هل يحق للناظرة ورئيسة القسم معاقبة المعلمة على الغياب المرضي؟

السلام عليكم خواتي وحبيباتي كويتيات الله يبعد عنكم شر المرض ويعافيكم ويمتعكم بالصحة والعافية الدائمة قولوا آمين .. اصبت بمرض منعني من اني ادوام اختلال بالتوازن ما اقدر امشي المهم الطبيبة نصحتني بأني ، ما اتحرك كثير او امشى حتى لا اتعرض للكسر نتيجة للدوخة أخذت طبية ، الناظرة طنقرت مع رئيسية القسم اقول لهم ما اقدر اوقف واطيح يقولون داومي اقول ما اقدر اسوق السيارة من عدم التوازن يقولن كفيج تداومين او لا ، يعني تهديد رسمي في تقريري يتعاملون معنا كأنا آلآت ما كأنا بشر .مع ان اذا غابوا زميلاتي كملت لهم منهجهم وما اعترض لكن المشكلة في الحريم يتعاملون معنا كأنا شغالات عندهن ، بنات اطلب فزعتكم ونصيحتكم انا طبقت تعليمات الطبيبة وخفت على نفسي وما عند الواحد غير صحته ، كيف اتعامل مع النسرة الناظرة ورئيسة القسم الأخت تذلني بالتقرير مع اني اكثر وحدة تكرف في القسم ،ا الله لا يذلنا لأحد يا بنات والله قهر انا ماقصرت مع رئيسة قسم ولا حتى الناظرة واني ادفعمن جيبي الخاص حق الوسائل وشغلي وعمري ما طلبت منها شئ ولما تعبت اخذت تهددني مع انها يا بنات باقي زميلاتي بالقسم ما يردن عليها الشور تخاف منهن وانا لأني مؤدبة تطمع في، منهن اللي غابن بالأسابيع ما شفتها قالت شئ لهن حتى لما تطلب منهن شغله يقولون لها لا .. انا ما احب المشاكل لكن الظاهر ما ينفع معهن الا اللسان الطويل .. مع اني ما احب طولة اللسان .. يا بنات اطلب نصيحتكم كيف اتعامل معاهن ، هن من النوع اللي يخاف ما يستحي اطلب نصيحتكم وفزعتكم معاي هل يحق للناظرة محاسبتي على الغياب المرضي وانا ما تجاوزت ال15 يوم التي اقرها ديوان الخدمة المدنية ؟ يعني اجازة مريضة من حقي وانا مريضة انا بشر آ ه من الحريم استغفر الله وسلطتهن .. استغفر الله العظيم واتوب اليه .. رجاء ادعو لي بالشفاء وان الله يكفيني شر النسرتين ويعديها على خير..

لج حق 15 يوم مرضية

زيادة قدمي فيها مجلس طبي و يحييلج اهوو للاجازة لفترة مرضية

و حسبي الله و نعم الوكيل عالظالم عبالها انج اتجذبين

مشكورة حبيبتي الله يعافيج .. انا عندي تقارير طبيبة ويحق لي اخذ مجلس طبي لكن حبيت استمر معاهم علشان طالباتي .. ما بقى الا شهرين وشهر 5 كله راح يغيبون .. واشكرج على مرورج ووجزاج الله خير ..

