هل هناك ما ينص بالقانون انه من حق الموااطن العمل في مجال تخصصه؟

مثل ما كتبت بالعنوان ابي اعرف في شي بقانون الخدمة المدنيى من هالقبيل يا خبيرات قانون الخدمة المدنية؟

لا

بس اذا ياتج الوظيفه من حقج تطلعين على التوصيف الوظيفي واما تقبلينه او ترفضين

وهو يقولج شنو طبيعه عملج بالضبط

واذا قبلتي تكونين عقدتي عقد تلتزمين فيه سوا بالقطاع الخاص او مع الديوان

لان العقد شريعه المتعاقدين

الدوله مجبره توفرلج عمل مناسب بس مو شرط نفس التخصص

وسلامتج

بس هل معقوله اذا بكالريوس تشتغل سكرتيره مستحيل ولا المحاسب يشتغل سكرتير لانه اصلا لايمكن بالعقل انه يناسب او يعطي بهالوظيفه
شوفي اذا ماعجبج مكان ترشيحج لج انج تنقلين خلال اقل من شهر لاداره ثانيه او مكان ثاني بنفس الوزاره يناسبب تخصصج

بنت الكويت العسل . للأسف انا درست بره اربع سنين و اهلي صرفوا عليا الوف مؤلفة كل سنة على الدراسة و الاقامة و خذيت البكالريوس بإمتياز الحمد لله و اللين استلمت وظيفتي مسماي منسق اداري و الحقيقة اني سكرتيرة لبنية من نفس عمري بس انها متوظفة قبلي . لا و بنات دبلومات و معاهد معاي يطلبون مني اخلصلهم شغل . امس بهذلتهم من صج و قتلهم كل واحد يعرف حدوده معاي مني انا بكالريوس مو هني عشان اطبع ورق و اسويلكم استئذاناتكم
من صج نفسيتي متدمرة حاسة ان كل تعبي راح على الفاضي

ياعمري نفس المعاناة بكلريوس امتياز بتخصص علمي فني بحت اشتغل سكرتيره لله المشتكى شنقول بعد
قعدت سنتين بالبيت وهذا اللي حصلته واسطات الدنيا ولا فادت

الحمدلله على كل حال

من صجكم اذا ماكملتوا شهر روحوا للي فرزكم وقولوله انه انا جامعيه وهذي شهادتي ويوم انفرزت على اساس مسمى مختلف لايمكن اقبل بهالوظيفه بس بهدوء واهم لازم يعدلون وضعكم انتوا وضعكم غلط جذيه وشلونةمسماج منسق وانتي بكالريوس شنو هذا

اذا ماوافق رئيسج روحي للمراقب وين قاعدين شهادات عليا تتساوى بالدبلوم

نوران انتي بالوزاره اقصد التربيه

ايه حبيبتي بالتربية صايرلي اسبوعين . اللحين بعرف اتا مسماي منسق اداري معاملات . المفروض شنو شغلي ؟ لأني مو عارفة شنو اقولهم يس متأكدة ان اكيد مو سكرتارية

اللي اعرفه منفذ المعاملات سكرتير لكن منسق معاملات ماادري شنو روحي لمراقبج او اللي قالتلج انتي تداومين بهالقسم اهي تقدر تشوفلج الموضوع لانه كل مسمى وله وظايف معينه له حسب الشهاده بس غريبه جامعيه ومنسق معاملات شنو شهادتج بالضبط

ترا سهالات تتعدل الوظيفه اولها اذا مسؤولج سنع ولين واذا لا بتحوسين الله يعين

لا ترى كل الجامعيين منسقين اداريين على الدرجة الرابعة . الدبلومات مساعد منسق اداري و منفذي معاملات . انا اللي مسكتني ان الحمد لله مسؤولتي خوش وحدة و خايفة انقل قسم ثاني بمسماي ويا مديرة ذيبة و لا مسؤولة تعذبني . فبصلي استخارة و اشوف استمر بشغل السكرتارية و لا انقل قسم ثاني
تسلمين حييبتي على ردودج

منو قال كل الجامعيين منسقين اداريين على الدرجه الرابعه في محاسبين مبتدئين وفيه باحث وفيه قانوني مبتدئ وغيره بس دامج مرتاحه استخيري كم مره والخيره باللي الله كاتبه الله يسهل عليج ويوفقج
المصيبه اذا الجامعي سكرتاريه عيل الدبلوم شنو يشتغل

قصدت الجامعيين خريجين الجامعات الادارية نفس ادارة الأعمال مو كل التخصصات
و كلامج 100 في المية صحيح بس ظروفي الاسرية ما سمحتلي ارفض و انتظر شي ثاني
فراح استخير عشان القسم و الله يقدم اللي فيه الخير

الله يرزقج بنيتج يارب امين