هل يجوز ان انتقم من من ظلمني ؟

السلام عليكم خواتي عندي استفسار انا زوجي طلقني ظلم من سنه ونص والسبب امه والسبب الثاني وحده حثاله خربت بيتي طلقني وانا حامل قبل ولادتي باسابيع وعندي منه 3 صبيان
انا خذيت حقوقي بالمحكمه بس للاسف حكمي موقوي حتى الاستئناف ماراعوني والحين لازم انطر عقب ما يمر سنه عالاستئناف عشان ارفع زياده نفقات والوضع صعب لانه تزوج وياخوفي تحمل
وهو الحين تزوج من ست شهور وعمي مو راضي على زواجه و قال لامي ان اهي الي خربت بيتي
بنات انا قاعده ادعي ان الله ينتقم لي منهم من اول ما طلق
بس انا مقهوره ابي انتقم وبمقدوري هالشي عمري ماراح اسامحهم
هل يجوز اني انتقم منهم لان في بالي الانتقام وخطتي الي مفكره فيه بتجني عليهم يا ان تصير لهم مشاكل او يطلقها

وحده بوحده والبادي اظلم ساعات اقول اخليها على الله بس تعبت وااايد وياريت شفت خير ورى هالطلاق وايد قالوا لي يمكن خيره بس والله ماشفت الا البهدله والضياع وعيالي تشتتوا ورزقي متحسره فيه متبهدله عليي ديون مو قادره اسكرها غير المحاميين الي نهبوني
لا تقولون لي صدقات ولا استغفار ولا صلاه ليل ولا دعاء ولا قران كل مايخطر على بالكم سويته
انا الحمدلله ماهد فروضي
ليدرجه ان عندي اوامر دائمه بالبنك صدقات من سنين مسويتها مفكره اقطعها والسبب حاجتي للفلوس
قاعده دور وظيفه العصر عشان الي يطلع منها اسدد ديوني مو لاقيه تعبت كل شي مسكر في ويههي مع اني تعاملتي مع بنوك اسلاميه الا التسهيلات خذيت قرض السنه الي طافت مضطره وموقادره اسدده حتى بسالفه بيت الزكاه مو متسهله قلت بقدم طلب عساس يسددون لي وناس قالوا يبيلج واسطه وانا يا خلاف ماعندي
ولا ابي امشي بدرب الحرام اخاف من ربي مع اني اشوف حريم نفس حالتي بس مضبطه امورها كل ساع تتعرف لها على واحد يصرف عليها بالاميات وعايشين احسن عيشه ومرتاحين بس هذه مو تربيتي
بس من وين بدبر تمر عليي ايام ماعندي حتى دينار
وضعي مع بو عيالي اهون على الاقل لما يكون ماعندي يعطيني لكن الحين متحسره واجار الشقه ناهبني ماقدر اسكن مع اهلي صعبه جدا مستحيييل اصلا
على الاقل قبل يوم كنت عنده وضعي اهون لما مايكون عندي فلوس اهو يعطيني
حتى بالزواج مو متسهله لي السالفه ياما خطابات نصبوا وكل ما ياني واحد يعجب فيني بغرض الزواج عقب اكتشف ان هدفه قذر واقوم افركش السالفه مع اني اكون جاده معاهم مع ان ماعليي قاصر الحمدلله بشهاده ناس وايد وانا هم ابي زوج يسندني وانا صغيره والفتن وايد ابي اعف نفسي بس مو بيدي
ياربي انا ماكنت ابي الطلاق حسبي الله ونعم الوكيل
احس راح ارتاح لما انتقم وينهدم بيتهم مثل ماعفسوني وتكلموا عني واذوني وياريت كاف اذاه عني
تكفون ساعدوني هل يجوز اني انتقم منهم واهدم بيتهم ؟
مقهوره اهو الظالم توفق وتزوج وانا المظلومه بحسرتي مو مترقعه ولا عندي سند ولا ظهر امي تساعد بلي تقدر عليه ماتقصر وخواتي هم عندهم مسؤولياتهم وخوان عالطل مايدرون عن هوى دارنا وابوي الله يرحمه متوفي
ياربي عندي احلام وايد ودي ارتاح واسافر واستانس حالي حال هالناس ودي بمشروع استفيد منه ودي يكون عندي بيت باسمي
بس احلامي مستحيله
والله حتى لما يكون عندي فلوس ومرتاحه ماخلي الصدقات وانا الي بايدي مو لي
والله ادعي واستغفر بالالف بس مادري شقول تعبت والله تعبت ومليت من هالدنيا انا بشر شنو مو من حقي ارتاح واستانس

لا حرام عليج صري مظلومه ولاظالم
دعي ربج وبس
ديما قولي حسبي الله ونعم الوكيل
وخليها علي ربج ابرك لج