هذي مشكلتهم مو مشكلتج

والحل انتي بنفسج قلتيه

الحل تتعاملين معاهم مثل باجي زميلاتج

انتي اللي مصغرة نفسج عندهم وسامحة لهم بهالشي

لانج مبينة لهم ضعفج وحاجتج لهم

وهذي عيب اللي تركض ورا هالتقرير وتبين هالشي لهم

المنهج عساه ماخلص

محد يحاسبج كلللش ع المنهج

المسؤولة رئيسة قسمج والناظرة والتوجيه

اهمه اللي يسدون النقص

تبين نصيحتي

طفي جهازج ولاتردين ع مكالماتهم

لانهم مو كفو حشيمة

ماقدروا ظرفج ولا صحتج

ولا بيدهم شي

طنشييييهم واسحبي عليهم

الصحه لاراحت مايعوضها شي

لا سمح الله صار لج شي بتدفعين دبل معاشاتج ودبل امتيازاتج

الواحد يشتغل عشان يطور حياته

مو عشان يدمر حياته

عيدي حساباتج وعيدي التفكير باولياتج

انا والله اموت من القهر لما اشوف المعلمات مظلومات من هالحقيرات اللي مايقدرون

انا لو مكانج ما افكر فيييهم كلللش ولا برايهم ولا بزعلهم

واقصاها ادز لهم مسج واقول عسا اللي فيني فيكم عشان تعرفون اذا اقدر اداوم او لا

يعني اذا فيج حيل و قوة اتكملين هالشهرين كملي

بس واضح من كلامج انج ماتقدرين اتوازنيين

واذا طحتي تنكسرين

شلون بتداوميين ياقلبي

؟؟؟؟؟

والله ياقلبي

انا مو دكتوورة

بس اعرف نفسي بيوم اكوون بقمة التعب سواء نفسي ولا جسدي ما اداوم

لو غياباتي فوق ال 15 يوم عادي اغييب

المهم محد يشوفني بضعفي ولا بتعبي

وانا عندي بنت اسم الله عليها فكرت مثلج طالبات و شغل مابيه يتراكم على ابلة غيري

الحين البنت صحتها تعبانة و ضعييفة مناعتها ضعييفة

الواحد اهو طبيب نفسه

مثل ما قالي طبيب ولادتي

متى اتحسين بتعب سيدة ريحي نفسج مو تراكمينا على بو انج بتريحين اللي معاج

لا يكلف الله نفسا الا وسعها

شكرا حبيبتي .. على النصيحة صدقيني انا من النوع اللي ما يفكر في التقرير لكن رئيسية قسمي هي اللي تفكر فيه ومن كثر ماهي عاشقة للتميز ظنت الناس مثلها انا التوجيه يدري بحالتي اني مريضة وقلت للموجهه بلساني اني تعابنه وما خبيت على احد وترجيته علشان الامتياز .. لكن اللي ضايقني انه تظن انا شغالات عندها وعند الناظرة هي لو حكيمة كان قدرت تتصرف في حالة غياب اي معلمة زميلتها تتعاون معها وتراعي ظروفها هي تركت الأمور تمشى على البركه مع اني انا اذا اخذت احتياط زميلتي درست لها علشان ما تتأخر وخليتها ما تحاتي منهجها هو اول وتالي خالص خالص ، لكن حز في نفسي تهديدها وقلة ادبها وعدم وتقديرها لظروف المعلمة اقول لج شئ ، مرة الناظرة نادتني لمكتبها ولما دخلت لقيتها تتكلم في التيلفون طلعت اشرت لي بيدها تعالي المهم دخلت الا واسمع الناظرة تتكلم عن معلمة في مدرستنا غايبه وتقول هذي ما صدقت على الله يعني تمرض وتسير فيها هالمصيبة علشان تغيب انا تضايقت حيل حسيت بقهر على هالمعلمة وليش الناظرة تكون سيئة الظن لهذه الدرجة وتقول عنها انها ما صدقت على الله مهما كان المرض يذل الانسان ويهد حيله ويش دعوة يفرح وهو يتنقل بين المستشفيات لكن هذلن الناظرات ونظرتهن للمدرسات وفي حينها تصورت ان المناطق التعليمية مكتب توريد العمالة المنزلية والمعلمة اللي تمرض وما تعجبهم يبدلونها استغفر الله العظيم ، بيني وبين نفسي تضايقت على حال هالمعلمة انا يا اختي العزيزة عطيتهم الطاف وحطيت لي خط ثاني خاص لي ولأهلي ومن يعز علي اما المدرسة حطيت لهم خط اسكرة لما اغيب ، تخيلي اذا غبت ويش تسوي تروح حق صديقاتي وتقول دقو عليها او انها تبلغهم يبلغوني مطالبها .. استغفر الله العظيم ..انا عمري ما اهتميت بتقريرها حتى انها مرة قالت نعطيج افادة قلت عطوني ما يهمني لا عت جبدي منهم ومن مطالبهم اللي ما تخلص .. وشكرا على مرورج ونصيحتج ..

