هل هذي بدآية الفشل الإجتماعي؟

السلام عليكم

اشلونكم بنات ؟

ان شاء الله كلكم بخير وعافيه

مآبي اطول عليكم ورآح ادش بالموضوع على طول

مأدري اشلون أبدأ

والله يابنات الطيبه بهالزمن تنفهم غلط انا احس اني مكبوته ومتضايقه وربي ودي ابكي انا علاقتي كانت حيل قويه حيل مع زوجة حمآي وإهي بنت خالة امي اصلا .المهم نزلت موضوع من قبل عن مشكله صارت بيني وبينها ان حماتي تقول انها تنقل الحجي اللي بيني وبينها . مآ أطول عليكم ورحت انا وصدقت حجي حماتي وكانت تدق علي مرت حمآي ولا ارد وما صرت اواجهها في البيت. مع انا كنا مثل الخوات وشويه كلمة خوات . الحين مرت حمآي سكنت بيتها اليديد وانا فقدتها حيل وفقدت عيآلها ودقيت ابارك لها بالسكن ما ردت وارسلت مسج بعد مآ ردت وانا ابيها لاني ماشفت منها شي كله حجي بس من حماتي شوروا علي شنو اسوي انا احس انه حماتي موصله لها حجي عني بعد لانه مو معقوله ما ترد علي منيه والطريج والله يابنات مآدري شسوي ؟ الله لايجزآ حمآتي الخير اذا كانت كذبت علي بالحجي والا وصلت لها حجي عني وظلمتني ,,

ابي نصيحتكن كانت علاقتي حيل قويه وياها طلعات وسوالف والحين احس بالوحده حتى حماتي ما اشوفها اسحبت نفسها بعد ما فرقتنا

ولا نصيحه ؟ اشدعوه

مادري والله حبيبتي شقولج

انتي الي بديتي القطاعه اول يمكن اهيا بتقول مو على كيفها متى ماتبي وخرت ومتى ماتبي ادق ( يمكن تفكيرها جذي )

اشتري بقاة ورد وديزها لبيتها وكتبي بالكرت كلام يطيب خاطرها

وان شاءالله البنات يفيدونج اكثر

مشكوره تمتم على ردج بس مآكو احد يفيدني كلهم يقرون ولا يردون شالسالفه

لو انا اقرأ موضوع أرد لو بشكرآ

والله اختي معروفه من حجى لك حجى عليك انتي من البدايه المفروض ماتصدقينها وماتعطين مجال حق حماتج تتحجى فيها من وراها

الحين الفاس طاح بالراس

انا اشور عليج تواجهين مرت حماج وتشرحين لها اللي صار وتقولين لها انج ندمانه وحابه تعتذرين

والله يرد شملكم

هنوده ابشرج دقت اخت مرت حماي الحين الحين . تسألني عن شغله بحكم القرابه اللي بينا جآن اقولها امانه فلانه في خاطرها شي علي؟ ارسلت لها مسج ,ولا ردت ودقيت عليها ولا ردت؟؟ قالت لا والله والف يمين انج نفس اختها وكل يوم عن الثاني تمدح فيني جدآم خوآتها وحريم خوآنها تقول انا الله رزقني بأخت ثالثه ( وآآآي طآيره من الفرحه ) بس موبآيلها امس ولدها طيحه بالمآي والله ما تدرين أشكثر مستانسه والعصر بروح أشتري لها هديه عشان بيتها لان يمآ حآولوا يفرقونا بس الله ويآنا

خلي عندج مقوله و امشي عليها شي ما سمعته بأذني ولا شفته بعيوني ما اصدقه
ولو فلانه ياتج و قاللتج والله فلانه تقول عنج و تسوي قولي الله يسامحها! و روحي واجهي فلانه اللي انقال عنها الحجي هل قلتي عني كيت و كيت
عشان لا تظلمين احد و تبرين نفسج ولا تطلعين بالشينه

الله يخليكم حق بعض يارب ترى بهل زمن ماتلقين بسهوله صديقه لا تفرطين فيها عشان هذي قالت وهذيج قالت

في ناس اصلا لما يشوفون ثنتين على قلب واحد مايتحملون دايما يحاولون يخربون بينهم

حافظي على صديقتج

انا اقول روحي اشتريلها هديه حق بيتها وزوريها وقوليلها ليش ماكنتي تردين عليها

الله يسعدكن على هالردود وهالذوق وهذآ اللي بيصير بأذن الله بروح العصر بشتري هديه لبيتها وقلت لزوجي بنزورها اهي لو مو غاليه ما اهتميت بس أول مره احس اني ظلمت احد بس والله لو كنتوا في نفس وضعي والله تطقون حمآتي كانت تقول شغلات وآيد وحسيت رآسي بينفجر وسحبت نفسي عنهم مده مو قصيره بس حسيت اني فقدتها كانت اذا طلعت تخلي عيآلها عندي وانا اذا رحت مكان أأمن على عيآلي عندها اذا طبخت ارسلت لها وهي بعد عمرنا ما تهاوشنا ولا رفعت صوتتها علي ولا عمرها نغزت علي او على عيآلي بس الله يسامح اللي كآن السبب

الله لا يفرقكم

الله يديم المحبة بينكم وروحيلها ووديلها هدية وانسي كل شى

زين اشوه

دام اختها احلفت وقالت انها تمدحج مااااالج شغل بكلام حماتج

وشي ماسمعتيه باذنج وماشفتيه بعينج لاتصدقينه

روووحي لها في بيتها واشتري لها هديه لبيتها اليديد وقومي بالواجب

ونصيحه لاتفتحين وياها الموضوع اللي فااااااات

الا اذا ااهي افتحت طيب

حسسيها ان مافي قلبج شي عليها وانج مو مهتمه لسوالف حمواتج وكلامهم عنها

حبيباتي الله لايهينكم ويكتب لكم في كل حرف رديتوا علي فيه حسنه

أموآآه

دقي عليها حاولي تتقربين منها