لا حول ولا قوة الا بالله
ربج يمهل ولا يهمل وكل واحد بياخذ جزاه

حاولي ادورين شي تسوينه بالبيت وتبيعينة مثل أكل أو حلويات أو أي شي ثاني تترزقين منه وشفي جرايد الاعلانية متروسة اعلانات وظايف وان شاء الله خير

حبيبتي تعبت من اني اكون مظلومه واللع تعبت قلت بخليها على ربي بس تعبت

حبوبه مالي بالطبخ والجرايد كله اشوف ماكو بارت تايم

حبيبتي اهوا راح في حال سبيله والله أكيد ماراح يضيع حقج وبتاخذين بتاخذينه …

وانتي لا تقولين ما لقيت أو ما كو فايدة او مستحيل.. انتي قاعدة اتسكرينها بويهج .. اسعى ياعبد وانا اسعى معاك.. رزقج مكتوب وبتاخذينه بتاخذينه… مافي شي مستحيل …شوفي انتي شنو شهادتج وقدمي عالديوان أو على الهيكلة وجيكي على قسم الحياة العملية .. واذا مومكملة دراستج حاولي تكملينها.. واذا اجار الشقة مأذيج اسكني عند أهلج لين اوضاعج اتحسن باذن الله… وانتي مطلقة ماينزلج معاش؟؟ …. حاولي تحطين كل شي عندج قدامج وخططي للخطوة الثانية واهو انسيه والله ماراح ينساج خلاص لا تهمين نفسج .. عيشي حياتج ..

والله وياج

والله حاولت وحاولت ماكو طقيت كل البيبان مابيدي شي شسوي قولي لي وين القى بارت تايم

شنو قصدج ان راح ينهدم بيتهم او يطلقها ليش متأكده ؟؟؟ بتسوين سحر؟؟؟

اقولج شي سبب تعاستج ان نيتج من داخل مو زينه متروسه حقد وحسد وامراض نفسيه ولاتقولين اصلي واتصدق نظفي قلبج اول عشان ترتاحين وعشان ربي يرزقج,, شوفي ليش اهو طلقج ,, امه ليش ماتحبج,, قعدي مع نفسج بتكتشفين اشياء وايد اولها ان قلبج مو نظيف وايامنج ضعيف والا تفكرين بالحرام !!!! الرزق من الله خافي الله ترى كل ماعصيتي عرفي انج بتتعبين اكثر وبتنحرمين اكثر وبتضيعين اكثر
الحل تغسلين قلبج من السواد اللي فيه وتطهرين عمرج من هالحقد والحسد وربي بيرزقج

اليس الله بكافي عبده؟؟؟؟؟؟
تاملي هالايه عدل عدل عدل
اختي الكريمه هذا ابتلاء من الله لج
تقبليه وارضي ومن رضي له الرررررررررررررررضي
وكلي امرج لرب الكون اللي امرج كله بايده
خليهم اهو ومرته اللي بيبعج بيعيه
وبعدين مانقص مال من صدقه حديث ( وماينطق عن الهوي)
لا تستسلمين للشيطان
اهتمي بنفسج
اقرائي سورة البقره لها فضااااااااااااااااائل كثيره
صلي قيام ليل وادعي الله ياخذ حقج اذا كانوا ظالمينج
صلي بخشوع بقلب صافي ونيه طيبه

وبصراحه وبدون ماتزعلين ايمانج ضعيف
تقربي من الله
من تقرب لي شبر تقربت اليه ذراع
امرنا كلناااااااااااااااااااااااااا بايد ارحم الراحمين
كلنا نمر بمشاكل وهموم
لا تعتقدين اني خاليه من الهم
لكن تعلقي بالله
والله راح اتحسين انه الدنيا ماتسوا شي ابد حتي اهوا ماراح تفكرين فيه ابد
ادعي ربج ليل نهار صممي عالدعوه
صلي ابجي اشكي
مثل ماتشكيلنا راح تلاقين الفرج
اللي يتعلق بالله مايخسسسسسسسسسسسر