شكرا حبيبتي على المرور وعلى نصيحتج الغاليه نعم الصحة هي اهم شئ نعم شعرت فيها لما تعبت قبل لا اغيب في المدرسة واصبح وجهي شاحب وشعرت باني سأموت ذهبت للعايادة الغير مجهزة وطلبت المساعدة للأسف الشديد ما عندهم شئ شعرت بالقلق والخوف من اقع في المدرسة تمالكت نفسي حتى رجعت للبيت والله لا ادري كف سقت السيارة والدنيا تدور في لما وصلت البيت ما صدقت على الله .. اني وصلت بالسلامة .. عرفت ان مدارسنا غير مجهزة لأنقاذ حياة اي طالب او معلمة والعيادات ما هي الا مجرد مظهر حالها حال الرسومات اللي تزين المدارس انا ما اعمم ولكن اقول الأغلب .. نعم الصحة تاج على الأصحاء ، لكن المشكلة امي تقول اخاف ينقلونج . اذا غبتي ، قلت لها مالهم حق .. وهي خايفة تقول الناظرات مالهن امان .. بس انا فوضت امري لله سبحانه وتعالى وهو يعلم بالحاله وهو ادرى فيها …ولج مني جزيل الشكر وجزاج الله خير. وانا انشا الله اكمل هالفصل هذا واما السنة الجاية احتمال اخذ مجلس طبي . لأنهم ما كفو الواحد يتعب نفسه علشانهم وهم ما في قلوبهم رحمة.

طالبه ١٩٩٠كلامك عين العقل وانا معاك مليون بلميه لو الواحد بيمشي ورا الناس ويتركهم يحكمون عنه كان الواحد راح فيها والله اذا او صلت لصحه ركزي على نفسك وصحتك هم اهم وبعدين يزعلون يرضون بطقاق وضعك واضح مو وحده قاعده تلعب اخذي طبيات وريحي عمرك العمر يخلص والشغل مايخلص الله يشفيك شفاء عاجل

لا كيفج لو تغيبين طول السنه محد يحاسبج المعاش و بينقص بس

لاحول ولاقوةالا بالله
الله يعافيج ويشافيج شفاء لايقادر سقما

محد يقدر يعاقبج – بس لابد من حملة العداوة والحقد

بالطقاق اهم شي اننننتي

اخذي مجلس طبي

واذا فيها خير اتكلمج

لا تداومين ولاىشي ولا تردين عليهم

لااا تردين عليهم خير شرررررررر

بنات الي تاخذ مجلس طبي يأثر بتقديرهاا ؟

والله يشاافي صاحبة الموضوع وجميع مرضى المسلمين

وارد اقووول الصحه فووووق كل شي الدواام موو مهم الصحه اهم الزم ما عليج صحتج

اولا ماتشوفين شر حبيبتي
ثانيا((( الحريم )))) إنتي اللي تحطين لهم حدود من مسؤوله الى ناظره الى وزيره حتى
اتكلمني في حدوووووود صلاحياتها واذا طولت عليج الموضوع تبي تذلج بالتقرير قولي سوي اللي يريح ضميرج يالطيبه !!!!
وأنا بصارحج بشي بس تحمليني الواحد مو كل سنه آداءه بالعمل يكون نفس باقي السنوات
كل سنه لها ظروفها ولها ( تقريرها) انتي لاتضغطين على عمرج وتحاولين اداومين واذا ماقدرتي تغيبين وتبينهم يقدرونج ويعطونج امتياز او نفس التقدير اللي انتي متعوده عليه
مستحييييل هالشي يصير

اللي عليج اتقبلين الأمر انه تقريرج بينزل مستواه لان صحتج أبدا ولا تحتمل التأجيل واذا اقتنعتي بهالشي
صدقيني لو ايقولون ما يقولون ماراح يأثرون عليج ؟؟؟؟؟!!!!!!!!
انتي متأثره بكلامهم لأنج ناطره منهم شي

بالتوفيق بس انتبهي على صحتج يالغاليه