي طرف اعتقد هذا لان الزوج فيه خلل او مرض نفسي باحد الطرفين واما هل تستمر الحياه الزوجيه او لا من ناحيتي مستحيل ام بوجه عام اعتقد كل طرف ورده فعل يعني بيحسبها شنو خسران وشنو مستفيد ويحزمها لصالحه وبنسبه لموضوع الخيانه حتي لو استمرت الحياه الزوجيه اعتقد بيردون يفتحون الموضوع بأي مشكله جديده وينبشون بالاضي عشان جذيه من راي انه الواحد يشتري كرامته