لا حبيبتي مو *** اعوذ بالله وانا الحمدلله نيتي سليمه وامه اهي الي ظلمتني ولا ليش بناتها واقفين معاي ضدها وضده امه انا قمت فيها قومه وشلتها شيل بس اهي حقيره ورى مصلحتها اذا اهي اشكره قايله انا بس احب الاكل الي تييبه لي والعطور والهدايا ولا ماحبها شرايج بلا وعمي الحين هاجرها عشاني صرت سايق لها ولبنتها حتى بالسفر كنت اخذها عيل اكو جنه تاخذ خالتها معاها ولعلمج كل من يلومني وانا كنت اقول لا حرام تستاهل امه خل تيي وتستانس ووناستها من وناستي ترى قبل علاقتي فيها سمن على عسل ويضربون فينا المثل لعلمج يوم طاحت بالجلطه خذيت اجازه وجابلتها بالمستشفى هديت عيالي وجابلتها وكل من لامه ليش طلقني ولعلمج الكل شاك ان زوجته اهي الي مسويه *** مفرقه بينا وغير انها شككته باخلاقي وهالشي حز بخاطري والدليل احلامي احلام بحيايه سوده وعقارب حتى ابوه شاك انها مسويه له *** اصلا لا حبيبتي قلبي نظيف مو انتي الي تقيميني وتقولين حقوده اي احقد من حقي الي شفته مو شويه عساج تشوفينه عشان تحسين بمعاناتي انا الي ذكرته شي من ولا شي
وترى مو محتاجه تقييمج ووايد قالوا لي لي طيبتج الزايده وقلبج النظيف ما ينفع هالايام واخذي حقج بايدج ولا تخلين الكل يستغلج وحتى الي يعرفوني يوم قلت لهم قالوا لي انتي قلبج نظيف لاتسوينها
بس الي ايده بالماي مو مثل الي ايده بالنار
ولعلمج قعدت مع نفسي وراجعت نفسي وكل من قال اهم الي ظلموج مو انتي انا تحملت وايد رضيت اعيش معاه بالقليل وساعدته ووقفت معاه لمعلومج قهرتيني بردج انا ابي الي يبرد عليي ويتيني انتي بهالرد لا يبا عندج كلمه سنع ودعوه زينه تحجي ماعندج ياريت تكرمينا بسكوتج
واااااااااي هذه الي بتحرني اقول لها مخربين بيتي واهدموه وظلموني وشتتوا عيالي تقول لي قلبج اسود وحقوده
سييييده *** اعوذ بالله ليش كافره اسم الله عليي من هالسوالف بعد وصلت لي السحر انا قصدي اردها لها مثل ما سوت لي بالضبط
لمعلوماتج ترى قاعده وتمشي وتسال الناس عني حتى الخدم وميته تبي تشوفني وفي ناس وصلوا لي خبر انها مقهوره مني قاعده وتبحث شلون شكلها شلون تعاملها وشلون ولبسها وشلون مكياجها و………الخ
ولعلمج ترى اهو مو كاف اذا عني ليلحين بس مابي اتحجى واقول مسوي شغله ويبي يضرني فيها ومتعمد وان صارت راح انضر وهو عناد مسويها اهو لو مخليني جان طاف لكن ليلحين مستمر باذاه وهم تبوني اسكت

يا بعد عمري والله متقربه من ربي بس تعبت تعبت والله كل هذا اسويه

ام زهقانه وeman kuwait وفراشه بيضا الله ينولكم مرادكم ويسعدكم

وبليز الي بتتهجم لا ترد ترى انا ما اسكت ومابي انطرد من المنتدى بسبه هوشات الي بترد رد سنع ودعوه حياها الله
اوووف الواحد يبي يفضفض ويستشير يبي يرتاح ويلاقي ردود تييب القامت

..

والله حاسة فيج أصعب شي على المرة ينهدم بيتها وتتطلق ربي يعوضج خير ..

تعوذي من ابليس ترى هذا كله من الشيطان يبيج تيإسيين وصدقيني كل ماتضيق اعرفي إنه الفرج قرييييب ..

واذا تبين رايي بموضوع الانتقام تذكري كلام الله سبحانه {وَمَنْ يَتَوَكَّلْ عَلَى اللَّهِ فَهُوَ حَسْبُهُ} كل ماحسيتي بحره رددي حسبي الله ونعم الوكيل ليم ترتاحين انا امجربتها ..

ربي ينصرج وياخذ حقج ويرد لج زوجج رد جميل عاجلا غير آجل ..

..

أن الله يمهل ولا يهمل

حبيبتي صبري و احتسبي الأجر صدقيني الله بياخد حقج منهم

قولي حسبي الله و نعم الوكيل و صدقيني تنأمين مظلومه ولا تنأمين ظالمه

الله يفرج همج أميين

الانتقام صفه من صفات الله عز وجل ( المنتقم الجبار )

وليس من حق الناس ان ينتقموو من بعض

وحتى لو بتنتقمين منهم حبيبتي طليقج مو ياهل او ناقص عقل هو الي طلقج

ممكن اهما يكونون سبب من الاسباب الي خلوه يطلقج

عشان جذي ولا يهمج ولا تفكرين فيهم و تنقهرين حبيبتي في نصيحه حلوه علقيها حلقه بأذنج ( عيش معهم ولا تعيش من اجلهم )
يعني مو تعيشين عشان احد و اذا خلاج تموتين من القهر

بالطقاق وانا اختج ولا يهمج والحمدلله كا خذيتي حقوقج بالمحكمه ولا تهتمين بهالامور
لا تخافين باجر الله يرزقج الي احسن منه لا تشيلين بقلبج و خلي املج بالله قوي دام الانسان عايش بهالدنيا و مؤمن بوجوده انه عايش المفروض ما يفقد الامل